~活在當夏~

Ben HA

沖繩八天自駕之旅 - Book 車篇 Part 2

(11)就會出現下面個結果，你就要 Copy & Paste 返係 [音訓] 後面第一個頓號個Ｄ日本字，而個馮字就係 “ヒョウ”。

(12)咁就將呢幾個日本字 Paste 入去個申請表入面嘅

(13)如事者重複咁入埋個名，然後 Copy & Paste ，都係一個字一個字咁翻譯

(14)跟住就係入 “郵便番号” ，因為我哋係外個人，所以就要入 “000 -0000”

(15)然後就到 “都道府県” ，呢一個我哋揀 “海外”

(16)跟住就到 “郡市区（島・国）”，呢個入 “HONG KONG” 就得喇

(17)到咗呢個 “それ以降の住所” 就係入你香港個住址喇

(18)然後就係 “電話番号” ，呢個入返你個香港手提電話就得啦，不過係要入 “852-1234 -4567”

(19)然後就到入 email address 喇

(20)最後就係按 “次” 個個就會去到呢個畫面，呢個你要揀返個攞車嘅時間同埋有幾多個乘客，重有就係租車嘅目的，你揀 “觀光”就得，跟住就係個還車時間，然後就按 “次”

(21)最後就會出現呢一個畫面喇，Check 過之後無問題就按最下面個個 “內容xx予約xx申請”就完成啦

Ben HA

沖繩八天自駕之旅 - Book 車篇 Part 1

家下講下點樣Book車

(1) 首先你去到個網頁到就係要揀攞車嘅地點，係那霸有三個地點可以攞車，一個係機場，一個係佢哋嘅租車場(好似係機場附近)，最後一個係 DFS Galleria，我就係係DFS Galleria到攞車同還車喇

(2) 揀好攞車地點就要揀汽車嘅類型喇，按紅色個個”空車確認”個個選擇。租邊一類型嘅車呢個好睇你自己想揸邊一款車同埋有幾多人一齊去，呢個你自己可以決定

(3) 好啦，譬如我租一架1,000~1,200嘅禁煙車，要租幾耐直接係個日歷到揀 !

(4)    根住個 “ご利用台数” 就等如”利用台數”，因為你係租一架所以唔洗理。然後根住又有四個 Item 俾你揀

就係:

チャイルドシート（ベビー)               à    child sheet(嬰兒)

チャイルドシート（ジュニア）        à    child sheet(少年)

チャイルドシート（チャイルド）    à    child sheet(蔡爾德)

カーナビ                                                à    汽車導航

頭個幾個應該係Ｄ小朋友座椅之類嘅嘢，如果你有小朋友就選擇來用啦。最後個個最重要，就係GPS 一定要揀 ! 就揀 “1台”

(5) 根住就係揀出發地點同埋還車地點啦，因為開頭已經揀咗攞車嘅地點係係DFS Galleria 所以出發地點係無得揀，而還車地點我Book嘅時候都係無得揀，不過現在又有得揀係機場或者係佢哋嘅商店都還，呢個就睇你自己嘅行程而決定喇

(6) 揀好晒Ｄ嘢之後就去到最底揀 ”料金見積り”

(7) 睇下你Book嘅日子啱唔啱，同埋所需幾多錢，然後就揀 “同意する” ，再按個下面個個 “予約畫面”

(8) 就會入到去入個人資料嘅畫面喇

(9) 第一個 “お名前” 就係入返你個中文姓名就得喇，例如: 馮仁炳

(10)跟住就要入你個中文姓名嘅片假名喇，你首先要去呢一個http://dictionary.www.infoseek.co.jp/?gr=kj，個網站將你個姓名翻譯去片假名，將你個名一個個係個漢字個格到翻譯，譬如個 “馮” ，入完之後就按 “檢索”

Ben HA

Book 酒店

Jalan à www.jalan.net

【サンエーホテルズグループ】ペンション美留àhttp://www.san-a.co.jp/hotel/pension_bilu/index.html

ホテルピースランド石垣島 à http://peace-k.jp/ishigaki/index.htm

沖縄ゲストハウス　ステラリゾート（沖縄県那覇市の高級安宿） à http://www.stella-cg.com/

沖縄の民宿・ペンション- 沖縄旅行人ネット à http://www.tabinchu.net/info/pens.asp

宿泊施設情報　プチリゾートなかどまいん à http://www.nakainn.com/institution/index.html

歡迎來到日遊自慢japanfavorite2003 à http://hk.geocities.com/japanfavorite2003/hotel10.html

景點

ASHIBINAA à http://www.ashibinaa.com/

マリンブルーの風に誘われて．．．知念海洋レジャーセンター à http://www.chinenmarine.co.jp/

石垣島観光サービス à http://www.isg-ks.jp/

沖縄の歴史・文化・自然を体験できるテーマパーク「おきなわワールド-文化王国・玉泉洞」 à http://www.gyokusendo.co.jp/okinawaworld/

沖縄石垣島　石垣市観光協会公式サイト à http://www.yaeyama.or.jp/

沖縄美ら海水族館 à http://www.kaiyouhaku.com/

天氣

Yahoo! Japan 天氣情報 à http://weather.yahoo.co.jp/weather/

日本氣象廳 à http://www.jma.go.jp/jma/index.html

日本天氣情報站 à http://tenki.or.jp/

交通

船 à http://www.arimuraline.co.jp/

Monorail 單軌鐵路 à http://www.yui-rail.co.jp/

地圖

其他

要去琉球玩的人最重要的是.要記得拿公車路線圖.

www.ocvb.or.jp/tw/index.html

那霸觀光協會：

http://www.naha-navi.or.jp/

石垣市觀光協會：

http://www.yaeyama.or.jp/

本部町觀光協會：

http://www.yanbaru.ne.jp/~kankou/

沖繩情報IMA：

http://www.okinawainfo.net/

石垣島是在沖繩啊, 這裡應該是屬於綜合討論區的範圍．

有沒有試過這個？　http://www.big.or.jp/~ishigaki/　

記得印埋d割引Coupon先出發呀

http://www.e-pon.jp/

http://www.guru-pon.jp/search/guru-kt-10.html

http://www.ocvb.or.jp/tw/index.html

租車

Sky Rent-A-Car à http://www.x-okinawa.com/

OTS Rent-A-Car à https://www.otsrentacar.ne.jp/

ToCoo Travel Rent-A-Car à http://www2.tocoo.jp/?file=rentcar_inbound/main

J-net Rent@Car à http://www.j-okinawa.jp/online/dfs_index.html

觀光資料

日本沖繩 Gourmet Navigator

沖縄観光コンベンションビューロー

沖縄観光チャンネル

沖縄デジタルアーカイブ「Wonder沖縄」

沖縄旅行と沖縄観光はゆくるＴＶ

知・旅・住　離島総合情報サイト　沖縄のしまじま

Yahoo!トラベル - 沖縄特集2007

ドライブで旅する夏の沖縄2006：るるぶ.com

沖縄こだわり体験スポット2007：るるぶ.com

討論區

http://www.backpackers.com.tw/forum/index.php

http://www.travellife.org/forum-153-1.html

http://www.ec2japan.com/phpBB2/index.php

Ben HA

第八天行程 1/6/2008

東橫 Inn (新都心) à 旧海軍司令部壕 à 首里金城町の石畳 à 玉陵 à 安國襌寺 à 觀音寺 à 福州園 à Lunch @ グルメ回転寿司市場(新都心店) à 鳳梨園 à Naha Harbor Diner à DFS Galleria 還車 à Shuttle Bus to 那霸機場 à 香港

今日係係沖繩嘅最後一日，係東橫 Inn (新都心)食完早餐之後就出發去一個叫旧海軍司令部壕嘅地方。呢個景點又係要俾入場費，我哋又有呢個10% Coupon，又平咗Ｄ喇 ! 根據Ｄ資料記載，呢個旧海軍司令部壕係係1944（昭和19）年12月建成的的掩蔽部（壕），係當年日本海軍沖繩方面根據地部隊司令部嘅據點。係1945年6月13日中午1點左右美軍嘅進攻中，除日本海軍司令官大田實少將外，日軍守軍有4,000多名人士陣亡。整個旧海軍司令部壕長約450米，可以俾人參觀嘅就有當年嘅司令官室、作戰室、幕僚室、通信室、暗碼室、發電室等地下設施。目前只公開了其中的375米。去到嘅時候都有Ｄ學生係到參觀緊，佢哋重有個好似老師嘅人係到講解俾佢哋知Ｄ歷史事跡。係Ｄ通道入面重有Ｄ畫掛咗係到，Ｄ畫重畫咗當時係呢Ｄ隧道入面係訓滿晒Ｄ士兵架….重有Ｄ子彈嘅痕跡係Ｄ牆到添呀~~~睇完呢個之後我哋就去玉陵，但係又路過一間超級市場，於是乎就停車入去行下啦 ! 係入面都買咗Ｄ嘢，跟住就去睇呢個玉陵啦。點知呢個偉大嘅GPS唔知做咩搵唔到玉陵嘅位置，係到兜來兜去，咁啱經過呢個首里金城町の石畳，於是我哋就停埋架車係一面睇下呢個景點啦 ! 呢個首里金城町の石畳，金城町の石畳係係尚真王時代(公元1477-1526年)修建嘅，呢一條路係由首里城市內到郊外嘅重要道路。睇完呢條石畳我哋就繼續尋找呢個玉陵喇，睇住Ｄ路牌左轉轉右轉轉就搵到喇，原來都幾近首里城個喎 ! 由於我哋睇咗好多呢一類嘅遺跡，所以都係係門口附近都睇下影下相就算喇 ! 呢個玉陵係位於首里城西側規模宏大嘅石造建築物。係公元1501年，尚真王為咗改葬其父尚圓王而修建，成為咗第二座尚氏王統嘅陵墓。墓室分咗三部分，中室係安置洗骨前遺體嘅房間，東室就安放洗骨後嘅國王、王妃嘅遺骨，西室就安葬墓前庭院中玉陵碑記載嘅其它王室成員。二戰時曾經受到毀壞，但經過3年多嘅修復工程，基本恢復咗原貌。重係2000年12月登記成為世界文化遺產。根住我哋就係想去福州園嘅，但係又途經呢個安國襌寺同埋觀音寺，就順道入去參觀下喇，個安國襌寺其實就無咩睇，因為入到去嘅時候就閂晒Ｄ門，個觀音寺同係香港見到嘅廟宇一模一樣，其實我覺得沖繩Ｄ人係咪都係中國人來嘅呢 ? ! 去到福州園，緊係睇下洗唔洗要入場費先，因為先前好多係書到寫咗係免費，去到都要收入場費架 ! 問過門口個亞嬸係唔洗俾錢，泊好架車就入去睇下喇 ! 呢個福州園原為久米村，而久米村本是閩人在那霸的聚居地，為咗紀念這一段特殊的因緣，福建省福州市乃助琉球政府在久米村原址建立一座具有福州風味的庭園。福州園是為了紀念中國福州市與那霸市結為友好城市10周年而修建的中國式庭園，占地面積8,500平方米，1992（平成4）年建成。福州園的建設由福州市負責設計和技術指導，建築材料也使用福州當地的材料。園內摹仿福州名勝修建了樓台閣榭等建築物，在寬闊的綠地中池塘、瀑布、綠樹、雕刻點綴其間，呈現出典型的中國庭園的美麗景觀，其實都幾似係大陸到睇緊Ｄ建築物咁，睇完就搵地方食Lunch啦。因為想食Ｄ回轉壽司，所以就返去第一晚食個一間グルメ回転寿司市場(新都心店)，因為真係幾好味，同埋又唔洗周圍搵呀嗎 ! 今次去到都食咗幾多嘢，但係就唔洗好似第一晚咁要等位，一入到去就可以坐埋位攞嘢食喇，我哋 Total 食咗成十二蝶，都幾飽下 ! 食飽之後就去咗睇鳳梨園嘅門市，係呢到都有得菠蘿放題個喎~~~啱晒，食飽飯，整返Ｄ飯後生果先，我哋重係入面買咗Ｄ嘢添啊 ! 睇完呢一個就完成晒成個旅程，準備揸架車去還車，但係又途經一個叫Naha Harbor Diner嘅地方喎，我係網上面成日都見都有人係呢一個地方到影相，入面重有間餐廳架。係佢後面重有個租車中心添呀 ! 睇完就驅車返去DFS Galleria到還車，還車過程都非常順利，原來係呢個DFS Galleria消費都可以免費搭Monorail去返那霸機場架。因為Ｄ免費乘車卷要係第一日租車嘅地方到先換到，我哋就順便呢個DFS Galleria到行下，不過其實都無咩買，Ｄ LV、Gucci 價錢同香港差不多，無著數，所以無謂買。換完Monorail張車卷，其實到差不多成兩點半，要搭車去機場Check-in。咁啱又俾發現有Shuttle Bus 搭去機場喎，又係免費，緊係搭Shuttle Bus，唔洗攞住件行李四圍行呀嗎 ! 呢架車都係用咗15分鐘就去到機場喇，不過就只會係日本國內線個邊停車，其實我哋搭Monorail都係係國內線個邊架喇，所以都無所謂 ! 去到機場我哋就去咗Check-in 先，然後先去國內線個邊行下睇下有無嘢買。我哋都以為我哋好早到，原來都有好多人係到等緊Check-in，攪咗一輪之後就去國內線個邊行下喇。個邊都有幾多手信買，其實基本上同國際通買Ｄ嘢差不多 ! 都有得試食，不過來來去去都係得個幾款嘢試食。睇完晒就要離境啦，嘩~~~點先好多人係到排隊，原來日本真係好鬼死嚴，所以嘅液體都要用膠袋袋住，無嘅一係唔要，一係攞¥30出來買個袋 ! 又因為驗屍咁驗攪咗好鬼耐~~~~入到去個候機室都重有舖頭係入面俾你可以買下嘢，不過價錢就真係貴過出面 ! 呢一次又係坐緊急逃生門個位…都唔知點解又係呢個位置架 ! 係搭飛機返香港途中遇到Ｄ橫流，跟住後來係網上面睇到有人話今年Ｄ天氣會有好多橫流，所以大家搭飛機記得扣好安全帶喇 ! 返到香港大約六點半到，但係等件行李就等咗成半個鐘 ! 沖繩之旅就此完滿結束 !

Ben HA

第七天行程 31/5/2008

民宿喫茶南の楽園 à 具志川城跡 (其他網 (1) ) à 喜屋武岬 (平和の塔) à 白銀堂 à 琉球玻璃村 à沖縄平和祈念堂 à化文化王国・玉泉洞 à 斎場御嶽 à 國際通 à Lunch @ 沖繩三越 à 平和通 à 市場本通 (第一牧志公設市場)(牧志公設市場) à ASHIBINAA Okinawa Outlet Mall à 東橫 Inn (新都心) à Hamby 自由市場 à Dinner @ Hot Pepper (つレストランかつの膳ハンビー店) à 東橫 Inn (新都心)

住宿 : 東橫 Inn (新都心)

今日嘅行程比較豐富Ｄ，所以尋日就同館住夫婦講要7:30食早餐，不過另外嘅一對日本夫婦重早過我哋食早餐 ! 呢個早餐雖然係簡單Ｄ，但係都幾美味 ! 食完早餐執好晒Ｄ嘢就 Check-out 走人，臨走前重同館主影返幅合照添呀 ! 我哋今日第一個去嘅地方就係一個叫具志川城跡，原來都幾近間民宿架 ! 不過去到呢….見到就係一堆爛石係到，返去香港先知原來要行落去近海邊嘅地方先係個個城跡所在地。但係點解我哋無入到呢 ?! 因為入去條路都生晒草，基本上都唔會謂意到係可以行到入去。之後就埋附近嘅另一個景點喜屋武岬到睇睇，呢個景點又係係附近，所以好快就去到啦 ! 呢一個景點我諗其實應該無咩人會來睇，因為係得個崖邊同埋一個涼亭重有一個紀念埤….但係因為我哋去嘅時候陰天陰地，所以可能咁樣唔覺得靚呱 ! 睇完呢一個，就去睇下一個叫白銀堂嘅地方。呢個白銀堂其實同我哋嘅天后廟嘅作用一樣，係祈求出海嘅漁民安全同埋魚獲豐收 ! 但係白銀堂呢個名係有由來嘅，原來有個沖繩漁夫向一個武士借咗Ｄ錢，中間有Ｄ細節日文唔知道講咩….不過最後係將Ｄ錢埋咗係呢個白銀堂到。重有就係呢個白銀堂有時會舉辦Ｄ慶典架 ! 跟住我哋就去睇沖縄平和祈念堂喇 ! 係去呢沖縄平和祈念堂途中經過琉球玻璃村，咁就順道入去睇下，呢個琉球玻璃村主要係可以俾人試下整玻璃，其實係沖繩都有好多地方俾人體驗一下點樣可以整到Ｄ玻璃，入面重有一個地方可以俾你買下Ｄ玻璃嘅製品 ! 我哋係入面買咗Ｄ嘢之後就繼續向沖縄平和祈念堂出發。去到嘅時候，都無咩人，我哋係附近影下相同行下就走人喇…呢個沖縄平和祈念堂其實係用來悼念一Ｄ係戰爭中死亡嘅人，入面有個館放咗有關嘅資料…有興趣嘅人可以睇睇呢….不過人哋就無咩興趣喇…..睇完呢到，我哋就去今日嘅重點，就係文化王国・玉泉洞，呢個係有兩個景點來架。去到嘅時候，呢到要買入場卷，用係Ｄ書到Coupon就有10% 嘅折扣啦 ! 開頭用咗另外一張，點知佢淨係俾咗每人一樽星之砂俾我哋喎，咁我又攞另外一張Coupo出來啦，原來只可以得一種優惠，咁我哋梗係揀 10% Off 啦 ! 我哋首先就係去睇下呢個玉泉洞先，呢個玉泉洞其實係一個幾大嘅鐘乳石洞，要行成半個鐘先行得完。入面Ｄ鐘乳石奇形怪狀，都幾得意，不過就成日中頭獎，因為個洞入面Ｄ石會不停咁滴水，一路行就一路中….睇完呢個玉泉洞，我哋係去睇近住路行嘅文化王国，其實呢個文化王国係沖繩又係周圍都有個Ｄ，俾你體驗下沖繩嘅文化，試下做Ｄ嘢咁 ! 重有有個沖繩傳統嘅鼓舞表演，都幾好睇 ! 睇完個舞就入去睇下有無地方食Lunch，入面有個地方係買下Ｄ手信同埋有個食堂，係買手信嘅地方少不免更係有得試食啦…又可以食下嘢啦 ! 入面個食堂Ｄ嘢食無得點選舉，同埋價錢都幾貴下，所以我哋決定出去先食 ! 係睇呢一個文化王国・玉泉洞又遇到係沖縄美ら海水族館入面幫我哋影相嘅一對日本情侶，哈哈~~~咁都遇得到，我哋真係有緣啦 ! 上返車睇下Ｄ書仔有無Ｄ咩食店推介，附近又無咩喎….但係就睇到一個景點係附近好近下，就係斎場御嶽，御嶽係祭祀神話中的神明或者係祖先嘅地方，有部分嘅御嶽係只有女巫先可以入去。於是乎我哋就去呢個地方出發啦，去到嘅時間見到有一間資料館係到，但係個入口就唔見咗，一定要經過個資料館先至可以睇到個斎場御嶽，即係話你上睇個斎場御嶽就要俾錢入個資料館先 ! 即刻有種返咗大陸嘅感覺….老屈 ! 我都唔需要睇Ｄ資料，但係就要俾錢去個資料館….唉…所以我哋就無入到去睇呢個祭祀嘅地方啦….跟住就去搵嘢食啦…我哋就諗住去國際通搵食喇 ! 去國際通有個問題就係唔泊架車係邊到，其實入面都有Ｄ收費停車場，但係價錢都幾貴下，所以我哋就盡量搵下有無Ｄ可以唔洗俾錢嘅地方喇，終於都俾我哋搵到個地方係國際通嘅街尾附近可以免費泊車 ! 泊低架車就去搵食啦…搵咗一陣，因為時間都唔早，所以就係三越嘅頂樓到開餐啦….都係沖繩料理….!! 食完飯就行下國際通睇下有咩買啦…點知成條國際通好似呢個手信街一樣，間間舖頭買咗嘢都差不多，所以感覺無咩睇咁 ! 反而覺得兩條橫街平和通同市場本通重多Ｄ嘢睇…係市場本通入面重有個(第一牧志公設市場)(牧志公設市場)，頭先食Lunch時唔記得入面有個飯堂，如果唔係就係呢到開餐啦….係平和通入面又一間幾大下嘅藥房，入面都幾多嘢買，價錢有Ｄ都幾抵個喎 ! 睇完晒呢個國際通，我哋就ASHIBINAA Okinawa Outlet Mall，去呢個Outlet Mall其實都幾複雜，因為個GPS又係無資料，呢個Outlet嘅地方其實係填出來嘅，所以如果資料唔Update跟本就係搵唔到…揸住架車去到附近我都覺得奇奇怪怪咁，點解會行埋Ｄ羊腸小徑咁 !? 話晒都係一個Outlet Mall呀嗎 ! 好在知道呢個 GPSＤ資料唔Update，所以一路揸一路留意附近環境，其實我去到附近我就見到其中一個Outlet Mall嘅Logo ，但係個GPS 就唔係指住呢個方向個喎…人工智能GPS又要出動，去到個Outlet Mall睇返個 GPS發覺原來我哋身處於海中間….. 呢個Outlet其實唔係好大，一陣間就行完，因為入面Ｄ嘢唔係真係咁平，香港都有得買 ! 係呢個地方重有其他唔同嘅 Outlet Mall ，不過買Ｄ嘢唔係咁啱我哋呢….好啦~~睇完個 Outlet 我哋就要去搵晚餐食，其實我哋係諗住去一個叫做 Hamby 自由市場嘅地方睇下順便食埋嘢，因為有Ｄ旅遊書寫入面有Ｄ嘢食。呢個Hamby 自由市場其實係一個每逢週五、六、日開市嘅跳蚤市場，有牛仔褲專賣店、T恤店、骨董店，重有沖繩麵食、南美食物等攤販等，各形各色的店家羅列於此。呢個市場係十年前，係開係美軍機場舊址，現在已成為北谷的名勝。雖然有Ｄ店家在周日都開工，但係週末夜晚會更加多嘢買，所以都吸引咗唔少人去睇睇。但係我哋到咗之後發覺完成唔係想像中咁嘅地方，重要得個幾檔開咗，完全係無嘢睇，不過呢一個自己市場係分開咗兩個地方嘅 ! 另外一面都係咁，但係就不停咁有人來個喎，攪到周圍都泊晒車。因為唔係想像中想睇嘅嘢，再加上又落雨，我哋就撤退喇…睇下附近有Ｄ咩食先，周圍搵搵下搵到一間叫 Hot Pepper食豬排同埋沖繩料理嘅，Ｄ豬排都幾好味 ! 食完係返去酒店，但係返酒店之前要去對面嘅 San-a Main Place 到買Ｄ嘢，開頭重驚佢會閂咗門添，後來先知原來呢間San-a Main Place係開到成夜晚12點架 ! 買完嘢就返酒店休息 !