2011 塔斯曼尼亞自駕之旅 (23)(Day 16 10/11/2011)

Batman Fawkner Inn > Cataract Gorge > Lunch@Food Hall > Batman Fawkner Inn > Tamar Island > Country Club Tasmania Casino > Launceston Airport > Melbourne > Hong Kong

 今日一早起身見到藍天真係好開心呢，因為可以去埋係 Launceston 嘅 Cataract Gorge 啦，攪下呢樣攪下個樣，都要成9:30先至出發，今朝早餐就係食晒所有剩餘嘅嘅忙，早餐係牛角包夾雞蛋同熱狗腸再加千島醬，食完嘢就Hae咗一陣就離開呢間住宿喇～～

我哋今日嘅景點係Launceston  嘅 Cataract Gorge ，呢一個話係一個公園，但係其實有都幾大下～～以我哋泊車個位唔係經常係網上面D人去到泊個個停車場，我哋泊咗係一個細嘅停車場到，而網上面D人講個個就係大個個停車場～～係個公園入面有幾條路徑可以揀來行，最短個條要行成30分鐘～～我哋見有時間就行咗條 ZigZag Track 、 Cataract Walk 同埋睇埋 King's Bridge 同 Alexandra Suspension Bridge。

原來其實要睇條 King's Bridge 係可以就咁行 Cataract Walk 就得，唔洗行 ZigZag Track 架，因為 ZigZag Track 係山路來嘅，重要有樓梯上上落落，會比較難行D，不過慢慢行就唔覺點辛苦～～一路行條ZigZag Track個時都見到有好多本地人係到行山又跑步，好似唔洗返工呀 !? 呢到D生活指數咁高，咁佢哋D人工係咪好高嘅呢 ? 一路行D風景其實都幾靚，行下影下就唔覺唔覺行咗成兩個鐘。呢個公園入面重有好多孔雀係到周街行，有D重要不停咁開屏添呀～～

行完大約１２點，於是我哋又返去個Food Hall到食個Lunch先，但係今次就要泊架車係D錶位到啦，我哋入咗一個鐘錶。泊完食食下嘢先諗到，我哋唔洗入一個鐘先，因為佢係半個鐘為一個單位，可以入半個鐘先～～佢哋好怪，半個鐘就$1，一個鐘就要$3喎．．．可以入兩次半個鐘就有一個鐘啦嗎～～傻咗～～最後其實我哋唔洗半個鐘就食完走人添呀～～

今次我哋食泰式嘢，叫咗個喇沙同埋炒豬肉飯，都幾好味 !! 食完就去咗一個叫 Tamar Island 嘅Wetland行。呢到有D似香港嘅米埔濕地，有好多高過人嘅蘆葦，同埋都幾好行，全程都係行平路。又有D黑天鵝係到游來游去，我哋大約行咗一個鐘都見唔到其他人。行呢個 Wetland係唔洗收入場費，佢只係要你做 Donation 每人 $3 ，不過我哋就無俾喎～～因為之後上網睇返先知呢．．．

之後我哋因為到無咩地方去，就去咗個 Country Club 到Hae下，又入去個 Casino 到玩下啦，今次去到D Black Jack 都重未有得玩喎～～我呼又玩個 Roulette ，今次就贏咗 $20，開頭個個荷官D出現結果好容易估，後來轉咗第二個之後就好難估啦。玩到差不多15:30我哋就走人去機場，原來個機場都幾近下個喎，十幾分鐘車程就到喇～～呢到還車就咁泊低架車，俾返條鎖匙個職員就可以走人，然後就問下你有無入滿缸油同若果有問題就會Call我喎．．．吓～～走咗就口同鼻講啦．．

之後就機場到 Checkin 過程都非常之快喎，個機場有 Free Wifi 添呀～～今日要搭一程內陸機去 Melbourne，然後就係
Melbourne 轉機返香港，中間有成個幾鐘係機場到等～～去到
Melbourne 個 Terminal 2 搵 Checkin Counter ，去到一個職員都無，我哋見都成七點幾八點咪去搵嘢食囉，先前搭完內陸機經過一D食店再去睇下，最後我哋都係揀咗食 Subway，叫咗一隻長嘅包兩個人一齊食，係 Seafood 味嘅～～

食完就返去Checkin Counter 到等，見到有好多黃種人係到，應該都係同一班機去香港，好在見到有人放咗D行李係條 Checkin Counter line 到，我哋又放埋，如果唔係遲一步就要排好後啦～～

攪掂完行李我哋就係機場到行下，D嘢都唔平，因為香港買嘢其實真係好平呱～～試咗支羊油脂搽手，又幾潤喎，不過香港好似有得買。之後就過海關啦，唔知點解另外一位團友過關時要經過一次另外一個人Check先得，不過最後都係無問題～～有D時間就係Duty Free 入面行下啦，然後就等上機啦～～呢個15日嘅Tasmania之旅就結束啦～～


呢個旅程見到D景色最靚嘅就係個海灘，真係清到好似個泳池咁，食物就係青口，真係又嫩又滑又甜～～重要係唔黏牙，係香港真係幾難食到，D蠔又真係幾好食，但係唔會"嘩"好好食咁囉～～

重有就係消費指數好高，唔知係唔係因為澳元高嘅關係呢～～兩個人係街到求其食餐返埋單都要成百幾蚊港幣，買支嘢飲又要二十幾三十蚊，但係榆當地人又唔覺佢哋有D咩咁喎，可能係佢哋嘅人工都幾高下呱 !! D商店嘅辦公時候又超短，有D重要星期日都唔開添 ，如果係香港可能會執笠都似 !! 重有D人好似唔洗返工咁個喎，成日都見佢哋跑步（但係跑極都咁大件），行山同埋踩單車，重要係一家大細個喎，生活真係幾悠閒～D Casino 又有好多老人家係到玩老虎機，好似老人俱樂部咁，D人落注幾十蚊幾十蚊咁當係無咩嘢咁～～呢到食嘢好單調，好在最後係Launceston搵到個Food Hall咋，有D亞洲嘅美食，其實Hobart都可能有，係我哋無去搵啫～～

再講下D景點先，今次我哋基本上就去到西面個面，同埋部份中部嘅部份，西部景點唔係好多，鄰近重有個叫Lake St. Clair同埋 Strahan 市十西面搵想嘅資料就係話呢區主要係礦山多，中部睇其他D 人嘅Blog 講重靚過搖籃山喎～～

呢個旅程一開始係Hobart時都係大部份時間都係陰天同落雨，有小部份時間有陽光。離開Hobart之後就一路都好天啦，因為D戶外景點都幾多，所以有藍天就正好多啦～～最後入到去 Launceston 又開始天陰，又一日要差不多成日都落雨，個日我哋係Inn到都幾Hae 下～～最後一日臨走都好天，可以去埋Cataract Gorge ，正．．． 

整個旅程都幾Hae下，其實去旅行係唔應該趕景點，其實去旅行係咪應該要感受一下當地嘅生活習慣同不同嘅文化，同埋享受下外國嘅風景，唔應該去完旅行返來成個人都散晒嘅．．．

呢一次坐澳航又無得係網上面揀位，要揀就要俾$20澳幣，中間重發生咗工潮添，停航咗兩日，好在最後都無影響都我哋回程個航班，係回程個到有無得 online checkin喎，不過呢次 Qantas 係咁多間最平個一間，同埋時間係最好嘅～～我哋大約係 11/11/2011 06:00 就返到香港，等捚埋行李等咗半個鐘，返都屋企未夠八點鐘～～～

好嘢～～終於都完成咗呢個塔斯曼尼亞之旅啦，要半年後先完成～～家下手頭上重有個德國同埋差不多兩年前嘅土耳其．．．我要盡快完成晒佢~~

2011 塔斯曼尼亞自駕之旅 (22)(Day 15 9/11/2011)

Batman Fawkner Inn > Country Club Casino > Entally Estate > Seaport > Cataract Gorge > Batman Fawkner Inn > Lunch@Food Hall > Batman Fawkner Inn > Country Club Casino > Dinner@Country Club Links Restaurant > Batman Fawkner Inn

今朝一早就開始係咁落雨，本來諗住去 Cataract Gorge 到行下，但係咁嘅天氣真係無可能做到D戶外活動喇，不過今日基本上其實都係得呢個行程啫，所以今日都可以好遲出發都無咩問題嘅～～

今日差不多9:30先去整早餐，不過咁啱就遇到尋日見到個Pair香港人啦，原來佢哋來咗 Tasmania 都係幾日咋，由 Cradle Mountain 個邊開始玩，然後就環島玩一轉，今日就係 Launceston 開始玩落去南面。係廚房到等爐用無嘢做就望下街，見到街到有架7人車停咗係 Inn 門口。我諗應該係包車去玩 Tasmania，D人又有D似台灣人喎～～

要去到差不多１０點先有得用個爐，今朝諗住煮腸仔亞福同埋雞翼，攪到咁遲就唔整雞翼啦，淨係食腸仔加亞福就算啦～～食完嘢都重係到落緊雨喎，於是我哋就係房到Hae下先，見個咗一陣有無咩雨，就去 Launceston Casino喇。

呢間 Casino 又係同 Hobart 個間一樣有好多老虎機，不過就靚過Hobart個間好多，之後我哋就搵到有得玩21點嘅地方，不過要14:00先開始～～於是我哋就走人遲D先來過，臨走時見到呢到都有Buffet食喎，重要係 $29.9 ，重平過係 Hobart 個間，今日又係紀念日，所以我哋就決定今晚來呢到食Buffet慶祝啦．．．

之後我哋去咗附近嘅一個 Historic House 叫 Entally Estate ，呢個景點又係要收入場費，加上睇個外表又唔係咁吸引喎，所以我哋都係係外面睇咗一睇就走人啦～～然後我哋去咗 Seaport 到睇下，呢到係坐 Tamar River Cruise 嘅出發地方，同埋重有D食店係到，如果天氣好，其實呢個位都幾靚個喎．．．跟住我哋就去咗 Cataract Gorge 到睇睇，睇完都成點鐘啦，又係住宿到 Hae 下先出去。

Lunch 我哋又係去咗尋日食日本嘢個間到食，又係食 Lunch Bento ，今次就加埋個三文魚，今日去到有好多人，但係佢哋全部都係食手卷個喎 !! D三文魚魚生有點兒令人失望，唔係話唔好食，但係又唔係好大件，價錢重要唔平喎，$5得個5件咋～～唔抵～～

之後就係市中心入面行下睇下嘢，順便睇下有無D好嘅食店，行到返去Inn就開始落雨啦，又係住宿到Hae下先，諗住如果天氣好轉的話就出去行下D National Park，不過之後一直到無停過雨～～

我哋一直 Hae 到成 16:30 就出去個 Country Club 到，去到個 Country Club 入咗個 Casino 到玩同埋一陣食 Buffet~~個 Casino 唔係開咗好多地方，可能唔係好多人係到玩呱，得一張枱玩21點，而德國撲克就無開到，之後睇咗一陣就去搵下間食Buffet嘅餐廳。原先我哋以為係係地下入口個間到食添，原來係同 Casino 同一層嘅，間餐廳叫 Links，我哋入去訂咗位今晚食Buffet。之後就返去 Casino到繼續睇人玩 Black Jack啦，又研究下D骰仔係點玩～～差不多6點我哋就去食Buffet啦，呢次呢間D嘢食好食過係 Hobart 個間好多，重要係有海鮮沙律食添～～我哋係咁勁食個海鮮沙律，有蝦、青口、蟹肉、帶子同埋蝦仔，都幾好食。熱盤方面就無咁多款式同埋唔係咁好食，不過甜品都有好多款食，我哋不停咁食個
海鮮沙律連甜品都唔係食咗好多咋～～

食完之後就去返 Casino到，之後就去玩 American Roulette ，有個人係到扎骰仔，但係可以用電腦買幾多點嘅～～開頭我哋玩$20，開頭都係輸嘅，但最後贏咗$5，之後我哋就走人啦～～返到去個Inn到 Check Email 個時個館住個老婆話其實係佢老公攪錯咗，以為我哋俾咗租房錢，但係其實係未俾嘅～～於是乎我就落去俾錢啦～～

然後就Hae咗一陣就沖涼，今晚係最後一晚係 Tasmania 喇，聽日下午就要返香港啦。話咁快就玩咗十幾日，真係快～～好在間航空公司嘅罷工事件解決咗啫～～同埋希望聽日好天啦～～因為聽日我哋會去 Cataract Gorge 去行下啦．．．

2011 塔斯曼尼亞自駕之旅 (21)(Day 14 8/11/2011)

Stanley Seaview Inn > Highfield Historic Site > The Maker's Workshop@Burnie > Penguin Town > Launceston > Batman Fawkner Inn > Launceston City Visit > Lunch@Food Hall > Launceston City Park > Supermarket >
Batman Fawkner Inn

今日繼續我哋 Hae Hae 之旅，本來睇過下附近有個瀑布，係又係瀑布，打算去睇。但係睇落又唔覺得有咩特別，要揸個幾鐘車先去到，來回的話就要4個鐘。重有今日就會返去Tasmania 第二個大城市 Launceston 啦，所以最後都係無去呢個瀑布，直接去 Launceston 。但係會途經一個叫 Penguin 嘅 Town ，唔知呢到係咪會有好多企鵝嘅呢...?? 由 Stanley 去 Launceston 全程要成四個幾鐘~~~

係臨離開呢個Stanley市之前，我哋去咗係間Inn附近嘅一個景點，叫Highfield Historic Site，呢個地方有得提供住宿嘅，呢個Historic Site其實係一間英國公司派D人過來呢個地方到開採木材．．入面記載咗一間公司來開發呢個城鎮嘅歷史(1834年)．．呢個Site要俾入場費，我哋當然又係係門口到都此一遊就算啦

途經 Burnie 市個時，有D急急哋，就去咗佢哋個  Visitor Center 個廁所幫襯下啦。呢到除咗係一個 Visitor Center ，重有一個叫 Marker's Workshop ，可以叫咗創作室展覽館呱...入面有D紙嘅製品，重有其他藝術品，重有D人係到整D手工藝品添...
之後就經過Penguin市就入去睇下係咪有企鵝呢 ? 係周街都係喎，不過係D企鵝嘅畫，公仔、連垃圾桶都係...不過呢到咁近岸，我覺得夜晚有機會有好多企鵝上岸都唔定~~

睇完就直接去 Launceston 市，我哋差不多成10點出發，大約13:00到咗 Launceston市。入到Launceston市感覺好似繁榮過Hobart市咁，不過唔知係唔係我哋無真正係Hobart市行過下嘅關係~~去到今晚嘅住宿都重未有得Checkin。於是我哋就泊低架車係呢到，然後就行去附近睇下有無D咩食啦~~因為入來搵呢簡住宿個時途經一個幾多嘢睇嘅地方，應該係呢到嘅 CBD (佢哋將市中心叫做 Central Business District, CBD)

首先我哋去咗呢到嘅 Visitor Information Centre 到搵D資料同埋去方便下，呢個Launceston有好多古舊嘅建築物，好多都有成幾百年歷史，有時間要參觀下。之後我哋就搵下附近有無嘢食啦，先前揸車經過市中心，見到有間 Subway 。如果搵唔到其他嘢食，我哋就會食Subway喇。行經一D商場，入面無嘢睇嘅~~

係老遠見到 Subway 個牌，但係係佢之前就有間 KFC 喎，我哋就考慮下食邊一間啦。但係又見到對面馬路有間買 Pizza 個喎，我哋又行過去睇下啦。不過呢間 Pizza 都幾貴下喎，唔會食佢啦。跟住又見到對面又有間食燒雞嘅舖頭喎，行埋去準備過馬路又見到呢到有個 Food Hall喎，入面有好多種類嘅嘢食，有韓、泰、印度同埋新加坡嘅嘢食 !! 正，有好多選擇，都幾吸引。行行下又見到Food Hall出面有間食日本嘢個喎~~一個Lunch到係$7.8都幾抵...

之後就行去睇下間燒雞，最後我哋都係揀咗去食日本嘢，本來想食三文魚魚生，點知佢話尋日係Public Holiday，所以今日無魚生買，咁我哋唯有淨係食Lunch Bento 啦!! 呢間日本嘢都幾好味，之後上網搵 Launceston D 景點時都發覺有好多人係呢個 Food Hall到開過餐。

食完嘢就飯去住宿到 Checkin ，順便再睇下附近有D咩食，但係其實都唔見有D咩嘢特別嘅嘢食，所以其實香港真係有好多種類嘅嘢食俾我哋揀．．．返都去 Inn　到Checkin 個時個館主鬼死咁多嘢講，問佢幾時俾錢又話我俾咗錢喎，但係其實我係未俾架嗎 !! 因為我要求要用Cash找數～～我諗都係遲D再問過佢先得，順便問埋附近邊到有超市，因為頭先係市中心唔見到有超市呢樣嘢出現 !!　但係一問佢，佢講完超市，又講下附近有個公園有猴子睇．．．嘩～～一輪咀咁講唔停．．．

之後我哋就上房啦，呢間住宿D設備都幾齊，我哋間房都幾大，但係就要行到去好遠囉，但係係房入面就覺得有一陣尿味啦，都唔知係唔係先前爆過屎塔都唔定．．．係房入面Hae咗一陣就出去個Supermarket 到買今晚嘅晚餐喇，途經館主講個個公園，開頭以為館主講16:30有得睇猴子，原來係16:30就會無得睇，因為16:30 D猴子就會休息～～好在我哋未夠16:30就去到個公園啫，原來D猴子係日本嘅猴子來架，成日影到佢哋係D日本溫泉到浸溫泉個種呢，塊面紅色嘅呢．．我都唔知佢哋叫咩名～～

去到超市，呢間超市都幾大間，隔離重有間好大嘅商店，但係就無嘢啱我哋睇 !! 係超市到行咗一 Round ，我哋都係食雞翼。今晚就係干燒明蝦醬雞翼，再加個青口肉醬意大利粉同埋粟米湯～～之後就返去Inn到啦。之前行去超市途經D住宅到幾靚，屋前面重種滿D玫瑰花添～～～

返到住宿Hae到6點鐘先去整嘢食，整嘢食期間見到應該係香港人買完嘢返來，之後煮嘢食期間佢哋都有入埋來～～本來想同佢哋傾下計，但係唔知點解又無喎，真係奇怪 !! 係異地見到香港人應該好開心架嗎～～～之後整完嘢食，我哋係 Dinning Room 到食，但係唔知點解佢哋就係廚房到食喎～～唔通怕尷尬??!

D青口春係無係 Freycinet Marine Farm到個D咁好食，可能唔係新鮮嘅關係呱～～我哋一路北上都搵唔到有地方買青口來食，真係可惜～～食完嘢就繼續返房到Hae啦!　聽日我哋就去Launceston市嘅 Cataract Gorge & First Basin，之後就無咩特別地方要去啦．．個D醬油點景點又唔係好想去喎．．

2011 塔斯曼尼亞自駕之旅 (20)(Day 13 7/11/2011)

Best Western Murchison Lodge > Burnie Lookout > Gudie Falls > Hellyer's Road Whisky Distillery > Lactos Cheese Factory > Fish Frenzy > Table Cape Geological Site > Table Cape Lighthouse > Fossil Bluff > Wynyard Wharf  Seafood > Subway@Wynyard Centre > Boat Harbour Beach > Stanley Seaview Inn > The Nut > Chairlift@The Nut > Stanley Seaview Inn

今日繼續我哋嘅悠閒之旅，但係都係差不多9點先出發。我哋第一站就係去一個瀑布，但係路經一個叫 Burnie Lookout ，咁我哋咪去睇埋囉，呢個Lookout 可以睇晒成個 Burnie 市嘅全景，原來呢個 Burnie 市都幾多工業嘅廠係入面個喎..同埋一個海港嘅關係呱

之後個 GPS 又發揮佢嘅老點Function，條瀑布個個為完全係唔啱嘅，之後我哋就用人肉GPS去搵呢個位喇，好在都好容易搵到啫~~呢個 Guide Falls 都幾容易搵，重要由停車嘅地方行唔洗兩分鐘就到，真係最鍾意去呢D景點，落車無耐就到，要係幾靚下添喎~~~之後我哋就諗住去附近嘅一間 Whiskey 酒廠都參觀下啦，途經一個叫 Emu Valley Rhododendron Garden 嘅地方，附近好多廣告牌買呢個景點。佢係一間古老大宅，但係其實又係一個花園，但係要收入場費，重有就係都唔知有無花睇嘅，我哋對於花卉唔係咁大興趣加上要收費當然係無睇到喇，就直接去酒廠啦~~~

去到間酒廠門口，見到閂晒門，係門口重貼咗一張寫住 Closed on Public Holiday嘅紙 ! 吓 ! 今日係 Public Holiday 咩...無人話我哋知嘅....後來搵返先知原來呢個 Holiday  要係 North Tasmania 嘅地區先至會有，叫做咩 Recreation Day 喎 !! 好嘢 !! 唔好就去隔離間 Cheese Factory 都睇下先，但係又係好似無海到咁喎，咁我哋咪唯有係門口影完相就走人囉...

之後人哋就去Burnie市中心嘅一間網上面話有幾好食嘅 Fish & Clip 嘅餐廳，間餐廳叫 Fish Frenzy。係泊車到問咗一個疑似當地人今日係咪Public Holiday，佢答係~~~今日原來真係公眾假期呀~~~睇完呢間餐廳D價錢，我哋就無幫襯啦，一來唔餓，二來又唔平...影張相就離開 Burnie 市喇...

然後我哋就去 Wynyard 嘅 Table Cape 都睇自然景點，車程都要成差不多一個鐘架，去到個Table Cape D 景色真係好靚喎，加上今日又好天，所以就特別靚啦 !! 呢個位附近有個種花嘅農場，係上個月佢哋先舉辦咗一個鬱金香節，如果成個場都係五顏六色嘅鬱金香我諗真係會好靚同埋好壯觀，不過我哋到嘅時間已經完咗囉，淨係有D黃色嘅鬱金香係到~~原來呢個Table Cape 都係一個旅遊景點來個喎，因為我哋睇個時間，有一間旅遊車載咗一班遊客入來~~~

我哋之後就去咗另外一個景點到睇，就係Table Cape Lighthouse睇，途經D黃色嘅花田，又無閂門喎，我哋當然係入去行下啦~~

影完就去個燈塔到啦，有個人企咗係個塔嘅門口到，原來係有一個 Tour 架，不過我哋係呢到咁耐都有唔少人來，但係就無咩人有興趣Join囉 !! 我哋影完相就去一個叫 Fossil Bluff 嘅地方，呢個係澳洲最古老嘅袋鼠化石發現嘅地方，但係就要係退潮嘅時候先至會睇到囉，但係我哋去到個時就未係退潮時間~~

之後就去咗 Wynyard 市入面有網民大力推介大件夾抵食嘅 Fish & Clips 食店，點知去到就閂咗門，重貼咗張Notice話因為店主健康有問題，所以要暫停營業，又無得食好嘢添~~~係去呢間餐廳途中，我哋途經市中心見到有間 Subway ，同埋有一間好似係台灣嘢食嘅食店，於是乎我哋就駛去個到睇下啦，因為都係食Lunch嘅時間啦~~~間台式食品店無開 ! 咁我哋就去食 Subway 啦，食完制去 Stanley 喇，車程又係要一個鐘!!

途經一個叫Boat Harbour Beach 嘅沙灘，就入去睇下啦，未駛到入去，遠睇好似一個泳池，點解呢 ?!! 原來係因為D水清到好似一個泳池咁呀...好靚呀~~~

呢個沙灘真係好靚，可以講係水清沙幼，其實應該係呢到租返間屋 Hae 返一兩日先可以感受到呢到嘅靚~~~呢個沙灘其實重靚過 Wineglass Bay 個個沙灘~~

一個鐘後就去到 Stanley 市喇，行到差不多到 Stanley 就會遠遠咁見到個地標，就係 The Nut，見到幾近下就停車影下相啦 !! 去到今晚住宿嘅地方個 Reception 又唔知係邊喎 !! 攪到我哋係附近兜咗一陣先搵到，原來個 Reception 係間餐廳入面。Checkin 完就去我哋間房啦，好在我哋間房係對住個地標啫，不過呢間房都幾貴架，要成 $165 / night 架...

整好晒D嘢之後我哋就出去Stanley市到睇下今晚食咩同埋有咩可以買嘅呢....但係之前我哋會去睇咗個 The Nut 先，呢到可以@行上去或者係搭Chairlift 上去，我哋就揀咗搭Chairlift 嘅，其實都幾特別~~~坐係架 Chairlift 到睇個 Stanley 市其實都幾過癮，唔洗5分鐘就坐到上山頂喇。係個山頂上面有得行一個圈睇晒附近嘅環境，但係就唔知要行幾耐~~~

上面D風景好靚，係個頂到可以睇晒個Stanley市全景，不過原來行一個圈要成35分鐘架，於是我哋就行啦，好在有行，D景都幾靚，我哋重行下影下咁添~~~最後我哋用咗45分鐘先行完~~之後就搭返 Chairlift 落返去啦。

又係搵食嘅時候啦，去到呢到唯一一間超市到睇，入面係無嘢買架，好在之前落去個時見到有間買海鮮嘅舖頭隔離有間有買Fish & Clip 嘅啫~~~我呼就叫咗個 Seafood Box ，又係個D炸海鮮，不過又幾好食喎 !! 我哋自己就再整多一碟意粉，就係我哋今晚嘅 Dinner 啦...我哋重要係個露台出面食添，睇住個 The Nut ，如果有埋日落就更加正啦...

呢間Inn個景就真係幾正，不過個沖涼花灑同埋個Wifi就唔係好得囉...