2011 德國自駕之旅 (39)(Day 8)(18/8/2011)

Hotel Atlas Sport (Gardmisch Partarkirchen) > Fussen > Schloss Neuschwanstein > Hohenschwangau > Alpsee > Landhotel Guglhupf (Schwangau,Fussen) 

睇完呢個舊
天鵝堡，我哋就去睇呢個位置最後一個景點啦，就係阿爾卑斯湖。呢個湖其實係停車場嘅另外一邊，所以我哋就揸埋架車泊咗係附近。我哋行落去個湖到開餐，因為我哋Lunch都未食架 ! 個湖D水都幾清涼，可以話用凍來形容都得，所以我哋就將D飲料放落去涼佢一佢，順便清一清係香港帶來嘅嘢食，因為我哋重有兩日就會返香港啦~~真係快~~

期間有團友剝埋鞋落咗去個湖到浸腳~~跟住就有團友將佢對鞋收埋咗~~~哈哈~~大家都係呢到玩得好開心，有個團友重同一個係烏克蘭來嘅小朋友玩得好開心添呀~~玩完食完就要去今晚住宿嘅地方啦...車程10分鐘內到，呢一間係個行程最貴個一間來架...

阿爾卑斯湖..

遠眺舊天鵝堡

我哋放咗D飲料落去D湖水到凍一凍佢先

大家係到開緊餐

頭先舊天鵝堡流出來嘅水好似就係由呢到泵上去架啦..

有團友將其中一個團友嘅鞋收埋ing...

嘻嘻~~呢位團友同個係烏克蘭來嘅小朋友玩得好開心..

呢到D石都幾靚，本來想帶返香港，但係最後都無攞到返香港

一齊來影返張相先...

2011 德國自駕之旅 (38)(Day 8)(18/8/2011)

Hotel Atlas Sport (Gardmisch Partarkirchen) > Fussen > Schloss Neuschwanstein > Hohenschwangau > Alpsee > Landhotel Guglhupf (Schwangau,Fussen)



我哋落到去售票處個到呢，又要再行上去個舊天鵝堡到，不過有團友行唔到喇，所以就有人座馬車，有人就行路去啦。其實行路去都唔係好耐，只不過有一條樓梯要行上去就比較辛苦少少啦~~~由售票處行上去大約要10分鐘到，慢慢行個隻來個喎~~~上到去，馬車到未到，因為塞車，哈哈 !! 我哋點知呢 ? 因為我哋有帶 Walkie-Talkie去呀嗎~~~係上面又係要等啦，等嘅期間又係周圍影相，係舊天鵝堡呢個位原來影過去新天鵝堡都幾靚個喎 !! 係等入去參觀期間，有團友同幾個來自西班牙嘅人係到傾計，講過其中一個團友點解膝骨哥痛都唔去做手術，鬼唔知要做咩，不過係香港要做呢D手術係要排好耐期架，重要個隻款唔係最新款喎，要新款就要自己俾十幾萬，但係只可以用二十年到。而個班西班牙人就話佢哋做呢D手術好快同埋係唔洗俾錢架，嘩~~聽落又幾好喎~~不過諗深一層，羊毛出在羊身上...所以家下西班牙D經濟咪攪到咁囉...
等下等下又夠鐘入去，呢個城堡有D導賞機借來用，重要唔洗錢個喎，我哋揀咗D普通話台嘅來聽，正~~一路行一路有得聽有幾好喎，呢到一樣係唔俾影相嘅，所以無咩印象啦。

不過係入面要行好多樓梯，重有就係入面有好多間細嘅房，入面又係有好多裝飾擺設，重要係天鵝嘅最多，睇來個堡主真係好鍾意天鵝喎 ! 呢一座城堡係可以望到新天鵝堡嘅，有記錄講話亞堡主日日都望住個新天鵝堡嘅興建進度，希望快D可以入住新個邊，不過可惜佢瓜老襯個時新個邊都未起好~~佢哋呢個家族嘅祖先因為興建呢個新天鵝堡攪到無晒錢，但係就係因為呢個天鵝堡將佢哋嘅後人變為德國嘅首富...

座馬車ing....

係天鵝堡入面有幾間住宿係可以Book來住，不過價錢都幾貴，同埋成日都爆架..

行上去舊天鵝堡途經一間教堂

有好多天鵝嘅裝飾

遠眺新天鵝堡

我哋個個係Audio-Guide

有人玩降傘

睇完走人....

呢到好多人會飲佢留出來嘅水，真係唔知咩水

飲水....

停車場，嘻嘻，我將架車泊咗係樹陰下面

呢個紅當當嘅地方話係浴室來個喎...