深水埗，一個男人好鍾意去嘅地方...點解呢..因為有個電腦商場，附近重有條鴨寮街。其實係深水埗都有好多野食，有好多間都幾出名下，好似我家下講呢一間就係其中一間啦 ! 佢就係叫做維記咖啡粉麵，佢最出名嘅就係豬潤牛肉麵，重有就係咖央西多士。佢Ｄ豬潤牛肉麵都幾出色，因為如果有食過豬潤同牛肉嘅人就會知道，豬潤同牛肉要淋同埋吃落要有口感，呢間餐廳整得啱啱好 ! 同埋個湯都好出色，應該係豬潤湯來架 ! 咖央西多士其實都OK，不過比起新加坡嘅就無得比啦 ! 整體都幾好，去行深水埗又見肚餓的話，呢一間都係一個唔錯嘅選擇。
豬潤麵
咖央西多士
咖央西多士．．．．我未食過，好好奇究竟係好唔好食呢？
回覆刪除復活節快樂啊亞 Ｂｅｎ ！ 好多謝你嘅祝福！
[版主回覆03/22/2008 08:53:00]咖央西多士...妳有無去過新加坡到食過呢 ? 其實佢都係好似果醬咁搽咗落去，不過味道都幾好味 ! 嘻嘻~~~大家咁話啦 !
咖央西多士? 係咪呢?
回覆刪除[版主回覆03/22/2008 21:09:00]係呀....嘻嘻..妳有興趣呀 ?
我有去過馬來西亞，但係上次我無過埋去新加坡，因為我唔想旅行去得太走馬看花，所以都係集中啲去一度好。 不過，我都會想搵機會去返轉新加坡嘅！
回覆刪除[版主回覆03/22/2008 21:08:00]嘻嘻....係呀...我都唔鍾意走馬看花..鍾意慢慢玩..咁先有旅遊嘅樂趣呀嗎
咖央西多士,很好味但並非所有茶餐廳也有供應的
回覆刪除[版主回覆03/22/2008 21:07:00]係呀...我都係係呢間到食到...不過有時都見到有Ｄ餐廳有....不過唔多
深水埗，一個男人好鍾意去嘅地方,
回覆刪除我唔係男人,所以唔鐘意去哩!!!
因為我覺o個度好雜呀!!!
[版主回覆03/23/2008 18:42:00]其實我都覺得深水埗幾雜...重驚有人搶野。但係個到有好多野買呢個又真係個喎...其實深水埗好多好野食架 !
女仔自己去有d驚...
回覆刪除[版主回覆03/26/2008 07:05:00]係呀~~~所以要有護花使者去...或者同幾個同伴一齊去 ! 不過近電腦商場個邊無咁雜嘅 !