2012 捷克、奧地利、匈牙利自駕之旅 (16) - Day 9 (2 Nov 2012) Landhaus Osborne(Obertraun) & Vienna

Day 9 (2 Nov 2012)
Landhaus Osborne(Obertraun) > Vienna  

今日我哋就會由 Obertraun 去 Vienna，GPS話要成3個幾鐘先會到，所以我哋今日會早D出發，因為我哋只會逗留係Vienna一日咁大把。其實先前編行程個時都無諗住去 Vienna 嘅，但係如果由 Hallstatt直接去 Budapest 就要揸成5個幾鐘成6個鐘車，呢個係用 GPS 計算出來個喎，實際可能要加多成10%嘅時間落去，咁就可能要成7個幾鐘架啦。所以就加咗個 Vienna 做個中轉站，不過 Vienna嘅住宿到幾難搵，因為我哋又要搵埋D有得泊車嘅，重要係唔係太貴，不過可能呢一個係奧地利嘅首都，所以D住宿都幾緊張。係囉，我呢段時間去應該係淡季，都唔知點解會咁，不過返到香港就知啦，因為奧地利其他地方，好似Hallstatt嘅人咁，放假去旅遊，所以有機會會導致D住宿緊張囉。

食完個豐富嘅早餐之後，我哋就8點鐘就出發，臨走個時個民宿嘅老板重要同我哋合照添呀，佢話會將我哋將相放係門口個個Photo Album 到喎~~一路行都非常暢順，呢一條路徑我先前搵好咗，因為由Obertraun可以行另外一段路再上高速公路去Vienna，但係個一段路應該係要行山路，所以我就揀咗條我哋先前入來Hallstatt個一段路再上返高速公路去Vienna，因為呢一段路好行好多~~我哋大約用咗3個半鐘先到達Vienna，首先我哋去酒店(Hotel Geblergasse) Checkin先，先前一早同酒店講話要Early Checkin，咁酒店又Ok喎，咁泊車個到因為話無得預約，所以去到先有位嘅。點知去到就話無位喎，咁就複雜咗啦，好在先前到搵定D資料，係Vienna有D叫做 Park & Ride (P+R) 嘅停車場，類似香港嘅轉乘停車場咁。可以將架車泊係D P+R到然後周圍去，收費唔係好貴，24小時都係EUR$3。咁其實我哋梗係想泊架車係酒店啦，方便D嗎，再問佢附近有無停車場，個職員就圈咗兩個俾我，我問佢收費係點，佢答我唔知，我又再問佢，酒店停車場會唔會有機會有位，佢有答我應該無可能~~咁情況下，我哋就將行李放入間房到先。呢一次間房係 B/F ，點解地庫到會有房嘅呢 ? 真係唔係好明喎，不過間房就好大間，我哋放完D行李入去之後就走人，決定咗揸架車去 P+R 放低佢，聽日先去攞返。由酒店去 P+R 其實唔洗10分鐘車程就到，去到會見到成大個停車場寫住 P+R ，門口入閘到就會寫住 EUR$3/24hour 咁樣，咁我哋就揸入去泊低。

 
又有美味嘅早餐食...

D Ham真係幾好食

遊個玻璃瓶裝住D係D乳酪

呢D麵包好味

好多生果食

同館主合照

維也納住嘅酒店

P+R

Metro

2012 捷克、奧地利、匈牙利自駕之旅 (15) - Day 8 Landhaus Osborne(Obertraun) > Hallstatt > Salz Welten > Hallstatt > Obertraun (1 Nov 2012)

Day 8 (1 Nov 2012)
Landhaus Osborne(Obertraun) > Hallstatt > Salz Welten > Hallstatt > Obertraun

玩完之後，我哋就去咗 Gosausee 湖到睇下，由 Hallstatt 去呢個 Gosausee 大約要半個鐘到，不過就要行山路，我指嘅山路係指上斜路較多啫~~去到呢個Gosausee，我哋見到有個纜車站喎，睇個款係應該可以搭上山，不過我哋去到個時已經係停駛咗，應該係因為落雪嘅關係呱~~

跟住…咦…唔見個湖嘅，我哋係到睇來睇去都唔見喎，咁準備想走人架啦。於是就揸架車兜上上面睇下，泊好車，行去一棟民宿附近睇下，原來個湖就係個到，好在有行去睇下啫。呢個湖，我哋去到個時得返一半水到，睇埋去其實都幾靚，不過如果係成個湖都係水的話應該會重靚。呢個Gosausee湖，其實係可以健行嘅，行一個圈大約要個半至兩個鐘到，不過我哋就唔行啦，因為天氣唔係幾好，同埋都幾凍下，我哋影完相就返去 Hallstatt。係Hallstatt入面到行咗一陣，諗住去搵個Poster影相位，但係就搵唔到。行行下個時都差不多成三點鐘，我哋係未食Lunch嘅，因為今朝個早餐都幾豐富下。之後我哋就返去雞佬到買燒雞當做 Lunch & Dinner，跟住我哋就返咗去 Apartment 到 Hae 下，因為出面無太陽其實都幾凍下，返到 Apartment 我哋食咗半隻雞做Lunch。

然後，Dinner 我哋就食另外個半隻雞加埋福字麵做晚餐~~之後就休息啦，聽日我哋就會去 Vienna 啦~~

繼續去睇呢個靚靚鎮仔

睇完去睇一個湖

沿途環境

呢到應該係有得搭纜車上山嘅

Gosausee湖

都幾靚...不過未係最滿

又再返去呢個靚靚Hallstatt

晚餐

 

2012 捷克、奧地利、匈牙利自駕之旅 (14) - Day 8 Landhaus Osborne(Obertraun) Hallstatt Salz Welten Hallstatt Obertraun (1 Nov 2012)

Day 8 (1 Nov 2012)
Landhaus Osborne(Obertraun) >
Hallstatt > Salz Welten > Hallstatt > Obertraun

今日又係早醒咗，唔知係唔係D時差重未適應呢，都好多日喇喎。尋晚洗完衫將一件保暖衫放咗係一個暖爐到烘乾嘅時候，部嘢應該係幾熱下，攪到件衫燒濃咗，重穿咗一個窿添，好似開咗個Valve咁~~

呢一間Apartment係包早餐嘅，不過睇返佢個網頁可以有 淨係住宿嘅，但係我係 Booking.com 到睇到嘅，只係得包早餐嘅，不過都唔緊要啦~~包早餐就食下當地嘅嘢啦 ! 呢個早餐都幾多嘢食，味道呀~~歐式早餐Ok咁喇，不過佢隻蛋又真係幾好食個喎 !

食完個早餐，我哋Hae到9:30先出發，因為今日會去鹽礦到睇嘢，而佢第一個Tour就係10:20先開始。我哋去到鹽礦就啱啱10:00，咁啱有一班纜車搭上去喎，因為條路都幾多雪下，所以去到個入場辦公室都要行10分鐘先到。入到去個入口到，個職員話啱啱開始咗，要再等45分鐘之後先會有!吓，我哋上到來個時間啱啱好個喎，又要等~~不過都無辦法，佢話唔俾你入都無計。係我哋行上來個時，咁啱有一Pair日本人同我哋一齊行，佢只係行快我哋少少咋就入咗去~~係等嘅期間，咁啱遇到一Pair 香港人，佢哋係尋日來到嘅，本來佢哋想尋日玩呢個鹽礦，不過到咗之後遲得濟所以無玩到，佢哋重要係行路上來呢個鹽礦添呀，話行咗成個幾鐘，不過風景幾靚~~今日佢哋玩完呢個鹽礦就會去Salzburg 到玩，我重介紹佢哋一定要買個張Salzburg Card用，因為真係好抵!

坐下睇下嘢同人傾下，好快就可以入到去啦，入到去就要著返一套外衣先嘅，呢一套外衣有D似精神病院D衫咁~~因為其實出面都重幾凍，所以我哋入面都重係著住先前D衫，整到好似成個肌肉人咁樣~

去到11點就可以入得鹽礦，因為正式開始之前都重要行一段路，又有個Guide會講下個鹽礦嘅歷史…之後就要行一段路，行到去鹽礦入口到，個Guide打開個大閘，然後我哋就要行入去呢個鹽礦~~呢個鹽礦都分咗幾個區域，展示咗D鹽礦工人係點樣工作同埋鹽礦入面係咩工作環境，入面重會講返好耐之前D鹽礦工人係點樣係呢個惡劣嘅環境下工作，同埋有幾多鹽礦工人死係呢個礦坑入面~~不過我哋覺得最過癮嘅就係有兩條木製嘅滑梯係入面有得玩，好過癮~~我哋重每條都玩咗兩次添呀 !!