2014 冰島自駕之旅 Day 12 6/11/2014 (星期四)(14)

2014 冰島自駕之旅 Day 12 6/11/2014 (星期四)

Reykjavik > Solfar / The Sun Voyvager >  The Bridge Between Two Continents > Blue Lagoon Spa > Svitan Guesthouse

今日我哋就會離開雷市，不過今朝要做咗 Online Chekin 先，計返我哋要大概9:30之後先至可以 Checkin到。不過最後只可以 Checkin到由芬蘭返香港個一程，由冰島去芬蘭個一程就唔得，不過唔理咁多啦，攪掂咗最長個一程就算。我哋食完個美味早餐之後，就等 Checkin ，Checkin完就走人~~~第一個景點就係維京人船骨架，其實都係一個擺設，之後就離開雷市，向 Keflavik 出發。

今朝有煙三文魚食

維京人船骨架

架車都幾哪渣

揸咗大概1個鐘車到就到咗 The Bridge Between Two Continents ，即係歐洲同北美嘅板塊。呢到未落車都已經感受到好大風，我哋就快快行去睇下先，之後都係影下相，影完就走 !! 大風同落雨有時都幾無癮，因為你會好想快D走~~~

又落雨

$500kr 冰島幣

之後就去今日嘅大景點， Blue Lagoon Spa !!

我哋未到十二點就去到，見到有好多旅遊車停咗係到，重不停咁車D 人來添~~我哋就車到食咗D嘢食，之後就入去 !! 入到去要排隊喎，不過都係排咗一陣啫。然後我哋就換衫喇，影咗幾張相先去浸。呢到有得免費敷Mask ，我哋當然係無蝕底啦 !! 浸浸下又去攞相機影下相，呢個 Blue Lagoon 果然係比米湖個個多人好多~~~設備呢，其實就唔係咁大分別。係呢個 Blue Lagoon重見多好多亞洲，香港人都見到唔少~~~我哋又試過乾蒸又試過濕蒸，咩都試下，浸到差不多3點先走人~~~

之後就係入面影下相先走人，然後我哋就去住宿到 Checkin 喇，大概4點到啦。咁我哋就去咗超市先，睇下有咩買，最後買咗D啤酒~~~去到住宿，館主講完我哋早餐就點食之後，我哋就放好晒D嘢先。之後就出去行下，行行下見到遠處有D紅同綠嘅光。咁我哋就驅車去搵，不過搵唔到 !! 然後就搵架車係呢個鎮入面兜下，都幾多嘢買個喎 !!

呢個油站，我哋第一日來都係係呢到買嘢，本來上去洗車，但係D水喉係無水嘅

我哋去到個時得我哋架咋~~後來來多見到重有兩間房有人入住

呢到得一間房有浴室

自助食早餐區

雪櫃咩都可以食

之後就返去整晚餐，又係食福麵，因為聽朝有早餐供應。食完我哋等下，然後就出去等下睇下有無極光，本來今朝Check 個時個極光指數好高架，天氣重要幾好個喎，諗住今晚又有得影添~~點知到咗夜晚，極光指數去到0…天氣又變得厚雲，不過都出去試試啦~~~最後都係影唔到~~~之後就返去沖涼瞓覺….

相中間有D紅又有D綠嘅光.....最後搵唔到係咩，不過都好有機會係彩虹

好多雲....