Day 17 & 18 Prague
> Dubai > Hong Kong
> Dubai > Hong Kong
今日下午就要離開捷克返香港啦，十幾日嘅旅程真係一陣咁就過咗啦，因為今日其實我哋就無咩特別嘢想睇，所以比較Hae D。朝早食完個早餐之後，我哋係酒店到 Hae 咗一陣，然後就行咗出去睇下呢個捷克大軍大橋再行過去Charles Bridge 之後就返去酒店到 Hae。Hae 到食Lunch個時，我哋就去咗酒店附近個間金鶴飯店到食Lunch，呢間飯店係出面睇就好似有好多嘢食，原來入到去都無咩嘢可以選擇嘅~~我哋叫咗個炒飯同埋一個炒麵食，味道都可以啦，不過個炒麵就有D 辣~~食完嘢我哋又繼續係酒店到Hae，Hae到成點幾鐘我哋先Checkout去機場~~
去機場之前，我哋要入滿油先可以還車，唔係就會俾人罰錢架啦~~呢一下入油，都入咗成1250Kc。之後就揸架車去機場，去到機場停車場，基本上係要揸返去第一日攞車個個停車場，咁我哋就揸入去啦，其實呢個停車場有幾個閘嘅~~我哋以為求其入一個就得，泊好車就去租車公司到還車，點知佢話其實係要泊係地下個個場，俾職員Check完車之後先可以還車，咁我哋咪入錯閘囉~~好在有30分鐘免費泊車，即刻揸返架車落來，還車過程都好順便。不過其實有D不滿就係我租車個時係用EURO計嘅，呢間租車公司就要佢哋個Rate 去計算返捷克嘅價錢，同我租車個價錢就有咗出入~
攪好晒D嘢，我哋就去機場到Checkin啦，好在我哋做咗 Online Checkin 咋，如果唔係就要排長龍有排等呢~
之後就搭咗5個幾鐘去到 Dubai ，又要等兩個鐘到先可以搭機返香港，返到香港大約係下午嘅14:30~~十幾日嘅旅程就咁結束啦~~下一站去邊到玩呢 ?
