2008/06/30

沖繩有用資料

Book 酒店



Jalan à www.jalan.net


【サンエーホテルズグループ】ペンション美留àhttp://www.san-a.co.jp/hotel/pension_bilu/index.html


ホテルピースランド石垣島 à http://peace-k.jp/ishigaki/index.htm



沖縄ゲストハウス ステラリゾート (沖縄県那覇市の高級安宿) à http://www.stella-cg.com/



沖縄の民宿・ペンション- 沖縄旅行人ネット à http://www.tabinchu.net/info/pens.asp



宿泊施設情報 プチリゾートなかどまいん à http://www.nakainn.com/institution/index.html



歡迎來到日遊自慢japanfavorite2003 à http://hk.geocities.com/japanfavorite2003/hotel10.html


景點



ASHIBINAA à http://www.ashibinaa.com/



マリンブルーの風に誘われて...知念海洋レジャーセンター à http://www.chinenmarine.co.jp/



石垣島観光サービス à http://www.isg-ks.jp/



沖縄の歴史・文化・自然を体験できるテーマパーク「おきなわワールド-文化王国・玉泉洞」 à http://www.gyokusendo.co.jp/okinawaworld/



沖縄石垣島 石垣市観光協会公式サイト à http://www.yaeyama.or.jp/



沖縄美ら海水族館 à http://www.kaiyouhaku.com/



天氣



Yahoo! Japan 天氣情報 à http://weather.yahoo.co.jp/weather/



日本氣象廳 à http://www.jma.go.jp/jma/index.html



日本天氣情報站 à http://tenki.or.jp/



交通



à http://www.arimuraline.co.jp/



Monorail 單軌鐵路 à http://www.yui-rail.co.jp/



地圖



MapionMapion



BBInfoseek地圖



Yahoo日本地圖



Google Map



ALPSLAB base



Jalan Net



Map GOO





其他



要去琉球玩的人最重要的是.要記得拿公車路線圖.



www.ocvb.or.jp/tw/index.html



那霸觀光協會:



http://www.naha-navi.or.jp/



石垣市觀光協會:



http://www.yaeyama.or.jp/



本部町觀光協會:



http://www.yanbaru.ne.jp/~kankou/



沖繩情報IMA



http://www.okinawainfo.net/



石垣島是在沖繩啊, 這裡應該是屬於綜合討論區的範圍.



有沒有試過這個? http://www.big.or.jp/~ishigaki/ 



記得印埋d割引Coupon先出發呀



http://www.e-pon.jp/



http://www.guru-pon.jp/search/guru-kt-10.html



http://www.ocvb.or.jp/tw/index.html



日本國際觀光振興機構



日本旅遊觀光網



日遊自慢



沖繩人



外幣對換



沖縄の旅行情報



租車



Sky Rent-A-Car à http://www.x-okinawa.com/



OTS Rent-A-Car à https://www.otsrentacar.ne.jp/



ToCoo Travel Rent-A-Car à http://www2.tocoo.jp/?file=rentcar_inbound/main



J-net Rent@Car à http://www.j-okinawa.jp/online/dfs_index.html



觀光資料





沖繩觀光資訊網站 -日本OKINAWA



日本國際觀光振興機構



OKINAWA琉球(繩)自己去就可以



日本漫遊



日本沖繩 Gourmet Navigator





沖縄観光コンベンションビューロー



沖縄観光チャンネル



沖縄デジタルアーカイブ「Wonder沖縄」



沖縄旅行と沖縄観光はゆくるTV



知・旅・住 離島総合情報サイト 沖縄のしまじま



沖縄フィルムオフィス



沖縄情報ガイド



沖縄探訪 美ら島物語



沖縄観光はワンストップ沖縄



沖縄旅行人ネット



沖縄情報うちなーぐちフェスタ



沖縄情報サイトBBcom



沖縄の情報満載!!Okinawa情報局 



沖縄情報 [ 琉球ナビ ]



沖縄インターネット放送局



沖縄情報IMA



沖縄 株式会社南都の観光情報



沖縄観光クーポン券ガイド



沖縄グルメ・レストラン情報【ぐるなび】



JTB沖縄インフォネット



JALツアーズ沖縄ツアー2007



Yahoo!トラベル - 沖縄特集2007



ドライブで旅する夏の沖縄2006:るるぶ.com



沖縄こだわり体験スポット2007:るるぶ.com



那霸空港



沖縄都市モノレール



沖縄本島の公共交通



那覇バス株式会社



沖縄路線バスどっとこむ



 



那覇はおまかせ!那覇ナビ



首里城



国際通り



パイナップルハウス



DFSギャラリア・沖縄



那覇市伝統工芸館



 



沖縄市観光情報サイト



東南植物楽園



沖縄こどもの国



 



北谷町観光協会



カーニバルパーク・ミハマ



北谷町ガイド



 



読谷村観光協会



体験王国むら咲むら



沖繩黑糖



 



沖縄県恩納村役場 観光ガイド



琉球村



沖縄工芸村



 



名護市観光協会



沖縄フルーツランド



ゴーヤーハウス



ナゴパイナップルパーク



森のガラス館



やんばる亜熱帯園



 



本部町観光協会



沖縄美ら海水族館



海洋博公園



 



うるま市観光・文化



ビオスの丘



 



糸満市観光協会



糸満観光農園



琉球ガラス村



平和祈念公園



 



ASHIBINAA



おきなわワールド-文化王国・玉泉洞



金剛石林山



御菓子御殿



 



浦添市観光協会



 



討論區



http://www.backpackers.com.tw/forum/index.php



http://www.travellife.org/forum-153-1.html



http://www.ec2japan.com/phpBB2/index.php


沖繩八天自駕之旅 - 第八天行程 1/6/2008

第八天行程 1/6/2008


東橫 Inn (新都心) à 旧海軍司令部壕 à 首里金城町の石畳 à 玉陵 à 安國襌寺 à 觀音寺 à 福州園 à Lunch @ グルメ回転寿司市場(新都心店) à 鳳梨園 à Naha Harbor Diner à DFS Galleria 還車 à Shuttle Bus to 那霸機場 à 香港







今日係係沖繩嘅最後一日,係東橫 Inn (新都心)食完早餐之後就出發去一個叫旧海軍司令部壕嘅地方。呢個景點又係要俾入場費,我哋又有呢個10% Coupon,又平咗D喇 ! 根據D資料記載,呢個旧海軍司令部壕係係1944(昭和19)年12月建成的的掩蔽部(壕),係當年日本海軍沖繩方面根據地部隊司令部嘅據點。係1945613中午1點左右美軍嘅進攻中,除日本海軍司令官大田實少將外,日軍守軍有4,000多名人士陣亡。整個旧海軍司令部壕長約450,可以俾人參觀嘅就有當年嘅司令官室、作戰室、幕僚室、通信室、暗碼室、發電室等地下設施。目前只公開了其中的375。去到嘅時候都有D學生係到參觀緊,佢哋重有個好似老師嘅人係到講解俾佢哋知D歷史事跡。係D通道入面重有D畫掛咗係到,D畫重畫咗當時係呢D隧道入面係訓滿晒D士兵架….重有D子彈嘅痕跡係D牆到添呀~~~睇完呢個之後我哋就去玉陵,但係又路過一間超級市場,於是乎就停車入去行下啦 ! 係入面都買咗D嘢,跟住就去睇呢個玉陵啦。點知呢個偉大GPS唔知做咩搵唔到玉陵嘅位置,係到兜來兜去,咁啱經過呢個首里金城町の石畳,於是我哋就停埋架車係一面睇下呢個景點啦 ! 呢個首里金城町の石畳,金城町の石畳係係尚真王時代(公元1477-1526)修建嘅,呢一條路係由首里城市內到郊外嘅重要道路。睇完呢條石畳我哋就繼續尋找呢個玉陵喇,睇住D路牌左轉轉右轉轉就搵到喇,原來都幾近首里城個喎 ! 由於我哋睇咗好多呢一類嘅遺跡,所以都係係門口附近都睇下影下相就算喇 ! 呢個玉陵係位於首里城西側規模宏大嘅石造建築物。係公元1501年,尚真王為咗改葬其父尚圓王而修建,成為咗第二座尚氏王統嘅陵墓。墓室分咗三部分,中室係安置洗骨前遺體嘅房間,東室就安放洗骨後嘅國王、王妃嘅遺骨,西室就安葬墓前庭院中玉陵碑記載嘅其它王室成員。二戰時曾經受到毀壞,但經過3年多嘅修復工程,基本恢復咗原貌。重係200012月登記成為世界文化遺產。根住我哋就係想去福州園嘅,但係又途經呢個安國襌寺同埋觀音寺,就順道入去參觀下喇,個安國襌寺其實就無咩睇,因為入到去嘅時候就閂晒D門,個觀音寺同係香港見到嘅廟宇一模一樣,其實我覺得沖繩D人係咪都係中國人來嘅呢 ? ! 去到福州園,緊係睇下洗唔洗要入場費先,因為先前好多係書到寫咗係免費,去到都要收入場費架 ! 問過門口個亞嬸係唔洗俾錢,泊好架車就入去睇下喇 ! 呢個福州園原為久米村,而久米村本是閩人在那霸的聚居地,為咗紀念這一段特殊的因緣,福建省福州市乃助琉球政府在久米村原址建立一座具有福州風味的庭園。福州園是為了紀念中國福州市與那霸市結為友好城市10周年而修建的中國式庭園,占地面積8,500平方米1992(平成4)年建成。福州園的建設由福州市負責設計和技術指導,建築材料也使用福州當地的材料。園內摹仿福州名勝修建了樓台閣榭等建築物,在寬闊的綠地中池塘、瀑布、綠樹、雕刻點綴其間,呈現出典型的中國庭園的美麗景觀,其實都幾似係大陸到睇緊D建築物咁,睇完就搵地方食Lunch啦。因為想食D回轉壽司,所以就返去第一晚食個一間グルメ回転寿司市場(新都心店),因為真係幾好味,同埋又唔洗周圍搵呀嗎 ! 今次去到都食咗幾多嘢,但係就唔洗好似第一晚咁要等位,一入到去就可以坐埋位攞嘢食喇,我哋 Total 食咗成十二蝶,都幾飽下 ! 食飽之後就去咗睇鳳梨園嘅門市,係呢到都有得菠蘿放題個喎~~~啱晒,食飽飯,整返D飯後生果先,我哋重係入面買咗D嘢添啊 ! 睇完呢一個就完成晒成個旅程,準備揸架車去還車,但係又途經一個叫Naha Harbor Diner嘅地方喎,我係網上面成日都見都有人係呢一個地方到影相,入面重有間餐廳架。係佢後面重有個租車中心添呀 ! 睇完就驅車返去DFS Galleria到還車,還車過程都非常順利,原來係呢個DFS Galleria消費都可以免費搭Monorail去返那霸機場架。因為D免費乘車卷要係第一日租車嘅地方到先換到,我哋就順便呢個DFS Galleria到行下,不過其實都無咩買,D LVGucci 價錢同香港差不多,無著數,所以無謂買。換完Monorail張車卷,其實到差不多成兩點半,要搭車去機場Check-in。咁啱又俾發現有Shuttle Bus 搭去機場喎,又係免費,緊係搭Shuttle Bus,唔洗攞住件行李四圍行呀嗎 ! 呢架車都係用咗15分鐘就去到機場喇,不過就只會係日本國內線個邊停車,其實我哋搭Monorail都係係國內線個邊架喇,所以都無所謂 ! 去到機場我哋就去咗Check-in 先,然後先去國內線個邊行下睇下有無嘢買。我哋都以為我哋好早到,原來都有好多人係到等緊Check-in,攪咗一輪之後就去國內線個邊行下喇。個邊都有幾多手信買,其實基本上同國際通買D嘢差不多 ! 都有得試食,不過來來去去都係得個幾款嘢試食。睇完晒就要離境啦,嘩~~~點先好多人係到排隊,原來日本真係好鬼死嚴,所以嘅液體都要用膠袋袋住,無嘅一係唔要,一係攞¥30出來買個袋 ! 又因為驗屍咁驗攪咗好鬼耐~~~~入到去個候機室都重有舖頭係入面俾你可以買下嘢,不過價錢就真係貴過出面 ! 呢一次又係坐緊急逃生門個位都唔知點解又係呢個位置架 ! 係搭飛機返香港途中遇到D橫流,跟住後來係網上面睇到有人話今年D天氣會有好多橫流,所以大家搭飛機記得扣好安全帶喇 ! 返到香港大約六點半到,但係等件行李就等咗成半個鐘 ! 沖繩之旅就此完滿結束 !




2008/06/28

沖繩八天自駕之旅 - 第七天行程 31/5/2008

第七天行程 31/5/2008


民宿喫茶南の楽園 à 具志川城跡 (其他網 (1) ) à 喜屋武岬 (平和の塔) à 白銀堂 à 琉球玻璃村 à沖縄平和祈念堂 à文化王国・玉泉洞 à 斎場御嶽 à 國際通 à Lunch @ 沖繩三越 à 平和通 à 市場本通 (第一牧志公設市場)(牧志公設市場) à ASHIBINAA Okinawa Outlet Mall à 東橫 Inn (新都心) à Hamby 自由市場 à Dinner @ Hot Pepper (つレストランかつの膳ハンビー店) à 東橫 Inn (新都心)



住宿 : 東橫 Inn (新都心)



今日嘅行程比較豐富D,所以尋日就同館住夫婦講要7:30食早餐,不過另外嘅一對日本夫婦重早過我哋食早餐 ! 呢個早餐雖然係簡單D,但係都幾美味 ! 食完早餐執好晒D嘢就 Check-out 走人,臨走前重同館主影返幅合照添呀 ! 我哋今日第一個去嘅地方就係一個叫具志川城跡,原來都幾近間民宿架 ! 不過去到呢….見到就係一堆爛石係到,返去香港先知原來要行落去近海邊嘅地方先係個個城跡所在地。但係點解我哋無入到呢 ?! 因為入去條路都生晒草,基本上都唔會謂意到係可以行到入去。之後就埋附近嘅另一個景點喜屋武岬到睇睇,呢個景點又係係附近,所以好快就去到啦 ! 呢一個景點我諗其實應該無咩人會來睇,因為係得個崖邊同埋一個涼亭重有一個紀念埤….但係因為我哋去嘅時候陰天陰地,所以可能咁樣唔覺得靚呱 ! 睇完呢一個,就去睇下一個叫白銀堂嘅地方。呢個白銀堂其實同我哋嘅天后廟嘅作用一樣,係祈求出海嘅漁民安全同埋魚獲豐收 ! 但係白銀堂呢個名係有由來嘅,原來有個沖繩漁夫向一個武士借咗D錢,中間有D細節日文唔知道講咩….不過最後係將D錢埋咗係呢個白銀堂到。重有就係呢個白銀堂有時會舉辦D慶典架 ! 跟住我哋就去睇沖縄平和祈念堂 ! 係去呢沖縄平和祈念堂途中經過琉球玻璃村,咁就順道入去睇下,呢個琉球玻璃村主要係可以俾人試下整玻璃,其實係沖繩都有好多地方俾人體驗一下點樣可以整到D玻璃,入面重有一個地方可以俾你買下D玻璃嘅製品 ! 我哋係入面買咗D嘢之後就繼續向沖縄平和祈念堂出發。去到嘅時候,都無咩人,我哋係附近影下相同行下就走人喇呢個沖縄平和祈念堂其實係用來悼念一D係戰爭中死亡嘅人,入面有個館放咗有關嘅資料有興趣嘅人可以睇睇呢….不過人哋就無咩興趣喇…..睇完呢到,我哋就去今日重點,就係文化王国・玉泉洞呢個係有兩個景點來架。去到嘅時候,呢到要買入場卷,用係D書到Coupon就有10% 嘅折扣啦 ! 開頭用咗另外一張,點知佢淨係俾咗每人一樽星之砂俾我哋喎,咁我又攞另外一張Coupo出來啦,原來只可以得一種優惠,咁我哋梗係揀 10% Off ! 我哋首先就係去睇下呢個玉泉洞先,呢個玉泉洞其實係一個幾大嘅鐘乳石洞,要行成半個鐘先行得完。入面D鐘乳石奇形怪狀,都幾得意,不過就成日中頭獎,因為個洞入面D石會不停咁滴水,一路行就一路中….睇完呢個玉泉洞,我哋係去睇近住路行嘅文化王国,其實呢個文化王国係沖繩又係周圍都有個D,俾你體驗下沖繩嘅文化,試下做D嘢咁 ! 重有有個沖繩傳統嘅鼓舞表演,都幾好睇 ! 睇完個舞就入去睇下有無地方食Lunch,入面有個地方係買下D手信同埋有個食堂,係買手信嘅地方少不免更係有得試食啦又可以食下嘢啦 ! 入面個食堂D嘢食無得點選舉,同埋價錢都幾貴下,所以我哋決定出去先食 ! 係睇呢一個文化王国・玉泉洞又遇到係沖縄美ら海水族館入面幫我哋影相嘅一對日本情侶,哈哈~~~咁都遇得到,我哋真係有緣啦 ! 上返車睇下D書仔有無D咩食店推介,附近又無咩喎….但係就睇到一個景點係附近好近下,就係斎場御嶽,御嶽係祭祀神話中的神明或者係祖先嘅地方,有部分嘅御嶽係只有女巫先可以入去。於是乎我哋就去呢個地方出發啦,去到嘅時間見到有一間資料館係到,但係個入口就唔見咗,一定要經過個資料館先至可以睇到個斎場御嶽,即係話你上睇個斎場御嶽就要俾錢入個資料館先 ! 即刻有種返咗大陸嘅感覺….老屈 ! 我都唔需要睇D資料,但係就要俾錢去個資料館….所以我哋就無入到去睇呢個祭祀嘅地方啦….跟住就去搵嘢食啦我哋就諗住去國際通搵食喇 ! 國際通有個問題就係唔泊架車係邊到,其實入面都有D收費停車場,但係價錢都幾貴下,所以我哋就盡量搵下有無D可以唔洗俾錢嘅地方喇,終於都俾我哋搵到個地方係國際通嘅街尾附近可以免費泊車 ! 泊低架車就去搵食啦搵咗一陣,因為時間都唔早,所以就係三越嘅頂樓到開餐啦….都係沖繩料理….!! 食完飯就行下國際通睇下有咩買啦點知成條國際通好似呢個手信街一樣,間間舖頭買咗嘢都差不多,所以感覺無咩睇咁 ! 反而覺得兩條橫街平和通市場本通重多D嘢睇市場本通入面重有個(第一牧志公設市場)(牧志公設市場),頭先食Lunch時唔記得入面有個飯堂,如果唔係就係呢到開餐啦….平和通入面又一間幾大下嘅藥房,入面都幾多嘢買,價錢有D都幾抵個喎 ! 睇完晒呢個國際通,我哋就ASHIBINAA Okinawa Outlet Mall,去呢個Outlet Mall其實都幾複雜,因為個GPS又係無資料,呢個Outlet嘅地方其實係填出來嘅,所以如果資料唔Update跟本就係搵唔到揸住架車去到附近我都覺得奇奇怪怪咁,點解會行埋D羊腸小徑咁 !? 話晒都係一個Outlet Mall呀嗎 ! 好在知道呢個 GPSD資料唔Update,所以一路揸一路留意附近環境,其實我去到附近我就見到其中一個Outlet MallLogo ,但係個GPS 就唔係指住呢個方向個喎人工智能GPS又要出動,去到個Outlet Mall睇返個 GPS發覺原來我哋身處於海中間….. 呢個Outlet其實唔係好大,一陣間就行完,因為入面D嘢唔係真係咁平,香港都有得買 ! 係呢個地方重有其他唔同嘅 Outlet Mall ,不過買D嘢唔係咁啱我哋呢….好啦~~睇完個 Outlet 我哋就要去搵晚餐食,其實我哋係諗住去一個叫做 Hamby 自由市場嘅地方睇下順便食埋嘢,因為有D旅遊書寫入面有D嘢食。呢個Hamby 自由市場其實係一個每逢週五、六、日開市嘅跳蚤市場,有牛仔褲專賣店、T恤店、骨董店,重有沖繩麵食、南美食物等攤販等,各形各色的店家羅列於此。呢個市場係十年前,係開係美軍機場舊址,現在已成為北谷的名勝。雖然有D店家在周日都開工,但係週末夜晚會更加多嘢買,所以都吸引咗唔少人去睇睇。但係我哋到咗之後發覺完成唔係想像中咁嘅地方,重要得個幾檔開咗,完全係無嘢睇,不過呢一個自己市場係分開咗兩個地方嘅 ! 另外一面都係咁,但係就不停咁有人來個喎,攪到周圍都泊晒車。因為唔係想像中想睇嘅嘢,再加上又落雨,我哋就撤退喇睇下附近有D咩食先,周圍搵搵下搵到一間叫 Hot Pepper食豬排同埋沖繩料理嘅,D豬排都幾好味 ! 食完係返去酒店,但係返酒店之前要去對面嘅 San-a Main Place 到買D嘢,開頭重驚佢會閂咗門添,後來先知原來呢間San-a Main Place係開到成夜晚12點架 ! 買完嘢就返酒店休息 !







2008/06/23

沖繩八天自駕之旅 - 第六天行程 30/5/2008

天行程 30/5/2008



CoCo Garden Resort Okinawa à BIOS 之丘 à 海中道路 (其他網 (1))à 平安座島 à 宮城島 à 伊計島 à 勝連城跡 (其他網 (1) (2) (3) )à Lunch @ Mosburger à 中城城跡 (其他網  (1) )à Jusco @ 具志川店 à Shopping @ ファッションセンターしまむら具志川店 à 民宿喫茶南の楽園 à Dinner @ HottoMotto



住宿 : 民宿喫茶南の楽園



今日係咁多日最遲起身嘅一日,因為想係間酒店都喔嘆下….起身刷完牙洗完面就係酒店四圍行下,尋日已經知道有間洗衣房係酒店入面,一路都以為同其他酒店一樣要付款洗衫,咁我行過就入去八下要幾洗衫同乾衣要幾多錢喇一睇原來係免費嘅呵呵….精明嘅香港人梗係唔好執輸啦即刻返房攞返尋日D臭汗衫褲出來洗咗佢 ! 好在今日預咗最後Check-out 時間先走人,所以都重有幾個鐘時間洗衫乾衣 ! 之後就去食個早餐先,同佢地係網上 Show 咗差不多,都唔錯食完之後等D衫乾完就準備Check-out ! 不過都重有D時間,走去CheckEmail同埋行下酒店入面間Shopping Centre,入面有我哋想買嘅香薰燈,呢燦燈成個都係用陶瓷料製造,用燈泡嘅熱力令到放係上面嘅水同埋香薰自然揮發出來,非常之安全。不過返到香港要換個個燈泡先得,因為日本同香港電壓唔一樣整好晒D嘢就Check-out,哈哈都係收返Booking個價錢,真係正 ! 我哋係 Book 28m2個一款,而佢哋就Upgarde我哋去33m2 個一款,返到香港睇原來重有一款係41m2,我諗成六、七個人都夠住呢不過今朝行睇到佢哋重有D復式嘅屋仔架 ! 好啦~~~~今日第一個要去嘅地方就係 BIOS 之丘,其實就咁睇個名都唔知佢係咩來,我開頭以為係一個山丘添,原來係一個公園來架,入面有得划船,坐水牛拉車,餵下山羊,睇下D植物…..不過我哋唔係咁啱,呢D啱一家大小去睇下~~~於是我哋就去睇下有咩再決定入唔入去參觀下喇,不過最後都係無入到去。跟住就去海中道路海中道路是連接與勝半島和平安座島的專用道路,也是全長4.7公里的亞洲第一長海中道路(縣內)。道路路況極好,在淺海域修築了防波堤,道路兩側是寬闊的淺灘。驅車行使在海中道路上使人十分愜意。在海中道路的中段有海濱美景,由此眺望大海和與陸地毗連的島嶼(平安座島宮城島伊計島)等風景優美。呢個海中道路係一條好長嘅橋,而係橋上面又有一個休息站 ! 沿住條橋一路入去就會經過平安座島宮城島,最後就會去到伊計島 ! 去到個海中道路個休息站睇下D嘢,入面有個資料館講返一D關於沖繩捕魚嘅歷史。睇完繼續前進去平安座島,點知一上車手撻著就閃油燈~~~有無攪錯 ! 頭先都重有兩格,點解會突然無晒架 !? 由於唔知到前行嘅地方有無油站,所以就唯有返出去入油喇~~~係無得選擇之下,唯有求其去一間就入啦 ! 呢一間嘅油都幾貴,要成差不多¥168/L ,普通嘅都係 ¥157/L ,不過無計 ! 後來入去平安座島見到原來都有油站可以入油。好啦 ! 入完油繼續我哋嘅行程,呢幾個島其實都無咩特別,不過你如果係釣魚愛好者的話,就啱晒喇,因為我睇呢幾個島都幾識合釣魚。嘩~~如果無咩做係呢到釣魚都可以Hae 到成日呀 ! 睇完呢幾個島就去睇一個叫做勝連城跡嘅地方,呢一個城跡又一個統治者嘅標記,睇返D資料,呢個城最興盛嘅時期係14世紀未15世紀前半,最後統治者叫阿麻和利。我哋去到嘅時候個天都已經陰晒,行到去一半嘅時候重要落埋雨添呀,當時上面重有一對日本情侶係到,不過佢哋連傘都無,就係咁係大樹下面避雨,不過我哋都唔係好得佢哋好多,只係多咗一把傘咁大把 ! 本來想睇埋成個城跡,不過睇D雨勢都無咩可能啦~~~所以一等佢細雨D我哋就走人啦 ! 真係有一點兒可惜啦~~~最想睇就係呢一個城跡,就係睇唔到啦,有D網重稱呼呢一個城跡為天空城跡添呀 ! 落到山腳,入去呢個城跡嘅資料館避一避雨先 ! 係入面都係唔少嘅資料可以睇到關於呢一個城跡。雨勢好似無咩減弱到咁,但係我哋嘅行程重要繼續嘅呢 ! 因為都成三點鐘,於是我哋就係去下一個景點嘅途中去食返個 Late Lunch 先,見到有一間Mosburger,就入去試下日本嘅Mosburger同香港嘅有咩分別喇 ! 分別就係日本重有其他唔同嘅飲料配搭….不過係沖繩呢一到好多間Mosburger都有一個專門俾D駕駛人士叫外賣嘅服務,好似外國咁樣架,駛架車入去然後對住部機講你要咩飽同其他嘢,然後駛前就可以去攞嘢同俾錢~~~不過我哋用唔到因為唔識講日文 ! 食完嘢,就去下一個景點中城城跡中城城蹟1415世紀由當時琉球著名武將護佐丸修建的城郭,鎮守琉球與中國海上貿易的重要通道。中城的城池實用而美觀,尤其是城門和六座相連的小城郭的造型極為特殊。如今沿寂靜的城池信步而行,登城而上,眺望眼下浩瀚的太平洋和東中國海,似乎可感受往昔的歷史遺韻。200012月,中城城蹟正式登記為世界遺產。我哋去到門口嘅時候都重落雨,所以我哋無入去睇呢個景點 ! 之後就係驅車去今日嘅住宿民宿喫茶南楽園,呢一間民宿係網上面睇到幾靚仔,不過如果係無揸車的話,應該就唔係咁方便去到 ! 係去民宿嘅途中我哋又去咗行 Jusco Jusco 真係周圍都有一間係附近呀 ! 跟住行完Jusco 重無神神入咗間買衫褲鞋襪嘅商店買咗D嘢添呀 ! 因為真係幾平下 ! 去呢個沖繩嘅南部其實路程就唔係好遠,但係實在係幾塞車下,再加上個偉大嘅 GPS 行埋D路,去到民宿都成七點鐘 ! 呢間民宿係由一對日本夫婦負責,佢哋D英文又係唔係好得,我諗佢哋都係招呼日本人多,我哋去到嘅時候,啱啱有一對日本人係到,館主重為佢哋準備緊晚餐,睇落去個樣都幾好味咁喎 ! 不過我哋聽朝就可以試下館主嘅手勢得唔得啦 ! 安頓好所有嘢之後,我哋又要去搵晚餐食喇,沿途入去都唔多覺有D咩食,見都 一兩 間食店,最後去到都係發覺係D放題食店多 ! 於是乎,我哋又再次幫襯 HottoMotto ! 我哋買完外賣就攞返去民宿到開餐,因為唔知人哋俾唔俾帶嘢返去食,所以我哋都係鬼鬼鼠鼠咁放入背包攞返去食咋 ! 食完晚餐,就發覺有好多大水蟻係D罅到爬入間房,嘩~~~整極都有,重要係床都有添 ! 點攪呀 ! 於是就問館住攞支殺蟲劑來噴,因為驚佢哋唔識聽殺蟲劑英文,於是我就攞一隻大水蟻嘅同埋寫咗剎蟲劑呢幾隻字去問館住喇 ! ! 佢又知道我想做咩喎,跟住就俾咗支殺蟲劑我….攪掂之後就去沖涼啦 ! 沖完涼就準備休息,突然諗起未講幾點食早餐個喎 ! 於是就又用頭先個招寫字,又攪掂 ! 終於可以訓覺啦 !