Day 15 Prague
今日就會繼續係布拉格市內遊，今朝唔洗自己整早餐，因為呢間酒店係包早餐嘅。今日我哋就會買張24 Hour Travel Pass ，呢一張Pass係可以任搭市內嘅交通公具。食完早餐，我就行去附近嘅Metro站到買，其實應該係要尋日就買定，咁就唔洗行出去買啦。我去咗皇宮附近個個站到買，一落到去，咦!!個票務處點無開門嘅，咁我點買呀 ?! 行埋去見到入面有個人，我就示意買飛啦，佢就指住間好似便利店嘅舖頭，我諗應該係叫我去個到買啦，原來係Metro站入面嘅便利店係有得買呢個車飛嘅，買完我就返去酒店到啦，來回用咗成45分鐘，不過中途就去咗Charles Bridge 到影下相咁~~
我哋大約9點鐘就出發去睇呢個布拉格嘅景點啦，首先我哋就係去呢個Dancing House到睇下影下相先，其實呢個Dancing House係尋日入布拉格個時已經經過過架啦，睇完我哋就去皇宮到睇嘢啦~~
今日其實都幾凍下，我哋去到布拉格城堡區 (Pražský hrad)個時其實都唔係有太多人，我哋研究咗一排，最後都係無買飛去參加入面D嘢，因為睇過無咩特別。咁我哋首先就去睇個教堂先，入到去 !! 咦 ! 點解有個閘係到嘅，原來再要行入去就要買飛入來參觀~~呢一區D教堂好多都係咁嘅，我哋其實對於呢個教堂都唔係好大興趣，係出面睇咗就算啦，之後就係皇宮入面行下睇下黃金巷附近嘅嘢，呢到重有個叫白塔嘅塔，不過係要買入場卷架~~我哋當然又係無去到啦。期間見到有好大批日本男學生係到參觀~~嘩~~攪咩日本學生咁富貴，可以出國旅行呢 ? 之後大約12點到，我哋就去睇呢個換兵儀式，成個過程都幾好睇，大約睇咗15分鐘到先完成~~
Hi ! A rich breakfast ! Yummy ! But no hot food ? It seems a bit ordinary inside the church, but a lot of people were visiting.
回覆刪除[版主回覆12/13/2012 19:41:31]係呀..呢一間嘅早餐都幾豐富，熱嘅嘢食得三款都叫做好過無啦，歐洲人鍾意食凍嘢多 !!
歐洲嘅教堂差不多間間都一樣，所以要收錢嘅我哋就唔會入去睇