~~~活在當夏~~~: 2017 北歐自駕之旅Day 8 4/11/2017 Saturday 成日落雨的Bergen

2017/12/17

2017 北歐自駕之旅Day 8 4/11/2017 Saturday 成日落雨的Bergen

斯塔萬格 Stavanger > 貝根 Bergen Route

Fantoft Stave Church(番托夫木板教堂) Fantoftvegen 38, 5072 Bergen, 挪威 60.339317, 5.353276

Bergen市內觀光

Fjellskål Fisketorget AS > 布呂根 Bryggen > 貝根聖瑪麗教堂 Mariakirken > Bergenhus Fortress Museum (Bergenhus Festningsmuseum) > 布呂根博物館 Bryggens Museum - Bymuseet i Bergen

今日我哋又要早起身，早D出發去下一個景點Bergen，朝早食完呢個自製早餐之後，係大概6點就出發，因為我哋要趕去搭一班0630嘅船。去到未夠0630，但係就有車係到排晒隊，諗住應該就快可以上船。但係過咗0630都無動靜，再上網搵返D船期。原來星期六嘅船期係同星期一至五有分別，下一班船原來係0700~~~咁我哋唯有等啦，其實去呢個Bergen重有另一條路，不過個到係會行山路，11月好大機會會落雪同埋封路，所以我哋都係行呢一條路去Bergen。呢一程路，係要搭兩次汽車渡輪嘅，下一個位嘅我哋都唔趕，去到都係等船。10點幾我哋就到咗今日嘅第一個景點Fantoft Stave Church，係挪威有幾個呢一類嘅木板教堂，呢一個係其中一個。不過呢個木板教堂只會係3~9月先開放俾人參觀，不過就算有開，我哋都未必會入去睇。睇完，我哋就向Bergen市進發，天氣都唔係幾好。

我哋11點幾就到咗今晚住嘅酒店，又去睇下有無得Checkin先啦，又可以喎。呢一間酒店有幾個車位，不過已經俾人Book晒，對面有一個停車場，泊24小時要NOR$250，都叫做可以接受，於是乎我哋就將架戰車泊咗係對面個停車場。上咗房到休息咗一陣就出去行下兼搵地方食Lunch。出去嘅時候已經開始落雨，重要幾大下添，個職員重問我哋有無傘添，都幾好服務，又話Bergen呢到成日都會落雨。

之後就去咗魚市場 Fjellskål Fisketorget AS都睇下有無嘢食，有就有但係都幾貴，同埋唔知點叫喎。行行下有個職員同我哋講國語，睇到呢一到應該有好多講國語嘅遊客來。睇唔啱，我哋就繼續一路行一路睇下有咩食，雨就繼續落。呢到有一個商場，我哋就入去睇下有無嘢食，係無嘅~~~

最後我哋就去咗食Burger King，D餐同McDonald差不多。食完就去咗睇呢個布呂根 Bryggen到睇下影下相，不過個天氣唔係幾好，影完就返去酒店到休息下先。之後，我哋就去睇呢個貝根聖瑪麗教堂 Mariakirken，影完相用Google Map睇到附近有個叫Bergenhus Fortress Museum (Bergenhus Festningsmuseum)嘅博物館，我哋就入去睇下，重要係免費，we like it~~~呢個博物館主要係講第二次世界大戰嘅嘢。睇完我哋就順道去睇呢個布呂根博物館 Bryggens Museum，不過去到已經休息。咁我哋就去參觀呢個布呂根 Bryggen，呢個布呂根 Bryggen都幾特別，如果好天就正，可以有排影。呢個布呂根 Bryggen有部份嘅屋已經改建為商店。之後，我哋就返去酒店附近睇下有無嘢食，不過行咗一個圈都見唔到啱心水，其實間酒店附近都幾多食店，有食牛扒嘅又有食日式鐵板燒，不過日式鐵板燒個價錢都幾貴~~~最後，我哋就係返去酒店食杯麵同生果~~~聽日嘅早餐就係0700先有得食，所以我哋唔洗早起身~~

布呂根碼頭， Bryggen (60.397578, 5.324542)

魚市， Fjellskål Fisketorget AS (60.394902, 5.323444)

貝根聖瑪麗教堂， Mariakirken (60.398917, 5.323314)

Fantoft Stave Church(番托夫木板教堂) Fantoftvegen 38, 5072 Bergen, 挪威 60.339317, 5.353276

住:

Thon Hotel Rosenkrantz Bergen Tel.: +47 55 30 14 00

Rosenkrantzgate 7 5003 Bergen Norway

GPS: N 060° 23.823, E 05° 19.526 60.3970440756896, 5.32543614506721

自製早餐今朝有生果食