2010 土耳其自駕之旅 (82) Day 12 - Derinkuyu Yeralti Sehri (地下城市)

Goreme > Derinkuyu
Yeralti Sehri > Ihlara Vadisi > Goreme > Cappadocia Cave
Suites

 

Derinkuyu Yeralti Sehri (地下城市)

食完早餐返房Hae咗一陣就去Checkout啦，個館主都幾攪鬼，見都我頭髮長長(心地善良)，就話我同佢就係土耳其Brad Pitt，大家都咁靚仔~~~

Checkout完，我哋就出發去今日第一個景點，由呢個Divan Cave House(Goreme)去呢個Derinkuyu要差不多一個鐘，去呢個Derinkuyu主要係要睇一個 Underground City。

Derinkuyu Underground
City

呢到嘅地下城市，與其話係地下城市係洞窟住家啦，不如就講係呢D係向住地心蔓延嘅螞蟻窩一樣去形容重好;入到去好似洞穴一樣嘅通道之後，一個又一個咁連接住，真係好似一個地下迷宮一樣，係呢D無方向無日光嘅地下通道到行，真係好容易就會失去咗方向感!!

係400年前左右嘅記載就有呢D咁古老嘅地下城市存在;而呢D樣我下城市嘅起源同埋歷史，就有好多迷團;據說係因為一D曾經被阿拉伯人驅趕嘅基督教到此居住過。城市內部嘅通風口，可以通去每一層嘅空間到，其中有禮拜堂、有祭壇嘅學校教室，另外重有廚房同埋寢室，食物倉入面甚至還有井口;可以瞭解曾文有過大規模嘅人群係呢個地方到一同居住過。為咗抵禦敵人嘅入侵，到處都放咗準備堵塞通道嘅大圓石，每個可以參觀嘅穴室都係會有燈光照住，其中重有D穴室係要蹲下來先可以行過去睇。據說係呢個Derinkuyu嘅地下城市曾經有成4萬人居住過，而係Kaymakli個個樣地下城就有成2萬人居住過;兩座城市都可以深入到地下8層或5層參觀。

今日原來係土耳其時間教慢咗一個鐘，唔怪得之今朝起身時去食早餐嘅時候，咩都無得食啦~~今日去呢個 Derinkuyu Underground City嘅路程都幾暢順，無兜到路就去到啦。

來咗咁多日，我哋好醒目，唔立即兜入去近個景點嘅地方，因為通常個D位都係D無形嘅收費停車場，即係附近其實係無寫住呢一個係一個停車場，但係你一泊低落車無耐就會有人走埋來同你講要收停車場錢，個D人只係好似一個普通街坊咁，一D都唔覺得佢係停車場嘅工作人員。所以就泊咗架車係出面條路到啦，好喇 ! 買飛入場啦，入面其實都幾局下，入去呢個Underground City係會有人帶住行嘅(如果無人帶就好快會迷路喇，要長居地下囉...嗚嗚) 。係行呢個地下城市個時，遇到一個由日本來嘅家庭，佢哋兩個大人加埋個BB仔一齊入去個Underground City 到參觀，話時話個B我就唔覺得佢辛苦，但係佢個亞爸就抱個B抱到成身大汗啦~~~我哋係入面都行咗幾耐下，其實都係行咗幾層，好難想像如果住到去地深19層個時係咩景況，又熱又濕，我諗非迫不得已都唔會住係呢D咁嘅環境~~~
呢個景點有清晰嘅指示 

呢個係世界文化遺產之一

入口只係一個好普通嘅門 

好啦，出發，向地底出發 

入面就係呢Ｄ路啦，條條都差不多 

係咁嘅環境，點樣可以有咁多人生活嘅呢? 

有部份路段係要蹲低身先行到 

食物存放處 

呢個窿係一直通落去唔知幾深嘅地方 

越行得深，條路嘅高度就越來越細 

就係呢Ｄ大圓石，做來塞住Ｄ通道 

呢一條通道塞咗，唔知點先可以開返呢? 

石門 

呢一到嘅空間都幾大架啦..

又有一個直通落去唔知幾深嘅窿 

呢一個應該係通風口

係呢個景點附近有一間教堂都幾靚仔