~~~活在當夏~~~: 2018 波蘭．波羅的海三小國自駕之旅 Day 22 6-4-2018 Friday (Warsaw, Poland)

2018/06/16

2018 波蘭．波羅的海三小國自駕之旅 Day 22 6-4-2018 Friday (Warsaw, Poland)

Roommate Centrum Kredytowa > 維拉努夫宮 Muzeum Pałacu Króla Jana III w Wilanowie > Factory Ursus > Lunch@ Orient Cook > Makro Cash & Carry > 入油 > 還車 > Warsaw Chopin Airport > Doha

今日我哋就返香港喇，不過就下午6點鐘機，車就約咗係5點前先還，不過我哋應該會大概3點到到機場。因為預返啲時間去還車同埋要去入油，所以基本上我哋都係得半日時間。

原先諗住可以LATE Checkout的話就可以係華沙入面再行下先，不過間Apartment有人租咗，所以就要11點或之前就要Checkout。

見要11點就走，不如早少少就走，所以我哋就去睇一個皇宮啦。早餐就食芝士麵炸菜加蛋，不過就煮咗好耐。我哋10點就離開Apartment，呢一款Apartment通常還鎖匙一係放返係屋入面，一係就放入去個郵箱到。

我哋10點幾就到咗呢個維拉努夫宮 Muzeum Pałacu Króla Jana III w Wilanowie，車就泊咗係附近嘅一個停車場，又唔洗入錶個喎，應該係免費嘅。我哋諗住入去睇下個皇宮，點知原來我哋去呢個時間要導覽先可以入去，都要睇成個幾鐘。所以我哋就睇個花園算數，不過我哋來睇呢個時間花園係無嘢睇嘅，呢到附近都有幾間食店個喎，重有金拱門添。

之後就去咗波蘭嘅Factory Outlet 叫Factory Ursus，呢個Factory Outlet唔係好大，一陣就行完，我哋無嘢睇到啱買，諗住係到食埋Lunch，但係呢到又係得個一間Sphinx，所以我哋就諗住去搵KFC。用Google search到附近有一間，咁我哋就去啦~~~點知去到Miss咗個路口入唔到去KFC和停車場，入到一個好大嘅停車場，有一間好大間好似超市嘅店舖叫Makro。係呢個停車場入面重有兩間食店，我哋泊好車就去睇下。有一間係食泰式嘅嘢食嘅，係對面馬路又有一間食店係食自己挾個一種，不過就得好少款揀。又去行咗間超市，嘩，呢一間超市啲嘢真係好抵，我哋買個啲朱高力係呢到買平成30%，重要係大包個一款，最衰買咗唔係就可以入貨。

行完我哋就去食Lunch，最後我哋就去食呢間泰式食店，叫咗一個炒甜酸金邊粉、一個炒雞肉粉絲同一個椰子冬陰功湯，個兩個炒粉都幾好食，個椰子冬陰功湯就椰味重得濟…不過整體都好好食!

食完我哋就去機場，咁臨還車前就要入滿缸油，點知架車入極支油針都唔識郁，最後我哋入咗4次油就放棄。去到機場還車原來就咁泊返架車係佢哋停車場個位就去機場個Counter到還車匙，我哋show咗啲油單俾佢睇話入咗4次油支油針都唔郁，跟住佢先話呢一架車支油針係有問題，入滿咗都唔會郁~~頂你呀~~攞車個時又唔同我哋講，好在預多時間啫，唔係就趕死人喇~~~

Checkin完寄埋行李就過安檢，嘩~~呢到如果著行山鞋又要除鞋先得，都幾麻煩 !! 呢到嘅Duty Free買嘅嘢重貴過係超市買，所以大家如果要買嘢就係出面買咗先喇~~

維拉努夫宮 Muzeum Pałacu Króla Jana III w Wilanowie Parking

GPS : 52.166056, 21.086362

Makro Cash & Carry

Address :Aleje Jerozolimskie 184, 02-486 Warszawa, Poland

GPS:52.200753, 20.931967)

芝士麵炸菜加蛋