2011 塔斯曼尼亞自駕之旅 (2) (Day2 27/10/2011)

呢一程由墨爾本去塔斯曼尼亞其中一個大城Hobart(荷伯特)機程只係一個鐘多Ｄ，重要自己行出去行上機都幾過癮架，以為係無嘢食添，但係都有Ｄ生果同果汁飲下~~之後就瞓下覺，話咁快就搭完呢一程內陸機。

 

估唔到有得食下嘢呀~~

自己行去入境大樓

嘻嘻~~當然唔放過影相嘅機會啦~~

呢到係網上面睇過Ｄ網友話塔斯曼尼亞入境好嚴，以防止Ｄ人帶咗Ｄ唔知咩入境，破壞咗塔斯曼尼亞嘅生態環境。一落機真係涼好多，又係自己行樓梯落機，之後行去入境，因為係內陸機所以係唔洗過入境。但係一入個客運大樓，就見到有隻狗係到周圍聞，個個旅客都要俾Ｄ隨身行李呢一隻神犬拉西聞一聞~~

見唔見到神犬拉西呀~~個個女人嘅手袋佢聞到有Ｄ嘢，即刻就欄住佢俾佢行啦...

等攞行李中...

之後我重同神犬拉西影相添呀
係呢個入境大樓真係好簡單同埋好細，得個一條仔運輸帶，係呢到順便攞Ｄ旅行資料。然後就去攞車，呢到租車嘅公司就係呢個機場對面，一行過馬路就會見到。今次我哋係係 Europcar，因為先前都搵咗好多間嘅租車公司 :

 

http://www.bargaincarrentals.com.au/

http://www.budget.com.au/default.aspx

http://www.europcar.com.au/

http://www.avis.com.au/car-rental/avisHome/home.ac

http://www.booking.carhire3000.com/

http://www.drivenow.com.au/

http://www.qantas.com.au/travel/airlines/cars/global/en

http://www.redspotcars.com.au/Default.aspx

http://www.thrifty.com/

http://www.autorent.com.au/

呢個係其中一個Car Rental
Building，入面都有幾間租車公司
 

最終選擇咗Europcar係因為佢有做緊個 Promotion ，而 Promotion 嘅車種係 Audi 嘅幾款車。見有Ｄ網友話塔斯曼尼亞有好多山路，最好要租架大馬力少少嘅車會好Ｄ。所以開頭揀車都無搵Ｄ細 c.c. 嘅車，大c.c.嘅車嘅價錢到要成HK$800~900/day到，而佢 Promotion嘅有兩架揀，最後我揀咗一架 Audi A3嘅車， c.c. 雖然唔係大，但係應該可以應付到Ｄ山路，加上價錢又唔係貴喎。租15日，總數為AUD$740.41因為先前都搵咗好多間嘅租車公司，價錢都係差不多，更重要嘅係我未揸過 Audi Ｄ車，嘻嘻，今次又可以試下揸下同廠嘅車，一舉兩得~~~

架車其實都幾新下架，個職員同我講話俾架好狀態Ｄ嘅車我，原來架車應該落地唔係好耐，因為我攞車個時行得個 5,447 km，不過車尾就有Ｄ花，當然係同佢Ｄ職員講聲啦，不過佢睇完話小意思，係Ｄ行李搬上搬落個時整花無問題~~~

行得個 5,447 km

車尾就有Ｄ花

整好晒Ｄ裝置 (GPS、Car Recorder同埋 FM Transmitter)就出發去我哋第一個景點啦…

2011 塔斯曼尼亞自駕之旅 (1) (Day 1 & Day 2 26 & 27/10/2011)

Day 1 & Day 2 (26 & 27/10/2011 )

Hong Kong > Melbourne > Tasmania - Hobart > Barilla Bay >
Sorell Fruit Farm > Hobart's Accommodation & Hostel 



通常第一日去呢Ｄ搭咁耐飛機嘅地方都係有機會去到就會去酒店，但係今次我揀航班都揀咗一排，有幾間都係去到就差不多下午六、七點，但係就係澳航選擇比較多一Ｄ同埋價錢都叫做唔係最貴個間，所以最後就選搭咗澳航(嘩~~後來個CEO無神神停航，幾鬼驚玩完返唔到香港呀，好在最後無事咋~~~)


今次係下午七點到機出發，返半日工，之後五點鐘到去到機場，呢間咁嘅澳航係要係起飛前24小時先知可以 Online
Check-in 同揀位(佢哋會事先揀定Ｄ位俾Ｄ客人)，如果要早揀位就唔該盛惠 AUG$20 啦，今時今日咁嘅服務真係要講句有無攪錯，好在之後佢幫我哋Ｄ位都唔差，唔係坐咁耐都幾辛苦。

 

寄完行李就去 BurgerKing到食返一個包頂住檔先，第一程機由香港去墨爾本，機程係成9個鐘，呢次搭嘅航空公司雖然係無得揀位，不過Ｄ位都幾闊落，所以坐咗成9個鐘都無咩唔舒服，再加上係夜晚機可以瞓覺唔洗眼光光。上機大概兩個鐘後就食第一餐，食完嘢睇咗一套變形金鋼，填埋Ｄ入境資料，無耐就搵周公傾計。之後，差不多到墨爾本前個幾鐘就食早餐，去到墨爾本係清晨嘅6點幾到，入境過程都好順利。

  

去完其他地方食嘢，發覺香港食嘢原來好平....

出發啦...出發啦......

澳航Ｄ飛機餐都Okay啦.......

填下入境資料先，都幾多嘢要申報........

未眼瞓就睇返套電影先........

早餐~~好簡單，不過個Cake好好味....

晨光第一線........

因為澳洲入境條例都幾嚴格，所以但凡有帶Ｄ食物去，都要申報，如果唔係捉到要罰澳幣$60,000.00(唔知係唔係最高罰款呢??)。我哋就帶咗Ｄ福字麵同Ｄ醬油過去，所以都有去申報，過程非常之順利，經過個關卡時個海關職員只係問我哋淨係得咁多行李 ? 

終於到咗墨爾本........

等攞行李中........

之後我哋就要去內陸機個邊(1號Terminal)個邊Check in 同埋寄行李，去到個邊又見唔到Ｄ Check in Counter 喎，但係又見到好多我唔知點解係到好似自助寄行李咁，於是乎就問一個好似係機場職員嘅人

自己寄行李........

Domestic Flight 過海關........

佢就指向另外一邊嘅 Counter(我哋先前經過過，但係就有好多人係到排隊)，同埋指下一邊類似係自己Check in 寄行李嘅位置。於是乎，我哋就當然係行去自己Check in 個邊啦，見到有得寄行李但係就無得Check in個喎，唔理佢喇。寄咗行李先喇，呢個自己Check in嘅counter有好多個好似Check in counter 放行李嘅行李輸送帶係到，於是我就攞我張登機証去Scan下啦，呀~~又會Show我Ｄ資料出來個喎，然後舊行李就放咗係個行李輸送帶係到佢都係到Scan下件行李，之後重話Scan唔到張Barcode喎，我哋咪將一張懷疑佢想Scan嘅Barcode放好，又得喎~~之後件行李就自己入咗去啦~~然後就過海關，要俾佢Check有無火藥(我留意到佢哋好鍾意Check亞洲人有無火藥個喎)。去到登機處大約八點到，我哋咪坐係到休息下囉~~試下有無免費Wifi~~原來係無嘅~~唯有係到坐下喇~

2011 塔斯曼尼亞之旅完成了~~~~

26/10/2011~11/11/2011，頭同尾兩日係搭飛機，即係得十五日，但係就好Hea，Hea住去旅行原來係好爽，唔洗趕景點，去到就去，去唔到又唔覺可惜~~塔斯曼尼亞~~近年被講係現代塵世美，風景真係好大自然，第一次見到個沙灘會覺得佢係泳池，因為Ｄ水真係好清~~不過係澳洲Ｄ生活指數真係好高，求其食一餐一個人都要成百港紙埋單~~~咁究竟佢哋幾錢人工呢 ?? 呢一次無去到西部，因為我哋呢個時間去基本上就無咩睇，其他主要睇嘅景點到去晒~~~士多啤梨真係好好食，又可以自己摘，青口好好食，我覺得重好食過Ｄ蠔，不過淨係係一個地方搵到有得食咋

 

2011 塔斯曼尼亞之旅

話咁快呢個塔斯曼尼亞之旅差不多去都尾聲喇，呢次真係幾Hea下~~重有幾日就要返香港啦...