~~~活在當夏~~~: 2014

2014/12/19

2014 冰島自駕之旅 (16) 資料篇景點地圖

景點地圖

2014/12/17

2014 冰島自駕之旅 Day 13 & 14 7 & 8/11/2014 (星期五及六)(15)

2014 冰島自駕之旅 Day 13 & 14 7 & 8/11/2014 (星期五及六)

Keflavík > Blue Car Rental > Keflavík International Airport > Helsinki, Fainland > Hong Kong

今朝兩點鐘就醒咗，見到唔可瞓得幾耐，就起身啦，出面成晚都好大風。之後就越行李，因為今朝我哋要5點鐘就去還車。整好晒D嘢就係住宿到食埋早餐先，呢到D早餐其實都幾豐富，可以自己煎蛋食添呀。

我哋未夠5點就去到租車公司，點知佢哋重未有人，又唔記得早一日寫 Email 話佢知我哋會早還車添，好在佢門口有個電話。於是就打去搵佢，響咗好耐先有人聽。佢就話已經有人返緊去，咁我哋見重未有人，咁就車咗D行李去咗對面個機場到先。好在車咗咋，機場呢到都唔知點解咁大風嘅~~~後尾返到去就見到有人，還車過程都幾快。之後我就行去機場匯合團友啦，之後就去 Checkin 啦，寄埋D行李就入去等。係入面行咗都幾耐，點知行行下就發覺見風褸唔見咗，應該係留咗係車到。個時係大概6點到，重有成個鐘先上機，於是就打電話去想叫租車公司去搵下，點知無人聽嘅~~~見重有時間同埋又唔係好遠，咁我就出返租車公司到搵。好快就跑到去，最後都搵到，又要極速狂奔返去機場，出境個安檢又好多人，不過最後6:30到都返到去!!

之後就搭到去芬蘭等轉機，今次我哋無打算出去，同埋個天氣都唔好~~不過要係機場到等十個鐘都幾痛苦，我哋成個機場到行埋，入面又無咩睇，食嘢嘅店舖又唔係多。我哋最後係食咗個熱狗餐。等咗好耐終於可以上機，上到去又可以瞓覺喇，因為芬蘭航空係無嘢睇嘅…食埋個晚餐就大覺瞓 !! 大概15:30就返到香港~~~冰島之旅就完成咗啦….

冰島朱高力，開頭覺得幾難食，後來發覺喉嚨痛食係幾好個喎...

2014 冰島自駕之旅 Day 12 6/11/2014 (星期四)(14)

2014 冰島自駕之旅 Day 12 6/11/2014 (星期四)

Reykjavik > Solfar / The Sun Voyvager > The Bridge Between Two Continents > Blue Lagoon Spa > Svitan Guesthouse

今日我哋就會離開雷市，不過今朝要做咗 Online Chekin 先，計返我哋要大概9:30之後先至可以 Checkin到。不過最後只可以 Checkin到由芬蘭返香港個一程，由冰島去芬蘭個一程就唔得，不過唔理咁多啦，攪掂咗最長個一程就算。我哋食完個美味早餐之後，就等 Checkin ，Checkin完就走人~~~第一個景點就係維京人船骨架，其實都係一個擺設，之後就離開雷市，向 Keflavik 出發。

今朝有煙三文魚食

維京人船骨架

架車都幾哪渣

揸咗大概1個鐘車到就到咗 The Bridge Between Two Continents ，即係歐洲同北美嘅板塊。呢到未落車都已經感受到好大風，我哋就快快行去睇下先，之後都係影下相，影完就走 !! 大風同落雨有時都幾無癮，因為你會好想快D走~~~

又落雨

$500kr 冰島幣

之後就去今日嘅大景點， Blue Lagoon Spa !!

我哋未到十二點就去到，見到有好多旅遊車停咗係到，重不停咁車D 人來添~~我哋就車到食咗D嘢食，之後就入去 !! 入到去要排隊喎，不過都係排咗一陣啫。然後我哋就換衫喇，影咗幾張相先去浸。呢到有得免費敷Mask ，我哋當然係無蝕底啦 !! 浸浸下又去攞相機影下相，呢個 Blue Lagoon 果然係比米湖個個多人好多~~~設備呢，其實就唔係咁大分別。係呢個 Blue Lagoon重見多好多亞洲，香港人都見到唔少~~~我哋又試過乾蒸又試過濕蒸，咩都試下，浸到差不多3點先走人~~~

之後就係入面影下相先走人，然後我哋就去住宿到 Checkin 喇，大概4點到啦。咁我哋就去咗超市先，睇下有咩買，最後買咗D啤酒~~~去到住宿，館主講完我哋早餐就點食之後，我哋就放好晒D嘢先。之後就出去行下，行行下見到遠處有D紅同綠嘅光。咁我哋就驅車去搵，不過搵唔到 !! 然後就搵架車係呢個鎮入面兜下，都幾多嘢買個喎 !!

呢個油站，我哋第一日來都係係呢到買嘢，本來上去洗車，但係D水喉係無水嘅