2012/08/30

2010 土耳其自駕之旅 (98) - 遊後感

呢一個土耳其自駕之旅,其實我覺得幾正,因為土耳其真係一個幾值得去旅遊嘅地方,雖然佢哋係旅遊自駕呢一方面嘅配套未係咁好,但係基本大致都係Okay嘅。



土耳其D風景真係幾靚,重要係我哋通常都係10月尾11月頭去旅行,好多地方嘅天氣都唔係咁正,一來凍,二來因為天氣問題好多嘢都無得睇。而土耳其雖然係凍,但係天氣好正~~~



重有嘢食方面就,選擇唔多,可能係我哋無咩搵到嘅關係,因為我哋通常都好少係夜晚係街到行,因為唔知當地嘅治安係點嗎~~所以見到嘢食,食咗就算,但係好多都係唔差。



住宿方面其實都幾好,好多間都好正,最記得就係奇石林個兩間,真係好靚~~~



成個Trip用咗成萬八蚊多D,但係就包埋機票個喎,價錢都幾抵下 !!



今次我哋淨係玩咗北面至沿南岸玩到去中部,係東面大部份地方到無去,土耳其重有個景點,就係人頭山,呢一次無去,因為我哋去個時個氣候唔係好適宜去,個到會落雪~~重有就係個邊好似治安唔係咁好,加上我哋係自駕,隨時都唔知揸咗去邊,所以今次係無加到落去呢個旅程到~~



如果有機會再去的話,應該會去埋其餘嘅部份~~~不過唔知幾時呢~~


2012/08/29

2010 土耳其自駕之旅 (97) Day 16 - 返香港囉...

6/11/2010 Day 16


Istanbul  > Hong Kong
Day 16 Modern Sultan to Ataturk Airport


今日要返香港啦,不知不覺就係土耳其玩咗成16日啦,今日我哋係無行程嘅,因為我哋要8點幾就要Check Out,食完個簡單早餐,巡例我哋都會上去房到 Hae 一陣先。


到咗Checkout 個時個館主夫人唔知想找咩錢俾返我哋喎,攪咗好鬼耐喎,最後都係找 EURO俾返我哋。但係又無神神話要收返兩杯熱水錢喎,話係咩Room Service,個個人幫我哋整咗杯水我哋無俾Tips !! 吓,個日我哋只係問下有無熱水,我哋想自己去嘅,係唔知點解佢哋以為係我哋要熱水,奇怪 !! 竟然係最後俾到呢間酒店一個壞印象添~~~


今日個GPS又幾醒喎,無行錯路,好快就去到機場,咁早去機場都係因為驚亞GPS小姐玩嘢,唔知帶咗我哋去邊,所以就預鬆咗時間去機場架 !!


去到離境個層就見到租車公司嘅人係到等緊我哋啦,佢睇咗一下架車,問我哋有無問題就揸走咗啦,真係咩快手。之後我哋就入去機場Checkin啦,呢個機場一入到去就會好似過海關咁係到Check嘢。過咗呢個海關,我哋都唔知係邊到Checkin喎,等到成11點幾先知道係邊到Checkin,期間我哋都周圍搵架,因為都唔知係邊到Checkin喎,寄埋行李就準備等上飛機啦。呢個係Istanbul嘅機場唔算有好多嘢睇,一陣就行完。


之後上咗機無神神唔知做咩話要排隊等起飛喎,足足Delay咗成個鐘之後先起飛呀~~~


去到新加坡個邊,因為架機Delay咗,我哋要轉另外一架機返香港,但係去到新加坡個邊一D指示都無,我哋又唔知點攪喎,攪到我哋行來行去,原來要去地面個D Counter 到轉過張Boarding Pass 先得,好在最後都係攪掂 !!  最後要遲咗成兩個鐘先返到香港~~~


多謝各位有睇呢個土耳其自駕之旅嘅朋友,呢個遊記遲咗成差不多兩年先寫好,原因都係....


今年都未諗到去邊添,日本雖然有好多人已經去,但係都係唔係咁合識,其他地方D季節氣候又唔係咁好,所以家下未有頭緒添..
早晨嘅Istanbul 


陪伴咗我哋16日嘅車仔..有D唔捨得添..

一入機場就要過海關


入都入面..無咩行


有D簡單嘅嘢食


終於都等到去邊個Counter Checkin啦


呢到可以最後衝刺架


行行下入免重有其他嘢食喎

等咗好耐到未起飛

睇下片先

海鮮餐..正...





終於都搭到返香港班機啦

新加坡航空公司嘅海鮮餐真係好正!!



返香港啦


早餐


正,有雪糕食


2010 土耳其自駕之旅 (9) Day 15 - Misir Carsisi & Dinner

5/11/2010 Day 15


Istanbul :


Topkapi Sarayi > Galata
Tower > Istiklal Cad > Balik Carsis > Taksim Meydam > Misir Carsisi


 


Misir Carsisi & Dinner
Day 15 Modern Sultan to Misir Carsisi


係酒店都Hae咗一陣之後就出去香料市場到最後衝刺喇,今次我哋係個香料市場出面個D舖頭到買,基本上係平過入面個D嘅,我哋買咗D無花果、合桃同埋D咖啡,買咖啡個間舖頭睇來都幾出名,因為我哋都係見到有好多人排隊買我哋先排隊買咋,價錢又唔係貴喎,TL$2就有一包仔啦。


買完嘢,我哋又去返尋晚食嘢個間食店到食,因為呢一間真係平、靚、正 !!


食完嘢,我哋就去蘇菲亞大教堂到影下夜景同埋藍色清真寺~~~之後就返酒店啦~~~重有就係要執嘢啦,要執好D行李嗎~~


土耳其之旅就完成啦,聽日就要返香港啦,我哋就係12:35機,但係就要早D去機場,不過由酒店去機場都幾快嘅~~~夜晚睇呢間清真寺都幾靚 

就係呢一間買咖啡店,排晒長龍

是日晚餐,有個甜品,係米造嘅..幾好食



呢個菜加D好似乳酪嘅嘢又幾好食喎


夜晚嘅場 蘇菲亞大教堂


夜晚嘅藍色清真寺







2012/08/28

2010 土耳其自駕之旅 (96) Day 15 - Balik Carsisi 、 Istiklal Cad 、 Taksim Meydam 、 Kabatas Dur

5/11/2010 Day 15


Istanbul :


Topkapi Sarayi > Galata
Tower > Istiklal Cad > Balik Carsis > Taksim Meydam > Misir Carsisi


 


Balik CarsisI > Istiklal
Cad > Taksim Meydam  > Kabatas Dur
Day 15 Galata Tower to Modern Sultan



上唔到個 Tower ,我哋就行過去獨立大到個邊到睇嘢啦,嘩~~呢一條獨立大道都幾多嘢睇,好多名牌嘅舖頭都有。呢到重有好多人添,但係因為亞館主同我哋講最好唔好去呢到,所以我哋都有D驚驚哋,行得比較快。


我哋途經一個叫魚市場(Balik Carsisi)嘅地方,入面其實係一個街市,重有幾多嘢買下,不過我哋無買到嘢,其實沿住條路行都好多嘢睇,不過就會去咗另外一邊,同我哋想行個方向唔啱。之後就行咗去獨立廣場(Taksim Meydam),呢個廣場就係前幾日發生咗炸彈事件,所以附近有好多唔知係軍警定係警察嘅人係到,重泊咗好多架警車係到添~~~


我哋影完相就立即走人,行去搭電車啦,我哋去咗 Kabata (iE TT Kabatas Duragi) 個個站到搭,但係要行一段幾遠嘅路個喎,行行下重去到海邊添,於是我哋就順便影下相啦。但係其實咩到睇唔到,因為好勁煙霞,咩都睇唔到,好在無上去個Tower 到咋,因為上到去應該又係咩到睇唔到~~~


影完相,我哋就搭車去附近嘅一個站(iETT Sultanahmet Duragi),去網上面講(台灣人網 Backpackers) 有好飲嘅 Apple Tea 買嘅地方到睇下啦,個牌子係 Mozaik先前有網友講過佢哋將個TL$講成 US$ 去收錢,價錢比原價貴咗 5% ,係網上面D人講,如果係土耳其人去買就會收TL$,但係如果係黃種人去買呢,就會收 US$ 個喎,大家可以去網上面 Search下就會搵到架啦。間店舖到係方尖碑附近,都唔難搵,我哋去到就學網上面所講,咩到唔問就攞幾盒Apple Tea 去俾錢,我哋買4盒,我就俾TL$20出來,跟住佢哋話要 US$5一盒,我哋當然係扮聽唔明啦,攪咗一排,因為佢哋堅持要US$5一盒,咁最後我哋都係無買到嘅。其實呢一隻牌子嘅蘋果茶好唔好飲,我哋真係唔知到,但係網上面(主要係台灣人)講好好飲,重搵人一齊買,所以我哋先去買來試下好唔好飲。不過因為先前係有人用TL$5買到,但係家下就變咗 US$ 就真係唔老實囉,所以我哋就唔幫襯佢啦...最後,我哋自己去超市到買,然後就返去酒店休息下先


魚市場(Balik Carsisi) 

呢條街有嘢買有食店,可以來呢到開餐都得 


新鮮無花果,係香港食過,土耳其無試過,不過應該幾好食

魚市場當然有魚買啦






電車





呢架唔知係唔係觀光電車又好多遊客座 



如果有大慶祝嘅日子,成條獨立大道會掛滿土耳其國旗



呢架警車都幾有型喎









有Burger King架



獨立廣場

行去搭車時見到嘅貓貓

呢個就係海邊車站啦







好大煙霞