2014/11/30

2014 冰島自駕之旅 Day 3 28/10/2014 (星期二)(5)

2014 冰島自駕之旅 Day 3 28/10/2014 (星期二)

Downtown Reykjavik Apartment > Thingvellir國家公園 > Strokkur (Geysir 間歇泉已不噴水 > Gullfoss 黃金瀑布  > Kerid火山湖 > Hvolsvöllur > Borg Apartment

睇完呢個Gullfoss 黃金瀑布,我哋就去另外一個景點就係呢個Kerid火山湖,呢個Kerid火山湖,其實又係一個假火山中間有個湖咁,不過呢個景點係要收入場費,每人EUR$2,係冰島唯一一個我哋要俾錢入去睇嘅景點。我係網上面睇到,有人5點之後來到係可以唔洗錢入去,因為個個收錢嘅人收咗工~~~
呢個Kerid火山湖講真無咩特別,如果係無時間其實係可以唔洗睇都得,不過我哋就順路同埋今日呢一個已經係最後一個景點來~~~係附近行咗一陣,不過我哋無兜一個圈,影完相就去我哋今晚嘅住宿~~~
其實原先我係諗住會住返係 Reykjavik 嘅,不過睇睇下又要揸返個幾兩個鐘返去又好似唔係幾順咁,咪搵返我哋沿路睇下有無咩住宿。開頭就無咩選擇,後來就搵到今晚住嘅呢一間,價錢重平咗係 Reykjavik ,咁就決定住呢一到啦~~~

入到去今晚住宿個到,經過市中心見到都無咩睇同埋唔多見有超市,好在尋日買咗足夠嘅糧餉啫。去到住宿到,唔多見到有我哋住宿嘅名嘅牌係到,咪周圍搵下囉,後尾有個人行出去,原來佢就係館主,俾咗錢之後就安放好行李就準備晚餐~~~

食完晚餐無咩做,又出去影下睇下有無極光啦,係冰島之旅第一晚去睇,因為尋晚好攰~~~開頭都無,後來去到差不多10點就出現,不過就好厚雲,於是乎就叫埋團友一齊出去揸架車去一個黑少少嘅地方。家下睇返D相,其實個晚D極光應用幾強勁下,如果無咗D雲,肯定好精彩~~不過我個時到未知影極光部相機要點 Set ,要無限遠呢一家嘢原來唔係咁容易,所以好多都影到係矇查查咁~~影到咁上下,厚雲到睇唔到,咁我哋就走人返去沖涼休息

紅色嘅泥土唔知係邊到來,淨係係某D位置有


係冰島其實都有幾多個呢一類嘅火山湖

是日住宿
極光....不過好厚雲,睇返原本都幾強勁

2014 冰島自駕之旅 Day 3 28/10/2014 (星期二)(4)

2014 冰島自駕之旅 Day 3 28/10/2014 (星期二)


Downtown Reykjavik Apartment > Thingvellir國家公園 > Strokkur (Geysir 間歇泉已不噴水 > Gullfoss 黃金瀑布  > Kerid火山湖 > Hvolsvöllur > Borg Apartment

之後就再睇呢個Strokkur 間歇泉,去到停車場就見到有好多車同埋旅遊巴係到。我哋泊好咗車之後就行去睇,係呢個間歇泉附近有大大小小嘅細溫泉仔係到,佢哋都不停咁係到出緊煙,D水睇落都應該幾熱下~~

係呢個Strokkur 只有一個位會有噴水,唔洗點去搵,因為會有一大班人企咗係附近~~我哋去到個時啱啱噴咗一嘢,所以就要去等一等啦~~~其實企係到等個時都幾凍下,唔係幾想伸手出來。當噴個一刻到幾震撼下,不過就要識得揀位企,如果企係下風位,咁就會成個人都濕晒...


唔知點解會有個警告牌係到
每隔十幾分鐘就會噴一嘢
泉口



睇完呢個,見時間都唔早,所以就係呢到食返個 Lunch 先走人。呢到有包同埋有湯飲,我哋叫咗兩個包同埋一個湯,盛惠 $3270 kr ,即係兩舊幾水到啦,係歐洲係咁上下。食完我哋重係入面行下,佢哋基本上每個大景點入面食嘢嘅地方都有一間買衫買記念品嘅商店係入面。入面重有得買 North 66 嘅產品,North 66 係冰島到幾出名,係主要買戶外用品嘅,不過價錢都幾貴,所以我都係齋睇無買多~~~


買嘢係自助式咁買嘅
我哋嘅午餐
入面都幾多嘢買,不過唔係我飛彿


睇完我哋就去另外一個景點啦,就係 Gullfoss 黃金瀑布 ,呢個 Gullfoss 黃金瀑布 話會睇到彩虹,不過我哋就睇唔到,因為我哋去到嘅時間係無太陽,無太陽係睇唔到彩虹。由Strokkur  間歇泉 去Gullfoss 黃金瀑布其實好快,我哋去到就搵個位泊車,然後就行去睇。未去到個瀑布就已經有好多水花飛埋來,加上呢到又大風又凍,所以我哋又係快快睇完就走人~~~~相都唔係幾想影~~~~ 


睇我包到咁就知有幾勁大風同凍喇...

無陽光下唔係好靚
呢個保暖壺係呢冰島之旅好好用...




2014/11/29

2014 冰島自駕之旅 Day 3 28/10/2014 (星期二) (3)

2014 冰島自駕之旅 Day 3 28/10/2014 (星期二)

Downtown Reykjavik Apartment > Thingvellir國家公園 > Strokkur (Geysir 間歇泉已不噴水 > Gullfoss 黃金瀑布  > Kerid火山湖 > Hvolsvöllur > Borg Apartment

今日我哋就會離開 Reykjavik ,首先會去呢個 Golden Circle 到睇附近嘅景點,睇完就會去今晚嘅住宿。尋晚都幾好瞓,可能係搭咗一轉幾長程嘅機都唔定。食完早餐我哋就出發喇,第一樣要做嘅嘢就係去油站到買油咭(N1)。因為係冰島,好多油站都係自助入油嘅,有D直頭係無人係到,得部機係到。其實係可以用信用卡找數,不過冰島係自助情況下用信用卡係要入密碼嘅,而入密碼只需要入4個位 ! 但係香港嘅密碼係6個位嘅,問過香港嘅銀行,係呢種情況下係用唔到嘅,所以就要一定買油咭喇。但係其實如果唔係會去D好偏遠嘅地方,基本上可以係唔洗買嘅,因為最後我係要退咭先得。

到講返今日個行程先,咁我哋第一站就諗住去搵N1油站,但係搵咗兩、三個都係無人嘅。於是就諗住唔買住,諗住直接去景點,遲D先買。就係去Thingvellir國家公園途中,就見到一個好大嘅 N1 油站,咁咪入去睇下囉,又有得買,咁我就買咗 $40,000kr。買咁多都係因為見到好多人都係用咗差不多成$50,000kr嘅油費,咁最後當然係無用到咁多啦。買完就繼續上路去,一路都好順便。

去到Thingvellir國家公園,未落車就感覺到好大風,重有落少少雨添。原來係咁情況下,你會係想快D睇完之後就會走人。我哋係個觀景台到睇下影下相,不過個時係非常之大風,又凍喎~~之後就去咗睇埋個歐美板塊行多一陣就走人喇,因為實在太大風喇其實入面重有間教堂同埋瀑布,不過間教堂應該閂咗,個瀑布又要再行入D,所以我哋都係唔睇~~~




食返個早餐先
Downtown Reykjavik Apartment
買咗 $40000 油咭,後來係用唔晒嘅

在途中
行行下見到一堆石

去到Thingvellir國家公園,好大風又好凍
歐美版塊