2010 土耳其自駕之旅 (83) Day 12 - Ihlara Vadisi (溪谷)

1/11/2010 Day 12

Goreme > Derinkuyu
Yeralti Sehri > Ihlara Vadisi > Goreme > Cappadocia Cave
Suites

 

Ihlara Vadisi (溪谷)

Ihlara
Vadisi

係呢個全長15km嘅Ihlara深谷裡面，有流水與一大片濃綠嘅自然景氣;南側有高100m嘅懸崖陡峭;而溪谷入面就保存咗5000多戶嘅住家同埋教堂等建築物。重一般道路落咗一段樓梯向住溪谷行，呢一帶有好多教堂聚集，好似有畫咗有基督升天嘅Agacalti Kilisesi 教堂、畫咗有24位教父同埋40位殉教者嘅 Ytlanli Kilise教堂等。係河流嘅東北邊同埋西南邊，有一條路;而係東北邊重有一大塊岩石可以攀爬上去，不過爬上去並唔係一件容易嘅事。

 

睇完呢個地下城市之後，我哋就驅車去另外一個景點，就係一個叫Ihlara Vadisi嘅地方，其實呢一個係一條溪谷來嘅，但係沿住呢一條溪谷就有好多基督教住咗係到，亦都有好多教堂係到。

由 Derinkuyu 去呢個 Ihlara 都要成個幾鐘，我哋去到呢個 Ihlara 個時見到有間餐廳，就順便食個 Lunch 先再行呢個溪谷啦~~我哋座低無耐就見到先前係地下城市預到個一個日本家庭，真係有緣啦~~~

食完嘢我哋就開始呢個溪谷之旅啦，呢到真係有唔少嘅住戶，不過當然家下係無人住架啦，每行一小段就會見到有教堂係到。係教堂入面有D壁畫，唔知係唔係環境嘅問題呢，好多壁畫嘅顏色都重係好鮮艷個喎 !! 咁其實呢D顏料係做咩來做嘅呢 ? 唔通係用天然嘅植物做嘅 ? 行呢個溪谷都幾爽，其實重有D凍添呀~~~我哋最後都係行咗一半到就返轉頭，因為其實都唔知可以行到去邊~~~之後我哋就返去 Goreme 啦...
去Ihlara溪谷嘅途中見到有個大雪山  

去呢個Ihlara重有成44km 

一望無際 

到咗啦...

行呢個溪谷都有好多指示

教堂入面有好多壁畫，顏色重好鮮明

呢條就係溪谷呱 

行行下見到有條橋，中間可以坐係到個喎.. 

呢一間唔知係唔係有人住嘅呢?

教堂 

入面都保存得好完整 

行行下又見到有人係到搭咗間屋仔，好似係買下嘢飲嘅地方 

回程個時見到有人係條橋到開餐，真係正.. 

我哋就係呢一間餐廳到食Lunch架啦