顯示包含「2013 大鵬所城南澳之旅」
標籤的文章。
顯示所有文章
顯示包含「2013 大鵬所城南澳之旅」
標籤的文章。
顯示所有文章
食完嘢，我哋就問人點樣搭車去深圳喇，又係搭返我哋搭入去個架車E11出返去呢個深圳。開頭我哋都搵唔到個站，見到有個站就行埋去睇下有無喇，但係搵極到搵唔到個架車，好在有個香港人話我哋知可以係呢到等就得，重話我哋知係邊到落車然後就轉地鐵去羅湖～～因為我哋今晚會去食日式放題!!由於我哋5 點到就到咗，所以就係附近行咗一陣先上去食嘢。
間日式放題係近深圳彭年酒店附近，個幢大廈叫華都園大廈，其實呢一間日式放題我哋都食過幾次，佢係專做日本人嘅生意架。但係呢一間日式放題少人去食都幾OK，一多人去食呢，有好多嘢都會無同埋會漏單。呢一餐我哋都食到好美味，食完就各自歸家啦～～
MoMo House > 東山古寺 > Lunch@南澳建華海鮮酒家 > 南澳咸魚街 (南澳資料) > 深圳> Dinner@日本放題今日我哋就9點鐘出發去搵早餐食，我哋係民宿附近近海邊個到睇下有咩食，見到有間海濱餐廳嘅就行入去食嘢，呢到又白粥、油炸鬼、牛腩湯米同埋炒米食，我哋就叫咗呢幾樣嘢食～～食完就嘢，我哋就去咗行古城附近嘅東山古寺，呢個東山古寺我哋去到個時佢重係到進行緊大型裝修緊，有得睇嘅地方就唔多，不過睇佢哋要興建嘅地方其實都好大下～～睇來呢到真係想變做旅遊區，睇完我哋就去咗附近嘅一個士多啤梨園到睇下有無多啤梨摘，係無嘅～～睇完我哋就行返去民宿到Checkout，準備去南澳。由民宿去南澳，我哋要搭車出返去呢個王母站先，然後就轉M233入去呢個南澳。去到南澳附近，我哋就早咗落車，咁就順便一路行一路睇嘢喇。我哋首先去睇咗呢個南澳咸魚街先，無買到嘢。之後就去搵食喇，其實個時都差不多成兩點架啦，我哋最後去咗一間叫建華海鮮酒家嘅食店到食Lunch，叫咗個海膽炒飯、炒蜆同埋一個炒菜～～呢間嘢都幾好食，個海膽炒飯真係幾好味～真係想叫多一個來食 !!
