2012 捷克、奧地利、匈牙利自駕之旅 (27) - Day 14 Telc > Prague

Day 14 Telc > Prague

 

好~~Checkin完，我哋就攞嘢上房啦~~我哋Book呢間酒店叫Hotel Residence Malá Strana，都幾近D景點，不過就係布拉格市中心嘅對面岸，近皇宮個邊~~我哋間房係 Studio話有廚房嘅，一入到去基本上同間酒店房無咩分別，睇睇下就唔見咗個廚房嘅~~原來個廚房係收埋咗係個櫃入面，真攪鬼，重有就係要落去攞D廚具。我哋係房入面又Hae咗成個鐘，之後就出去行下同埋搵嘢食~~

頭先來酒店個時見都有間中式餐廳，於是我哋就去睇下啦，價錢就唔係太貴，不過款式就唔多。咁跟住我哋就諗住去查理橋個邊睇下有無嘢食啦，行行下見到有個幾大個商場，咁我哋就入去睇下啦。呢個商場嘅頂樓有好多間食店，重要有一間叫Running Sushi係食壽司自助餐添，價錢就係298Kc (Lunch)同埋 398Kc (Dinner)。重有好多間食店，有McDonald同埋D西式嘢嘅餐廳，重有間係食中式餐嘅，就排晒隊，最後我哋就係食咗呢一間喇，味道都唔錯~~

食完嘢，我哋就繼續去搵Charles Bridge啦，因為睇地圖其實我哋行嘅路程應該到咗Charles Bridge，但係好似唔多似咁嘅。之後，我哋就問下人啦，原來我哋係行咗相反方向，怪唔之得行極都未見到啦~~不過如果唔係我哋行錯咗方向又唔會搵到呢個商場嘅食店啦。

之後，我哋就行返去酒店嘅方向，見有D攰攰哋，我哋就順便返去酒店到Hae下先。我哋Hae咗半個鐘到，就出去搵Charles Bridge啦，由酒店行過去Charles Bridge，其實15分鐘之內就一定會行到去。去到Charles Bridge個時都幾多人，不過今日又大風又凍，吹到塊面都幾凍，相都唔係幾想影。呢條Charles Bridge上面有好多個人像，但係好多都係黑晒嘅~~橋上面重有人幫人畫人像，又有人表演音樂，重有D係買記念品~~

我哋沿住條橋一路行過去舊城區個邊，順便睇埋天文鐘同埋市政廳就返酒店啦，因為真係己凍下嘅呢~~今日我哋嘅晚餐就係福字麵加蛋，呢到嘅煮食設備真係唔係好得，不過都可以煮到福字麵加蛋~再煮多D嘢就真係唔得啦~~