2012 捷克、奧地利、匈牙利自駕之旅 (9) - Day 5 Český Krumlov (CK) > Salzburg (Austria) 29 Oct 2012

Day 5 Český Krumlov (CK) > Salzburg ( Austria ) 29 Oct 2012

食完嘢，我哋就繼續睇景點，我哋第一個景點就係去霍恩薩爾斯堡城堡 (Hohensalzburg Fortress)，途經卡比第廣場就會見到個圓形球體藝術品，呢個基本上係一個大地標。影下相，我哋就繼續行去纜車站，上呢個霍恩薩爾斯堡城堡 (Hohensalzburg Fortress)，可以行路上去亦都可以搭纜車，我哋當然係搭纜車啦，因為張Salzburg Card係包咗架嗎~~

呢一程纜車都幾快就到，上到去個城堡到，可以睇到Salzburg另外一邊城市個樣，都幾靚。之後，如果要參觀城堡就要Join佢哋個Guide Tour，咁啱我哋去到就有個就快開始~~我哋就Join咗，其實個Guide Tour只不過係有人帶住我哋係個城堡入面行，全程我哋都係聽個機介紹每一個位~~呢個Tour最好睇嘅地方就係係城堡個頂到，可以望晒成個Salzburg市~~查實呢個城堡都無咩咁特別~~

睇完我哋就搭返纜車落去啦，順便睇埋個大教堂同埋莫札特廣場，但係呢，個D噴水池全部都用嘢遮住咗，唔知係唔係因為D雪嘅關係呢 ?之後我哋就路經莫札特出世處，呢個景點係要俾入場費架，但係張Card包咗架嗎~~我哋就諗住聽日先至睇 ! 然後我哋就去修士山到睇啦，去修士山就要係Getreidegasse向西邊山腳行到尾，然後就搭修士山電梯 (Mönchsberg Lift)，就可以上到去，呢架Lift又係要俾錢，不過張咭又係包咗，係上面有間餐廳M32都幾出名，可以係呢間餐廳到食嘢睇日落。我哋去到個日係無開門嘅，不過呢個又係另外一個高位可以俯視晒個Salzburg市嘅~~真係幾正~~

之後我哋就返過去對面岸(講到好似好遠咁~)，睇呢個莫扎特故居，呢間故居張咭又係包咗嘅，我哋又入去睇下啦，查實如如果你係熱愛呢個古典音樂的話，你會係到逗留好耐，因為入面有好多關於莫扎特嘅嘢同埋可以聽下佢嘅作品~~

之後我哋就去埋呢個米拉貝花園 (Mirabellgarden)影下相，今日嘅行程就係咁多啦，睇完呢個我哋就去Supermarket到買咗D雞翼同埋賜仔返去Apartment到整來食~~然後就休息啦~~


莫扎特廣場

呢一個金球已經係呢到嘅地標

咁大嘅棋真係有人會玩架

遠望城堡

行去搭纜車上城堡

纜車站

城堡內

等緊Guide Tour

Salzburg市中心

大教堂

莫扎特像

修士山望落去Salzburg市中心

米貝拉花園

自製晚餐