原先本來係行另外一條路徑去黑山，會經過佢哋個首都...但係因為問過兩個人都話行經Mostar個邊會好行Ｄ，所以就無行個邊...
好在揀咗行經Mostar，因為成程都落好大雨，之前入波黑都係行呢段路，幾好行...
如果行個邊，個GPS無神神又帶我哋行山路，再加埋Ｄ咁嘅天氣就真係好麻煩...
今日總共過咗4次關...由波黑去克羅地亞、
克羅地亞去波黑、
波黑去克羅地亞同
克羅地亞去黑山...
去到黑山點幾鐘，搵咗住宿..但係間房未準備好...
我哋就唯有出去睇下Ｄ景點同搵地方食嘢，呢到搵唔到地方食嘢，咁我哋就要食包啦.
去咗睇個SV.Stefan 小島，我哋都係遠距離觀看，因為個住宿個主人都係咁介紹
然後就去咗Budva古城睇下..
之後就返住宿整晚餐，呢次呢間住宿唔係好得，Ｄ設備全部有問題...
聽日就返去
克羅地亞 Dubrovnik 啦...
幾靚呀!
回覆刪除[版主回覆04/18/2012 02:41:01]落雨睇又有另外一翻景像
我都仲諗緊去吾去黑山，因為我呢part吾租車啦！不過local tour 吾平呢！
回覆刪除[版主回覆04/18/2012 13:27:18]應該唔平，但係妳可以來到先決定，因為黑山應該旅行區，我見旅行巴出現嘅次數係呢個Trip最多嘅地方...
[Mabel回覆04/18/2012 12:47:00]唔止唔平, 係貴到嘔. 網上睇貴d, 去到join 平d
見到D屋連住個海就聯想起海潚...有D怕怕!
回覆刪除[版主回覆04/23/2012 08:56:33]嘩哈哈~~如果係藍天白雲妳就唔會有咁嘅想法架啦...