2012 巴爾幹半島自駕之旅 Day 16 (15)

今日係行程嘅最後一日，想適應返時差所以早咗Ｄ起身
今日都係無行程，不過可以 Late Check out 到十二點，
架車就要兩點半先還，咁即係我哋有成兩個幾鐘係出面
原先諗住去附近嘅一個城鎮 Cavtat 睇下用下Ｄ時間，
呀~~個 Apartment 個 owner 朝早又同我哋講個客成下午五、六點先會到
所以可以俾我哋留到成兩點都無問題~~~~

咦~~行程有變啦，原先諗住整好Ｄ腸仔同雞腎做Lunch
家下就變咗我哋嘅 Dinner 啦...

來咗咁多日都無係 Dubrovnik 到食過嘢，
好，今日就係去面到食個 Lunch 啦...

搵咗幾間，最後揀咗一間係露天廣場附近嘅..
叫咗個墨汁意大利飯同白汁蝦意大利飯
嘩~~個
墨汁意大利飯原來真係好咸，佢哋Ｄ口味真係好重下
之前係第二區到食過，以為係個廚輸咗馬落多咗鹽，
原來唔係....係呢到煮比較重口味
而個
白汁蝦意大利飯都好濃味
你話呢到唔飲Beer 點得呀....

重叫咗個 Dubrovnik Style 燉蛋...俾佢個名坤咗
以為係咩特別甜品添，原來只係將個
燉蛋雪凍咗咁大把...
味道就一般囉..

之後就返 Apartment 到 Hae 多一陣，大約差不多兩點就去機場
唔洗十五分鐘就到，租車公司 Check 完架車就走得

入到機場唱返Ｄ Kuna 做 EURO ，呢個機場個 Rate 唔係浮動無咁好
之後就係入面等上機

入面間 Duty Free 買 Loccitane 平過出面好多呀...

去到 Munich 重有兩個幾鐘先搭機返香港
又係上下網過下日神

Ｄ腸仔同埋雞腎都順利由 Dubrovnik 帶到去 Munich
做埋我哋 Dinner...

21/4/2012 around 15:35 返到香港，呢個巴爾幹半島自駕之旅就完成了....

成個 Trip ，係克羅地亞嘅其他三個國家都係落雨~~~
係
克羅地亞去大景點都係好天，所以都唔錯啦...

成個 Trip 最印象深刻就係係波黑嘅 Sarajevo 啦...戰爭真係好可怕，重要發生係我哋活在嘅時代
希望世界和平啦...