2013 西班牙葡萄牙自駕之旅 Day 4 (1) Cordoba 哥多華大清真寺、百花巷，第一次食 Tapas...

Day 4 29/10/2013

Granada > Cordoba > Sevilla

行走里數 : 345km

Cordoba

參觀了的景點 :

哥多華的大清真寺 (Mezquita)、橘子中庭(Patio de los Naranjos)、尖塔鐘樓(Torre de Alminar)、百花巷(Calleja de las Flores)、羅馬橋 (Puente Romano)

今日會去 Sevilla，原先諗住如果有時間會去下 Malaga，睇下呢個西班牙嘅太陽海岸，不過個到其實無咩睇(我個人認為啫)。所以，我哋就直接去 Cordoba 到睇嘢好過。因為我哋住宿呢到佢哋要成 0830先有人係到，所以我哋就要等到成0830之後先走得。同埋今日又唔洗咁趕，所以其實遲D出發都無問題嘅。我哋食完早餐，Hae咗一陣，個負責人0830到返到來，之後就用得返個 Wifi 啦，佢話係個 Service Provider 有問題，要 Reset 個 Router 先可以上得網。

我哋大概0945先出發，直接去Cordoba 。去到 Cordoba 我哋就搵地方泊車先，入到去見到有D錶位，不過就滿晒。咁又見到有停車場喎，都無睇幾錢一個鐘就隊咗入去啦。嘩~~佢哋D位真係好鬼窄，要扭好多手呔先泊到架車咋。泊好我哋就去睇嘢，開頭以前泊車附近個一座嘢就係清真寺教堂，原來個一座係城堡來嘅，咁我哋就行出去睇條羅馬橋啦。

 食返個美味嘅早餐先，外國嘅雞蛋D蛋味真係香好多，係香港真係食唔到，可能D高級超市買個D會好食D都唔定

開頭我哋以為呢一間就係清真寺，原來係城堡來架咋

 

維基百科

羅馬橋（Puente romano）為瓜達爾基維爾河上的一座石拱橋，位於西班牙科爾多瓦市區，長331米，寬9米，連接兩岸的Campo de la Verdad區和主教座堂區（Barrio de la Catedral）。它又名「老橋」（"el Puente Viejo"），直到20世紀中葉下游的聖拉斐爾大橋（Puente de San Rafael）通車前，為該市唯一的橋樑。2004年起僅供行人步行通過。

自1931年，羅馬橋與橋門（puerta del puente）和卡拉奧拉塔（torre de la Calahorra）被列為西班牙國家文物。

羅馬橋

叫拜樓，又稱光塔（阿拉伯語：مئذنة‎，燈塔的意思），是清真寺常有的建築，用以召喚信眾禮拜（早期用火把照明，後期由專人呼叫，現代採用擴音器）。

最早期的伊斯蘭清真寺中無此建築，約在穆罕默得去世80年前後才出現。

係呢條嘅尾段有一座尖塔鐘樓(Torre de Alminar)，不過我哋無行過去睇。

係呢條橋嘅另外一面就對住呢個哥多華的大清真寺 (Mezquita)，佢個外表到幾靚，不過其實要係高空睇先會更加靚。

科爾多瓦聖母升天主教座堂（Catedral de la Asunción de Nuestra Señora），又名科爾多瓦主教座堂（Catedral de Córdoba）或科爾多瓦清真寺（Mezquita de Córdoba）。該建築為世界遺產科爾多瓦歷史中心的一部分，最早建於786年，名為聖文生聖殿（Basílica de San Vicente Mártir）。1238年，收復失地運動後，將清真寺改為羅馬天主教的主教座堂。1523年，在穆斯林建築的中心，開始修建文藝復興風格的聖殿。今天它是科爾多瓦最重要的地標，與格拉納達的阿爾罕布拉宮同為安達盧西亞建築的代表。

入到去入面都有幾多嘢睇，不過再要入去就要俾錢，要EUR$8/person，其實佢入面D柱都起得幾特別，不過我都係到此一遊，呢個入場費都真係唔平。

影完相我哋就去睇呢個百花巷(Calleja de las Flores)

呢條花巷都幾容易搵，就係清真寺後面，好快就搵到。係網上面見到人話，如果多人個時真係插針都插唔入架，不過我哋去個時好在唔係有好多人睇。

花巷（Calleja de las Flores）是西班牙科爾多瓦最受遊客歡迎的一條街道。

花巷現在的樣子是由於阿方索·克魯斯-孔德美化城市的興趣,其中包括花巷，他的兄弟，市長安東尼奧·克魯斯-孔德出於旅遊業的需要，領導了重塑項目。在1950年代中葉，採用了拱門裝飾，在1960年，又由建築師Víctor Escribano Ucelay設計，整合了考古遺迹的噴泉。[1] 此後，花巷成為該市的標誌性景觀，每天有數百名遊客從花巷小廣場以科爾多瓦主教座堂的塔樓為背景拍照。

睇完就去搵嘢食，突然醒起就快泊夠一個鐘，重有就係唔知個停車場係收幾錢。於是乎，就行返去停車場，如果收得貴就走人，平就繼續泊順便食埋嘢先走人。

睇到原來都唔係收好貴，重要係每15分鐘為一個收費單位，所以就繼續泊。我哋去咗花巷附近到搵食，見到有間有套餐食，而入面個 Waiter 又識講英文就入去食啦。我哋叫咗一個EUR$10嘅套餐再加一個EUR$6 Tapas 套餐，EUR$10個個套餐有兩個嘢食，份量都幾大，好在叫咗一個啫。EUR$6個個就有三個 Tapas ，不過唔知有無得揀，佢哋就求其攞咗三款 Tapas 俾我哋，個套餐重包一杯嘢飲~~

我哋食完晒D嘢但係佢哋都未上甜品俾我哋，於是就催下佢哋，因為快D食完就可以慳咗15分鐘泊車錢。甜品都幾好味~~

佢哋唔催都唔會咁快上嘢，因為歐洲人食嘢係好慢，慢慢食完一道菜，又Hae下之後先上第二道…有時間就無咩所謂嘅，不過我哋重要趕車程就要快D先得，呢個甜品其實都幾好食~~