2010/09/24

2010 土耳其自駕之旅(1) (Planning)


121/10/2010 (Thu)HKG > Istanbul
222/10/2010 (Fri)Istanbul > Güneyli > Eceabat > Çanakkale
323/10/2010 (Sat)Çanakkale > Troy >Dalyan > Babakale > Behramkale > Assos
424/10/2010 (Sun)Assos > Akçay > Burhaniye, Ören Mh.,  > Ayvalık > Bergama > Yenifoça > Foça
525/10/2010 (Mon)Foça > Çesme > Alacati Beach, Çeşme > Seferihisar, Sığacık Mezarlığı Yolu > Selçuk > Şirince > Pigeon Island, Kusadasi > Kuşadası 
626/10/2010 (Tue)Kuşadası > Kusadasi, Turkish Aegean, Turkey (Ladies Beach) > Söke > Didim > Akbük/穆拉 > Bodrum > Turgutreis > Bodrum
727/10/2010 (Wed)Bodrum > Yalıkavak > Yatağan > Nazilli > Pamukkale > Hierapolis, Pamukkale > Pamukkale
828/10/2010 (Thu)Pamukkale > Denizli > Geyre > Yahşiler > Datça > Knidos > Yaziköy > Datça
929/10/2010 (Fri)Datça/穆拉 > Marmaris > Göcek > Fethiye > Esen/穆拉 > Turkey (Xanthos) > Patara > Kaş/安塔麗亞 > Xanthos-Letoon, Fethiye > Kaş/安塔麗亞
1030/10/2010 (Sat)Kaş/安塔麗亞 > Myra > Finike > Olympos > Çıralı > Turkey (Chimera) > Olympos
1131/10/2010 (Sun)Olympos > Antalya > Perge, Antalya > Side > Alanya > Gazipaşa > Anamur
121/11/2010 (Mon)Anamur > Mamure Kalesi > Kızkalesi > Mersin > Tarsus
132/11/2010 (Tue)Tarsus > Niğde > Nevşehir > Göreme > Çavuşin > Göreme > Turkey (Zelve) > Ürgüp > Üçhisar Kalesi) >Goreme, Turkey (Pigeon Valley (Guvercinlik Vadisi)) > Çavuşin > Goreme, Turkey (Goreme National Park (Goreme Milli Parklar)) > Çavuşin
143/11/2010 (Wed)Çavuşin > Kırşehir > Kırıkkale > Ankara > Gerede > Istanbul
154/11/2010 (Thu)Istanbul 市內遊
165/11/2010 (Fri)Istanbul > HKG




2010/09/03

2009 日本東北之旅 Day 18


2009 日本東北自駕遊 Day 18

日期 : 10.11.2009  星期一

行程 : スーパーホテル宇都宮  > カトリック松が峰教会 >  Lunch@はなまるうどん プレナ幕張店(讚技烏冬) > MITSUI OUTLET PARK 幕張店 > Toyota Rent A Car レンタカーのトヨタレンタリース東京 成田空港店 > 成田国際空港 > 香港 
總行程里數 :172 公里 – 大約 4 小時 35 分鐘




檢視較大的地圖



今日係行程嘅最後一日,宇都宮基本上係無咩景點睇嘅,但係有個叫二荒山神社同埋一個教會嘅地方係個本係酒店到嘅旅遊書有提及過,個個二荒山神社因為無地方泊車,所以我哋無去到,淨係去咗個教會到睇咋 !! 本書仔寫夜晚呢間教會會好靚,不過我哋係係日頭去,所以就無咁靚,不過日頭睇都唔錯嘅。睇完晒我哋就去幕張個Factory Outlet 到睇下嘢先去機場走人。

我哋將個幕張個地步入落去個GPS到,佢話要成點鐘先去到,我哋起程就大約9點鐘到,實際要行成大約126km,最後真係成點鐘先到呀,因為一入到東京個時就係咁塞車,真係塞車塞到亞媽都唔認得呀~~~係40~50米就有一個燈位,行幾公里路要行成個鐘,下次真係唔好入去東京市喇,同埋如果真係去就行IC,或者直接去機場走人好過...

去到莫張個GPS又帶咗我哋去咗個會議中心喎,好在睇到個Outlet係邊啫,於是就人肉GPS啦。呢到D Parking全部都係要俾錢嘅,不過洗錢洗到2000日元就有免費一個鐘嘅泊車架喇,用夠3000日元就有2個鐘免費泊車。

我哋來到呢到都成點鐘,就搵下有無D咩食啦,最後我哋都係食呢幾日食過嘅嘢,就係烏冬啦,因為真係幾好食同埋都幾抵食。我就叫咗個Set之後再加個冷烏冬(中),不過就食唔晒囉,真係好多....

食完我哋就去行下呢個Factory Outlet,但係到D嘢都唔平嘅,同埋我哋又要預返D時間去機場,所以基本上無咩點睇到呀~~睇完我哋就驅車去機場,由幕張去成田機場都要用成個鐘先到呀 !!

去機場之前我哋要去還車,佢哋 Check晒所有嘢之後就車我哋去返機場添呀~~~

去到個航空公司個Check-in Counter 到就要自助嘅,有D人真係唔係好識用,所以攪咗好耐都唔得,間航空公司又無咩人係到幫D人喎~~~

我哋最後磅個行李係28kg,比來嘅時候到係多咗少少,因為真係無咩嘢可以買呢...

係機場到我哋行咗一陣就入咗去禁區啦,我哋係入面到都買咗兩大盒嘅大福餅,因為都幾好食架 !!估唔到臨尾都有嘢買呀....

我哋返到香港都成十點幾,攪完晒所有嘢返到屋企都成十一點雞差不多十二點!!終於都完成咗呢個2009日本東北之旅啦,我哋今次旅程係行咗3735km...



好嘢....呢個2009日本東北自駕之旅都差不多寫咗成年先完成,係寫呢個遊記中間都發生咗唔少事情令到要將寫遊記嘅事擱置下來,總結呢個日本東北之旅,真係又驚險又好玩,驚險嘅係係青森縣行山路跣軚,好在無事,好玩嘅就係去咗18日,不過天氣就唔係好好,有好多景點都無辦法睇到...今年都未決定去邊添,因為其實10月尾11月頭呢一段時間好多地方都唔係好適合去旅行,日元又鬼死無咁貴喎...似乎我哋要向歐洲出發,不過歐洲係呢段時間又係開始凍同埋係雨季...下一年都係提早去慶祝先得....



宇都宮二荒山神社....


カトリック松が峰教会




入下油先,因為要行一段長路啊...



呢個播放器陪伴咗我哋18日架,一路我哋都係用佢來聽歌,聽下"瘋so快活人"....



咁耐都無Post過呢架車D相添...去片

個Display 都幾多嘢睇架..(好多日文,佢識我我唔識佢)



中間呢個就係GPS啦...成程都係靠佢架啦..



中途站....



一返到去東京就熱返啦...



途經一間消防局..



塞車中.....



嘩~~又升一度...



係呢個站附近塞咗好耐...



塞到人都傻咗



幕張入面嘅食店



我哋嘅 Lunch 讚技烏冬...



周圍行下先...不過無嘢睇



行李最後都係得28kg...



拜拜啦..香港見...



成田機場...



入咗禁區都有唔少嘢睇呀..



等飛中.....



拜拜啦...日本...日元幾時跌返落去六個幾呀....



飛機餐,都幾好食喎...



唔洗揸車可以隊啤...



2010/09/02

2009 日本東北之旅 Day 17


2009 日本東北自駕遊 Day 17

日期 : 9.11.2009  星期日

行程 : スーパーホテル宇都宮  > 男体山明智平ロープウェイ > 中禅寺湖 > 日光山 輪王寺 > 日光東照宮 > 日光二荒山神社 > 日光輪王寺大猷院廟  > Lunch@ 餃子 宇都宮みんみん > 宇都宮パセオホームページ UTSUNOMIYA PASEO >  宇都宮餃子像 > 宇都宮PARCO  > Dinner@ はなまるうどん 宇都宮大曽店 > スーパーホテル宇都宮 

總行程里數 :121 公里 – 大約 3 小時 41 分鐘




檢視較大的地圖


今日係行程嘅第17日,今日係原定個Plan嘅計劃去咗地方其實已經去咗架啦,所以係應該無地方去架。不過係酒店到見到有幾本介紹呢個區域嘅書,我哋就攞咗來睇下喇,因為我哋帶去嘅書仔係無呢一區嘅資料架。

睇完個幾本書,我哋今日就決定去日光市嘅景點,有中彈寺湖、東照宮同埋鬼怒川,不過最後我哋都無去到鬼怒川,因為去咗會好遲先返到宇都宮,重要無咩時間睇下呢個宇都宮。

行程第一個景點就係去呢個中彈寺湖,呢個湖係係一千七百幾米高嘅地方到,去到嘅時候都已經無晒紅葉啦,不過上去個湖嘅路有好多個灣,簡直就係好似頭文字D行嘅髮夾灣咁。我哋揸上去個時重有架垃圾車行得好快,重要快過我哋,架車真係見灣過灣,好似一架跑車咁~~~去到個湖都睇咗一陣,無咩特別,所以我哋影完相就走人去第二個景點喇。落返去又係要行返呢條好多灣嘅路,我哋數過呢到有成48個灣...真係行到頭都暈 !!

之後就去咗東照宮,去呢個景點就一定要泊係D收費嘅停車場啦,我哋搵過附近無唔洗俾錢嘅停車場。我哋兜咗一陣,見到一個老婆婆係到睇住個停車場咁辛苦,所以我哋就泊係呢個車場啦~~~

入咗東照宮又要買門票,不過睇書有種共通門票,係可以去晒主要嘅景點,但係就唔包括眠貓宮囉。呢張票叫做二社一寺共通拜觀卷,係價值1000日元架,可以去日光東照宮、日光輪山輪王寺、輪王寺大猷院同埋二荒神社。

我哋入到去個時都見到有唔少嘅旅行團係到,後來就真係去到人頭湧湧嘅階段啦,個間日照宮真係多人到呢,好似去緊街市咁,我哋平日來到咁多人,如何星期六、日到咪重多人 ?!!

講返呢個東照宮其實德川家康的陵寢,都幾金碧輝煌架,歷史話係一個叫勝道上人建立,然後由德川家康創建東照宮,令佢變得金碧輝煌,最後就由天海大僧做咗呢到嘅住持啦,詳細嘅資料可以睇呢到,不過我哋去到個時佢又係係到裝修緊喎。係入面有一隻神馬,佢會向人叩頭,我哋行埋去個時佢不停咁係到叩頭,好有靈性呀~~~

其餘個日光輪王寺、二荒神社同埋輪王寺大猷院都無咩特別,其間我哋入咗一部份嘅寺廟入面,有D日本人講解返一D歷史,重撞兩條唔知咩嘅木,係入面即刻有好勁嘅回音~~~

睇完晒D嘢,我哋就驅車返宇都宮,都要成個鐘先返到去呀~~我哋將架車泊返去酒店到,然後就做步兵行去JR車站到個商場到食餃子做Lunch啦。我哋揀咗一間尋日經過有好多人排隊個間,叫咗個有煎同埋有蒸嘅餃子套餐,味精就一般,所嘅八方雲集都重好食個佢呀...

食完嘢我哋就行下個商場,行咗成兩個幾鐘,買咗D嘢同埋搵到個餃子像影下相就差不多成五點啦。於是我哋就揸車去東武百貨到泊車(有一個鐘免費泊車),然後行下附近嘅一條街睇下有咩食同埋有咩買下咁,但係呢...都無嘢睇同埋買嘅...

之後我哋就行咗另外兩個商場,但係因為得一個鐘嘅免費泊車時間,行唔得耐,最後都係搵唔到嘢食喎...

好在我哋來宇都宮個時記低咗一間食烏冬嘅食店位置,於是我哋就驅車去呢間食店到啦。呢一間又係我哋之前食過個一間嘅連鎖烏冬食店はなまるうどん 宇都宮大曽店,我哋叫咗個咖哩加烏冬、蛋、蘿蔔、牛腩、炸天婦羅同埋炸魷魚,重叫咗一個冷烏冬,都幾好食,食到我哋好飽呀~~~

食完就返酒店喇,因為聽日係最後一日要執下件行李先....

今日係尾二個日行程,去咗日光嘅中襌寺湖同埋東照宮,然後係宇都宮行街...聽日就要返香港喇...

睇唔睇到呀...好多個髮夾灣呀...




去中彈寺湖嘅中途景點







中彈寺湖




日光寺




日光寺入面嘅五重塔




東照宮




神馬




二荒神社




大猷院




宇都宮JR站餃子店




餃子套餐




餃子像




是日晚餐...烏冬....