即刻上網搵下有咩方法可以通渠，除咗方法(1) 用個手動式泵 (我試咗)。方法(2) 就係用一Ｄ通渠嘅化學濟，如鏹水、哥士的之類，但係我又唔想用化學野喎，因為網上都有人講呢種方法雖然可以通，但係可能會連條去水喉都腐蝕埋。方法(3)就係用一種叫通渠膝嘅野，呢樣野我有時係街都見到有人示範，原理係像呢條彈弓嘅物品塞入條渠到拗返Ｄ積聚物出來，好啦...就決定用呢種，網上面Ｄ人寫話係Ｄ五金鋪到有得買，但係個時都已經係差不多七點重要係星期六，所以要聽日先可以去買。方法(4)就係市面上有一種利用高壓將Ｄ積聚物迫走，但係呢種方法應該係洗手盤唔 Work ，因為個洗手盤有其他唔知係邊嘅通道，要用呢種野就要塞晒所以通道 ! 最後一種方法(5)就係搵通渠師傅整...
係未有呢Ｄ方法前，我就試下可唔可通到先。於是乎就要拆個 U-形去水位通一通啦，好在我洗手盤個U-形去水位就好容易拆嘅，唔係就大工程，用一條膠條通下，篤到條膠條3/4到就篤唔到啦，個位係Ｄ轉彎位，呢Ｄ位最容易積野 ! 我估計應該係Ｄ頭髮之類嘅野塞住，如果唔係點會重可以去到水，但係個Ｄ積聚物一定好多。在無計可施的情況下，我唯有等到聽日買到Ｄ用品先動工啦 !
今朝起身突然忽發奇想，就係試下用吸塵機吸下Ｄ積聚物出來，因為吸塵機個原理同用個泵到差不多，但係吸力就勁好多 ! 試下又無壞嘅，唔得就出街買Ｄ所需用品。好在我屋企部吸塵機就用水做 Filtering ，所以吸水都無問題。因為知道個洗手盤有其他唔知係邊嘅通道，所以吸野嘅工序就係U-形去水位到吸。將個吸塵機喉對準個去水喉，一開機就聽到"啵"一聲，真係吸到Ｄ積嘴物出來呀 ! 勁 ! 俾大家睇下喇 ! 全部都係Ｄ頭髮再加Ｄ類似脂肪或者係油性嘅野，都幾大舊下，唔怪之得可以塞住條喉啦......終於都攪掂 ! 哈哈 ! 最後要用Ｄ玻璃膠封一封個U-形去水位，因為可能Ｄ封膠老化咗，有Ｄ漏水 !
U-形去水位
就係呢舊積聚物啦....都幾核突下
嘩!好勁!咁都給你想得到,效果仲好理想,咁大舊的積聚物,幾恐怖!
回覆刪除[版主回覆03/09/2008 14:22:00]嘻嘻....係呀 ! 真係忽發奇想先至得....不過開頭我都預咗會失敗架 ! 不過最後都攪掂...正 ...但係真係幾核突....
舊野好核突=_=好似發菜
回覆刪除[版主回覆03/09/2008 16:22:00]嘻嘻...其實每個洗手盤都有架 ! 不過佢唔塞嘅時候你係唔會整佢 ! 好彩我唔怕核突咋....唔係連飯都食唔落到似...
舊野好核突..仲影出黎
回覆刪除[版主回覆03/09/2008 20:01:00]嘻嘻~~~唔影下點知原來入面有Ｄ咁嘅野呀
舊嘢超核突,仲要咁近影!!!
回覆刪除我覺得似煲完湯既菜乾!!!
[版主回覆03/10/2008 05:37:00]呵呵~~~咁睇完呢舊野嘅人，以後就無人會食髮菜架啦
救命呀!太核突啦!!
回覆刪除[版主回覆03/10/2008 05:36:00]嘻嘻~~女仔真係會覺得呢舊野非常核突架 !
哈哈, 咁都俾你諗到, 仲搞掂埋, 都真係好犀利~
回覆刪除不過果舊物體真係太核突啦......下次唔好咁close up啦~ 嚇親街坊....haahaa
[版主回覆03/10/2008 13:59:00]嘻嘻...都係諗到就試下，因為都預o左唔得 ! Close up 已經 Delete o左啦...呵呵
你揾我老親咩! 洗手盤有セ可能咁x多頭法, 你洗手定洗頭呀??
回覆刪除[版主回覆12/05/2009 19:06:00]哈哈...緊係有啦...