2017/11/25

2017 日本山陰山陽自駕之旅 Day 8

Day 8 12/8/2017 星期六

廣島  > 本通紙屋町 > イオンモール広島府中 Aeon Mall > 廣島機場

今日嘅主要行程就係行街Shopping最後沖廁,呢間酒店嘅早餐都OK喎,好多嘢揀。我哋食完早餐就Checkout放低咗件行李係酒店,然後去附近嘅本通紙屋町到行下。
我哋朝早就行呢個本通嘅 Parco,不過就好多店舖都未開,但係團友都有收穫。
行到大概1100到我哋就返去攞行李攞埋架車揸去イオンモール広島府中 Aeon Mall,大概12點到到咗,先搵咗嘢食先。原來呢個イオンモール広島府中 Aeon Mall多嘢睇好多,食嘢都多。不過呢到間間食店都要排隊,咁我哋唯有係Food Court到食喇。個Food Court到重有燒牛排食,家下諗返應該食個一間,同埋個價錢都幾抵下。最後我哋係食咗海鮮丼。
食完嘢淨返一個鐘行下呢個Aeon Mall,團友們最後都有收穫。
之後就揸車去機場,原本就諗住行呢個一般道路嘅,但係就好塞車,所以中途就上咗去呢個有料道路,最後我哋就1545先到咗還車間公司,係還車前就入咗油,其實之前已經入咗一次架啦。
呢間 Toyota-rent-a-car 又係要Check下你有無入到油,要睇下你入油個張收據,唔知係唔係家下D人無入滿油就還車,所以就Check得咁緊!!
之後就座租車公司嘅車去機場,去到機場將頭先買嘅嘢放返入個喼到就Checkin!!呢個廣島機場,原來買嘢嘅舖頭全部係晒出面,入面係無嘢買嘅,重諗住係入面最後沖廁添~~
我哋係入面搵咗間食麵嘅食咗D嘢,叫做當係Dinner啦,因為HK Express唔會有嘢食架嗎~~
呢一班機都幾準時起飛,不過我就好眼瞓土瞓到差不多落機先醒,可能呢個Trip比較夜瞓呱,所以都幾攰下!!
返到香港架機就不停咁兜圈,可能係機場無機位降落都唔定又或者係廉航個Priority 係最低,要讓位比其他航空公司先,原先係2035降落,最後要2050先降落到,重要搭接駁巴士添~~
入到入境大堂,有好多外國旅客喎,唔怪得之無機位降落啦,重有今日機場都好多人喎!!
之後就係等行李喇,呢幾次去日本都係坐HK Express,佢D行李係例Delay,今次就等咗成個鐘先攞到行李,差不多成10點半先攞到!!返到屋企到成11點幾啦~~~
呢個Trip好似無咩景點咁,可能中間打咗個風,搞到大景點無得睇,因為個日都幾多景點睇架!!睇來有機會可能又會再去多一次呢到附近都唔定 !!


イオンモール広島府中 Aeon Mall MC: 22 195 848*32
イオンモール広島祇園 Aeon Mall MC: 22 370 770*33 遠離市中心
ゆめタウン広島 YOUME TOWN MC: 22 130 688*67 買嘢

酒店早餐都幾豐富
最後沖廁
轉個眼就去咗イオンモール広島府中 Aeon Mall到食Lunch
還車前入滿油先
廣島機場
機場沖廁位原來係海關出面
食返個典那就上機啦
HK Express行李永遠都係Delay

~~~完‧多謝來訪~~~

2017 日本山陰山陽自駕之旅 Day 7

Day 7 11/8/2017 星期五
宮島嚴島神社 > 宮島表參道 > 宮島鳥居みやじま華屋敷食燒蠔 > Aeon Mall Hiroshima Gion イオンモール広島祇園 >  Lunch@麦とろ物語 > ホテル法華クラブ広島 > 原子彈爆炸圓頂屋 (原爆ドーム) > Tokyu Hands 東急ハンズ広島店 > Dinner@ Bakudanya 廣島つけ麺本舗 ばくだん屋 新天地店 > ホテル法華クラブ広島
宿: ホテル法華クラブ広島 (MC: 22 190 426*58)

今日食完酒店個簡單早餐就CheckoutD行李放咗上車到,再入去宮島到睇水漲嘅鳥居,架車就泊咗係酒店到。
原來日頭都幾多遊客入去宮島個喎,班船同尋日比多好多人,重有好多旅行團入去添呀。外國人重多過尋日,我哋入到去個時個鳥居已經浸住咗,之後我哋就入去睇埋呢個嚴島神社,呢個嚴島神社非常之多人參觀。
睇完我哋就去呢個表參道商店街到買嘢同埋食燒蠔,呢到D燒蠔真係幾好食。之後就出返去攞車揸去廣島嘅Aeon Mall Hiroshima Gion イオンモール広島祇園,因為我哋都未叫做食Lunch,所以第一件事就係去食Lunch,唔知點解都成點喇,都咁多人食嘢嘅,有D重要排隊添~~~食完行咗一陣,呢個Aeon Mall無咩嘢睇嘅~~
然後我哋就去咗酒店Checkin,去到嘅時候酒店話佢哋個停車場Full咗,要泊去契約停車場,大家都係¥1300。不過契約停車場抵D,因為係以24小時計,所以可以泊到下午4點幾,但係酒店就只可以泊到11:00
之後就行去睇呢個原子彈爆炸圓頂屋,我哋去到個時啱啱好個天幾靚,我哋影咗好多相同係呢到睇咗幾耐,重見到有人Set晒腳架係到影添呀。呢個景點都幾多人來睇,特別係外國人,上次去長崎個時又係好多外國人睇D原爆嘅嘢。

之後我哋就去行街,咁啱我哋行行下想去Toykohand睇下嘢,就問下一個日本婆娑,點知佢非常熱心話要帶埋我哋去,因為佢話佢都係行去個邊。其實我哋想自己慢慢一路行一路睇,不過唔好意思推佢。睇完就行去本通個邊,廣島呢到都幾多嘢睇,我哋就求其搵咗一間食沾麵嘅食晚餐,又幾好食喎
大家都行到好攰,聽日就要返香港啦,時間真係過得快!!



広島平和記念資料館 MC: 22 189 530*38 (Parking MC: 22 189 434*25)

酒店簡單早餐
日頭多好多人入去
水漲時的宮島鳥居
宮島神社
D人會儲神社D印,D師傅會係本簿到提筆
臨走前又食下蠔
 Lunch@Aeon Mall Hiroshima Gion イオンモール広島祇園麦とろ物語
ホテル法華クラブ広島
房比較細間
原子彈爆炸圓頂屋 (原爆ドーム)

Dinner@ Bakudanya 廣島つけ麺本舗 ばくだん屋 新天地店
D炸蠔同D麵都幾好食