2009/03/30

2009 "花中精靈"紫白雙色禾雀花美食之旅(5)

睇完呢D之後,就去最後一個食晚餐前嘅景點....其實係一個公園....


個公園有個人像~~~大家知唔知道佢係邊個呢 ? (小學一年級常識問題)




個天好靚呀~~~




個湖有好多錦鯉架...一行埋去申隻手出去佢哋就會以為有嘢食,遊埋來架 !




呢個湖有得划艇架~~~




好喇~~是日晚餐就係呢一間酒家喇...




門口呢幾隻字幾吸引~~~~6元吃鮑魚~~~




首先來個湯先...呢個係"冬蟲草"煲豬骨湯~~~都幾好味

呢個"冬蟲草"大家唔好以為真係冬蟲夏草個隻草喎....兩樣唔同嘅嘢來個喎...




"冬蟲草"蒸雞...呢個都幾好味..不過其實就比較淡咗D




梅菜扣內~~~唔夠我屋企附近間"飯堂"好味




"冬蟲草"蒸尋龍魚~~~~我唔識食,覺得唔好味~~~~尋龍魚係國家保護動物點解有得食嘅~~~無他嘅,係人工養嘅,同原本嘅已經唔同~~~~




呢一碟蓮藕炒蓮藕我覺得好好味~~~~




客家釀豆腐....不過不失




蒜蓉蒸鮑魚仔,食落好似食鮮魷咁




蘿蔔煲豬肉丸




炒通菜~~~好好味




上湯菜心....(都唔知係唔係叫呢個名~~我自己作嘅)

呢一餐先叫做美食之旅架嗎~~~

2009/03/26

2009 "花中精靈"紫白雙色禾雀花美食之旅(4)

好喇...食完呢個唔係幾合心水嘅午餐之後,就去第一個景點。呢個景點其實都幾近食Lunch個地方,就係崖門古炮台啦,呢個崖門古炮台好似段古仔,不過我哋無聽到導遊講嘢,淨係係到周圍行來行去,睇下D古炮,睇下D花,影下相咁喇...因為我哋都係以食為主,呢個景點就當係食炮飯行下啦。附近重可以睇到條崖門大橋,都OK架,不過梗係唔夠我哋青馬大橋咁正啦~~~~睇完呢個景點就去另外一個景點~~~嘩~~又話美食團來嘅,點解重有咁多景點去睇架 ????

呢一個景點其實都係係呢個古炮台附近,叫做崖門海戰區~~~係遠距離就見都一首好大嘅戰船咁嘅建築物係到,原來只係個入口來嘅,不過都真係幾大 ! 入面有D片睇下之前好似係宋朝打仗嘅情況,不過我哋都係無睇。一入去就見到一件好大嘅玉璽,好似話係全中國最大嘅玉璽,之後就去睇入面間皇帝亞媽廟"慈元廟",不過之前就睇幾個左青龍右白虎~~~重有兩個唔知咩咩,跟住下咩咩~~~跟住就入去睇個皇帝亞媽廟"慈元廟",最攪鬼就係我哋成班人重係廟入面食雪條 ! 之後唔知點解入面嘅導遊叫我哋挾錢買炮丈燒喎....我哋當然係睬你都傻啦 ! 不過另外一團有兩個亞叔唔知點解又會買來燒喎 ! 之後景區入面個導遊又唔知點解係到唱歌喎.....睇完呢個又有另外一個景點~~~(嘩 ! 睇完未架 ??) 呢個景點就係去睇下人哋祠堂喇~~~係姓趙架喎.....都係行行企企咁喇...我哋又係無聽個導遊解說.....之後就驅車去今晚晚餐嘅酒樓喇 !




呢幾舊石就係講呢個崖門古炮台嘅歷史架啦




個山邊都開咗唔少杜鵑~~~如果全個山邊開晒都會幾靚




崖門大橋遠景




入面都幾多木棉樹係到架 !!




架旅遊巴都幾新淨同埋舒服架 !!




呢架咪就係架古戰船囉 !




拋咗錨添~~~~




獅子開大口




嗱嗱~~~呢件就係話最大嘅玉璽喇~~~




九龍壁畫~~~




唔知點解行行下有幾度牆有D詩係到~~~個導遊重係到諗咗牆上面D詩添呀~~~問你死未~~~




就係呢幾隻左青龍、右白虎、唔知咩玄雀、又唔知咩咩~~~(有無人知係咩呀 ?)




呢到就係皇帝亞媽廟"慈元廟"




呢張床話皇帝瞓過個喎 !!




呢兩個導遊唔知點解係到唱歌喎~~~~




重係到燒炮丈添啊~~~




呢個就係當時戰事嘅路線圖




遠睇似唔似一首船呢 ?




跟住就係睇祠堂喇~~~