電鬚刨的謎思

今日見到消費者委員會講一單嘢關於電鬚刨價錢同功能嘅報告，我覺得非常有同感。

早排...應該係10月頭個時，一個用咗唔知幾耐買咗唔知幾多錢(應該係百幾蚊嘅水貨~~)嘅 Braun 電鬚刨個網爛咗，通常都係配返就可以再用，但係呢~~~個款可能舊得濟，搵咗幾間都無得配。於是就諗~~都用咗咁耐，其實都可以換返個新嘅。咁就睇下呢個電鬚刨有咩款同咩價錢啦~~~

嘩~~家下Ｄ款真係好多，又咩多刀頭、咩震盪、咩自動清洗，重有就係咩冷凍嘅。但係價錢就真係好貴千幾蚊至到三千幾蚊，不過都重有Ｄ普通款嘅就只係幾舊水嘅~~

睇多兩睇，我就有個疑團(可以話係謎團)喇，其實鬚刨嘅主要功能都係清除Ｄ鬚啫，點解咁多花神嘅，重要買到成幾千蚊一個，唔通用呢Ｄ鬚刨剃完會好耐都唔生鬚嘅 ? 其實有Ｄ唔係用電嘅，用刀片嘅都係咁用，咪又係生存到家下~~~咁買到咁貴，係咪應該都係因為滿足消費者嘅慾望多呢?

所以，最後我係Ｄ買雜貨嘅舖頭到買咗個價值六十蚊嘅小型充電鬚刨~~~效果同我舊個個一樣~~~咁即係其實幾十蚊都可以滿足到我嘅要求啦~~~

咁啱今日消費者委員會都有講鬚刨呢一單嘢~~都係話價錢平嘅同價錢貴嘅鬚刨效果無咩分別~~

【消委會】700元電鬚刨媲美逾3千元貴價貨	60,827
最後更新: 1216 22:21 / 建立時間: 1216 11:19

適中字型 較大字型

消委會測試13款電鬚刨，售價由448元至3,698元不等。結果發現價值數百元的鬚刨剃鬚效果其實與貴價鬚刨相若。

其中博朗(Braun)一款德國製698元的乾濕兩用電鬚刨，剃鬚效果與同一牌子售價3,689元自動清洗電鬚刨相若，甚至防撞防水性能比貴價鬚刨更佳。但同一牌子另一款中國製、售價598元的乾濕兩用電鬚刨，剃鬚效果則未如理想。

消委會又測試飛利浦及Panasonic兩款聲稱有防水功能的電鬚刨，重複5次先後放置在80℃的高溫環境及水中，最終兩款電鬚刨的外殼或防水物料會稍為變形，容易出現夾縫入水。不過兩間廠商均不認同測試結果，指消委會的測試方法遠超標準測試的要求及非合理需要。