今次揸呢一架車真係幾大下，重要係揸左軚，所以真係要揸慢少少來適應一下 !! 一開始當然係要 Set 返我哋個目的地先啦，因為都差不多成一點鐘，係網上面搵過Ｄ資料如果由機場去我哋住宿嘅谷關要成三個鐘嘅車程，再加埋要慢行少少，所以我哋就要直接由機場去啦。因為第一次用呢個 GPS ，當然係要租車俾我哋個哥哥仔教一教點用啦。原來係可以手寫輸入個喎，又真係幾方便喎 !! 好啦，攪掂好Ｄ嘢就要係個停車場到出發喇，但係唔知點解放個銀仔入去係都出唔到，原來係過咗時間 !! 好~~一路行都幾好，無咩特別，行行下就見到有個收費亭，諗住俾$1000佢找下Ｄ碎錢，點知個個收費俾咗一疊代用卷我哋，有10張每張$40 ，而台灣嘅高速公路收費每次係$40。 架車都幾好揸 !! 就係呢Ｄ回數票證啦..... 揸咗大約個半鐘到就到咗豐原市，有團友話要去釋放一下一Ｄ水份，咁啱又見到有間 7 仔係路口，於是就試下睇下會唔會好似日本Ｄ便利店咁有廁所提供嘅呢 !! 原來都真係有個喎，大家就買下嘢放下嘢咁，我就係呢到買咗本旅遊書，因為當地買嘅旅遊書嘅資料係香港無嘅，重要有幾多嘅選擇下添呀 !! 係高速公路落來去谷關嘅路，睇下路邊幾多花 個GPS叫我左轉繼續行程 7-Eleven 呢本就係個本書喇....都幾好用啦 買完嘢就繼續我哋嘅行程，呢一段路係係山邊行，比較行得慢Ｄ，行行下見到有條吊橋，於是就落車去影下相啦~~原來呢條橋只可以同時間行得兩個人，但係我哋見到有成三個人啱啱行過，都唔知危唔危險嘅，所以我哋都係係橋邊到影下相咁，呢一條橋唔係叫做巴別橋，係叫做白鹿橋 !! 我哋其實係東勢鎮到架啦... 條橋都真係幾窄下 見唔見都我校面有人重係條橋到行緊呢 睇到個警告嗎 ? 只可以行兩個人咋....你哋信唔信呢 ? 呢架就真陪伴咗我哋五日嘅車啦... 條橋下面就係呢Ｄ成大堆碎石嘅河啦....會唔會係大雨嘅時候成條河都係水呢 ? 
2010/04/10
2010 台中自駕之旅 Day 1 (2)
訂閱：
發佈留言 (Atom)
我地係咪渣同一款車呢~~
回覆刪除[版主回覆04/11/2010 09:42:00]我呢架係九人車...妳哋個架係四人車...唔同唔同...
你地係唔係九個人坐這一架九人車呀？
回覆刪除咁架車咪好大囉！
D行李放得下咩？
有無照片可以睇到架九人車既內部呀？因為明年我都可能要租存大車玩呀？
我次次都幫襯格上，明年可能要幫襯你這一間公司啦！
[版主回覆04/11/2010 17:27:00]我哋坐咗八個人，第九個人要坐係司機隔離，即係有三排三個人....坐八個人非常之舒服唔迫，應該可以放到大行李，因為個車尾位到幾大 !!
係喎...問過我先睇過原來我無影過架車入面個喎...
That car so trendy!!
回覆刪除[版主回覆04/13/2010 05:40:00]嘻嘻...呢一架車都幾好揸架 !! 好似係今年新出架
左軚車係咪揸唔慣呀?
回覆刪除[版主回覆04/30/2010 04:50:00]如果係高速公路就唔覺有Ｄ咩嘢，但係一行Ｄ小路就會不自覺揸返右軚嘅方向.....