2013 墾丁‧台南‧高雄自駕之旅 (9) 25.3.2013

2013 墾丁‧台南‧高雄自駕之旅

 

Day 3 25.3.2013 星期一

 

伯利恆 ® 海洋生物博物館 ® Lunch @ 台灣牛 ® 後灣 ® 萬里桐 ® 白沙海灘 ® 貓鼻頭公園 ® 出水口 ® 後璧湖海鮮市場 ® 滿州花海 ® 社頂公園 ® 伯利恆 ® 墾丁夜市 ® 伯利恆

 

今日好好瞓呢，可能呢一兩日玩得比較夜嘅關係，一覺瞓到大天光。今日又係0830落去食早餐，今日又係好明顯少咗好多人，即係其實週末嘅時間好多人會來墾丁呢到玩，食完早餐我哋就上去房到 Hae 一陣先出發~~~

今日嘅主要景點就係呢個海洋生物博物館啦，去呢個館記得要去一D代售點到買飛，因為原價 NT$450 嘅入場卷，係呢D地方到買只需要 NT$390 ，計埋應該有成差不多有85折架。本來諗住去墾丁大街嘅 hOT 墾丁到買嘅，點知佢要下午先開，好在佢哋有另外一間係南灣個邊，都係順路去海生館嘅~~去呢一間到買其實都有個好處，就係若果你最後無用到張飛，係可以退錢嘅~~~

好，買完飛我哋就去呢個海生館，呢到個停車場有係要俾錢泊車嘅 (NT$50)，開頭無收錢重以為係免費添，原來係出閘先俾錢~~

入場前要去佢哋個Counter到換飛，呢個海生館又係好大風~~入場去睇佢哋分三個館，一個係台灣水域、珊瑚王國同埋世界水域~~~

入到去我哋就去睇下呢個台灣水域，呢到有一個好大嘅魚缸，我諗佢哋係想學沖繩個個水族館，不過就學唔到，因為沖繩個個真係好大~~呢一個館好快就睇完~~

之後就睇下呢個珊瑚王國，呢個館最特別就係有D水底管道可以行下，如果唔係多人的話，影相都幾靚，係呢到又見到有好多香港人~~~查實又係無咩特別

好啦，去最後一個館就係世界水域，呢一個館除咗個南整水域之外，其他都無咩嘢好睇~~~係個南整水域有好多企鵝係到，都幾得意~~

話咁快就睇完呢個海生館，又差不多12點，又係搵嘢食嘅時候，咁我哋就去附近嘅台灣牛牛肉麵到食返個Lunch先，我哋叫咗一個紅燒牛肉麵同埋一個清燉牛肉麵，重有叫咗個皮蛋豆腐同埋一個檸檬愛玉~~個杯檸檬愛玉無得飲，因為一個唔小心倒瀉咗無得飲…個兩個麵都Ok啦…不過就唔係話好好食囉…一般..

餐日日都會見到船帆石(點解唔係叫做帆船石嘅)

我哋嘅戰驅

去hOT墾丁到買海生館門票

唔知點解呢個墾丁周圍都咁大風嘅

呢到有得導賞架，不過好似要預約同埋俾錢

彈塗魚

海膽...好味

呢個水域無咩嘢睇

呢條魚好似D史前生物咁

有企鵝睇

呢到啱小朋友玩多D

呢一個好攪鬼...

台灣牛牛肉麵

大腸

皮蛋豆腐

紅燒牛肉麵

清燉牛肉麵