2013 墾丁‧台南‧高雄自駕之旅
Day 7 29.3.2013 星期五
返到去泊完車就差不多成1330，咁我哋就去附近嘅爭鮮到食返個Late Lunch先。爭鮮其實係台灣嘅公司，近呢一兩年係香港開咗幾間店舖，就試下台灣嘅有咩分別先。台灣嘅爭鮮就係 NT$30一碟，都好抵 ! 款式都幾多，不過我哋去到食個時唔知係唔係遲嘅關係，等咗好耐都無咩款。最後我哋當然就係叫來食啦，味道都唔錯，我哋總共食咗 18 碟，埋單就係 NT$540 無加一，真係幾抵喎~~
食完嘢我哋就用咗張係香港台灣觀光局換嘅高雄捷運一日票搭車，呢張票可以一日來無限任搭市內公交包括埋船~~我哋首先搭去呢個中央公園站嘅新堀江商圈行下街先，不過一出站就去咗原宿玉竹商圈，呢一邊睇有D似香港嘅花園街，不過我哋行個時有好多舖頭都未開，呢一邊好快就行完。之後，我哋就去新堀江商圈，呢一邊就多嘢睇好多，感覺好似行緊旺角咁。我哋係呢到都買咗唔少嘢，行行下重見都有D食檔開緊，可能夜晚呢到都幾多嘢睇個喎~~~有機會真係要夜晚來呢到行一轉先得。
行完呢到我哋又去咗附近一個商場行，入面有間叫 DAISO Japan ，呢一間嘢，同香港以前嘅10蚊店一樣，不過呢到就係全部 NT$39，呢個 DAISO 都幾大下，買嘅嘢都幾多，不過我哋就無買到嘢。
之後我哋就搭捷運去巨蛋站去睇下呢個巨蛋同埋漢神巨蛋呢個商場。
係巨蛋出面影下相，然後就去行下呢個漢神巨蛋，呢個商場都幾多嘢睇~~除咗買衫褲之後，呢個漢神巨蛋入面重有間食Buffet嘅食點叫海港自助餐廳，我哋見到有好多人係到等緊位，咁我哋又未諗到食咩喎，於是就問下可唔可以入去睇下有咩食啦。入去兜咗一個圈，嘩~~都好多嘢食，不過甜品就少咗D，但係呢個價錢真係幾抵喎，就係 NT$800 再加埋加一即係 NT$880 一位，圍返即係HK$240/p，真係幾抵喎。佢重要有個1930後入座有8折添喎，於是我哋就諗住去食啦，點知無晒位，要等 Waiting List~~但係我哋等等下，我哋又唔覺得好肚餓入去食好似有D唔抵，所以到最後都無食到，如果有機會下一次就要來試返一次先得~~
咁我哋之後就去咗呢到地庫嘅Food Court到睇下有咩食啦，不過都無咩啱心水。最後，我哋就返咗去85大樓附近嘅興中夜市到睇下有咩食，原來呢個興中夜市都幾多嘢食個喎。我哋係呢到食咗個湯包加一個叫孬味香菇肉羹，呢個羹又幾好味喎，埋單就只係 NT$95。行行下又見到有個叫冬瓜粉圓嘅嘢食，諗住叫來試下，因為見到佢好似係一碗好似糖水咁嘅嘢，咪試下，原來係冬瓜茶加粉圓，不過又幾好味喎~~之後我哋就去咗行下呢大遠百到睇下有無嘢買，又買咗一D護膚品喎~~好，聽日就要返香港啦~~買咗咁多嘢，唔知會唔會過重呢 ?
85大樓附近都幾多食店
85大樓附近都幾多食店
咁o岩既, 我都係3月去完呀:-)
回覆刪除我冇你去咁多地方呀, 只係去左好少地方咋 :-(
好想著台灣, 好想再出發去 ~~@@
[版主回覆05/15/2013 05:38:28]係咩...台灣其實都係一個幾好嘅地方...
又多嘢食又多嘢買，搭飛機時間又唔耐喎~~~
係呀，我超喜歡呀，所以我最近呢幾次都係去左台灣囉，我來緊都會再去，哈哈@@
回覆刪除[版主回覆05/15/2013 11:16:46]嘩~~又去..去入貨呀 ?
不過佢唯一吾好既係飛機時間短左啲囉:’(
回覆刪除[版主回覆05/15/2013 11:17:15]時間短唔好咩 ?
漢神巨蛋好像好多野睇？
回覆刪除[版主回覆05/15/2013 11:18:04]一個大商場~~都幾好..
時間短 又快到 梗係想搭耐小小 但無耐 去台灣又咁近 但又喜歡去喎 哈哈！
回覆刪除