2012 捷克、奧地利、匈牙利自駕之旅 (13) - Day 6 Salzburg > Hallstatt 31 Oct 2012

Day 7 
Salzburg > Hallstatt > Landhaus Osborne (Obertraun) 31 Oct 2012
行到去個Information Center 又有得免費Wifi喎，於是就係入面Hae下上下網先，因為其實出面都幾凍。休息完有繼續行啦，順便睇下有無咩餐廳有嘢食，不過我哋就覺得越行越凍啦，唔知係唔係肚餓呢，所以我哋就行去雞佬到食返隻燒雞餐先，個餐有一隻燒雞同埋有一碟薯條嘅，話時話隻燒雞又真係幾好食個喎~~不過今日咁凍，我哋係路邊到食，隻雞好快就凍咗啦~~食完就同亞雞佬影返張相先 !!

之後我哋就去超市，但係去到就閂咗門，原來要15:00先至再開返門。於是乎，我哋就去今晚住宿Landhaus Osborne個到啦，佢就話16:00先有人，咁我哋又無咩做，就去睇一睇有無人係到啦，點知真係無人喎~~

然後我哋就周圍蕩下睇下有咩睇，睇睇下就到咗15:00，係我哋住宿附近其實都有一間超市，又係15:00先至開門喎，咁我哋就去睇咗呢一間先啦。入面又無咩嘢買，之後就去埋Hallstatt個間到睇下有無嘢買喇，同先前睇個一間差不多。之後我哋就返去住宿到，係途中路經一個位置，見幾靚就落去影下相啦~~返到去住宿個到終於有人係到啦，我哋今日又係住頂樓 Penthouse ，會住兩日，呢一間房都幾靚個喎~~不過搬行李上去就比較辛苦D喇，無咩力嘅我諗都幾難搬到上去呀~~

呢一間Apartment，入面嘅設備都幾齊全，尤其係廚房個到，咩都有~~搬晒D嘢上來，我哋就係呢到Hae咗一陣先，之後就出去食返個晚餐先。之前就問咗館主附近有咩好食，佢介紹咗一間係另外一個方向嘅餐廳俾我哋。於是我哋就去睇下啦，呢一間嘅餐廳價錢都幾貴，重要無咩啱我哋食添~~然後我哋就去返Hallstatt到睇下有無咩食，本來上係市中心入面一間酒店嘅餐廳到食嘅，但係呢，無位泊車喎~如果泊係路口，行入去到幾耐下，出面又凍好似唔係咁理想。之後我哋就去咗一間食Pizza 嘅食店，呢一間有得泊車嘅，我哋叫咗一個Pizza同埋一個意大利粉食，重叫咗一杯啤酒添，個Pizza又幾好食喎，但係碟意粉就有D咸咗少少啦~~食完，我哋就返去Apartment 到休息啦，呢一間Apartment，如果好天的話，應該會睇到星星…

  

其實係好靚~~不過係相到睇唔到

雞佬

燒雞套餐

Parking 收費

去Apartment途經一個地方，又係好靚

Apartment養嘅肥貓

呢一間就係我哋間房

不過條樓梯好窄

飯廳

有個天窗..

廚房用具好齊

是日晚餐

Pizza & 意粉