食完拉麵我哋就去到睇風景，但係一路去都重係落緊雨，唯有繼續旅途啦。我哋首先去咗五色沼個觀光中心到睇Ｄ資料，之後就揸車去個停車場到行入去睇，我哋去到毘沙門沼嘅時候當然要搵返個有利位置到泊車，去都有已經好多旅行團係到，雨勢都未有減弱嘅跡象，我哋行咗大約十分鐘就要折返啦，因為落雨Ｄ路真係唔係咁好行同埋又影唔到相喎，原先諗住呢個景點可以睇好耐架。好在係呢到又有個買嘢嘅地方，可以試下Ｄ嘢食同埋飲下嘢。然後我哋就去柳沼到睇下，去到睇一睇同毘沙門沼差好遠，求其影幅相就去另外一個景點喇，就係会津若松裏磐梯吊車，但係我哋去到嘅時候，佢哋就收咗工啦，所以我哋無得搭添，不過其實附近嘅地方都枯黃晒 !!
去到嘅時候都重落雨呀....
唔落雨係咪會有五種色嘅呢 ??
落雨濕濕..入去買下嘢先
柳沼
影下我哋架戰車先，係咪好型仔呢
其實Ｄ樹又黃又紅都幾靚架
之後我哋就要驅車去我哋今晚嘅住宿地方，就係東横イン米沢駅前，我哋去到都成五點幾，但係我哋去嘅路段就係行2號國道，條路到幾多灣重要好大霧下添呀。Check in 完上房到放低咗Ｄ嘢之後就要出去搵食喇，我哋沿途來嘅時候都已經留意下有無咩可以食，但係好似無咩食咁 !! 係呢個米沢我哋當然係要搵食米沢牛喇，搵咗都幾耐下有Ｄ成兩千幾蚊日元一個米沢牛Set，有個要成五千幾添呀。最後我哋就去咗近米沢站附近嘅一間食店到開餐。我哋當然係要叫呢個米沢牛食喇，米沢牛口感就軟淋淋好有牛味。食完嘢就要返酒店到洗衫，希望聽日唔好落雨啦.....
沿途Ｄ風景都幾靚
去到個吊車站就收工囉...
戰車...2247
九曲十三彎嘅旅程開始啦...
大家睇唔睇到呀...好多彎呀...
見唔見到有隻嘢飛奔而過呀...係狒狒來架
開餐啦....開餐啦....
睇下幾豐富，係米沢牛來架...
食店外貌...有得泊車
對面就係米沢站喇...
東橫Inn一貫嘅 Setting...
資料:
食店資料:
名稱 : 会津喜多方蔵々亭
地址 : 福島県喜多方市字北町2906
Tel. : 0241-23-0606（蔵々亭）
URL : http://www.kurakuratei.co.jp
名稱 : 食房 杵
地址 : 山形県米沢市東３−１−１
Tel. : 0238-26-8158
沒有留言:
發佈留言
來到留返句說話先走啦...