今日嘅行程就係行漢拏山...有旅遊書寫無行過漢拏山就等於無去過濟州....所以我哋就去行下啦....我哋係行由御木里開始，全長4.7km...需時來回4個鐘，原來都好甘，所以我哋無行晒 ! 之後就諗住去睇城邑古村，行行下見到有條路成條都係櫻花，原來係漢拏山樹木園，好鬼死靚呀......Ｄ櫻花飛落來好正呀....係去嘅途中見都係濟州政府附近有一大片油菜花田，我哋咪揸去睇下囉。附近重有好多露天攤檔，我哋影完花田重去Ｄ攤檔到食嘢添~~~之後就去咗萬丈窟...最後係LotteMart到食dinner...
好靚呀~~
回覆刪除[版主回覆04/11/2009 16:35:00]嘻嘻....妳都快Ｄ整轉韓國喇...
真係好鬼靚呀!
回覆刪除無行過漢拏山就等於無去過濟州??? ......... 我上次無去潻
[版主回覆04/11/2009 16:34:00]呢個漢拏山真係好甘...比香港個Ｄ難行，但係Ｄ亞朱媽行得好快架....
My blog 換上復活節新裝啦! 過來睇下!
回覆刪除Happy Easter Holiday!
[版主回覆04/11/2009 16:33:00]Happy Easter Holidays !!
D櫻花好靚呀！如果我唔係搞錯咗個日期，而家已經同朋友喺韓國睇櫻花同勁買喇......
回覆刪除[版主回覆04/14/2009 06:50:00]哈哈~~~係首爾Ｄ櫻花都開始落喇....不過真係幾靚，但係就勁多人 ! 嘩~~~講開買嘢呀~~家下重驚緊會過鎊，因為實在係好抵呢....女性會不停咁買~~~~
好靚
回覆刪除謝謝分享
[版主回覆04/14/2009 22:14:00]嘻嘻~~~唔洗客氣...得閒來睇下喇...會慢慢Update
我朋友打電話番嚟，興奮到呢，話喺首爾已經用晒D won，要去換won再買過......
回覆刪除[版主回覆04/14/2009 22:14:00]係呀~~~一買就停唔到手....我唱去用個Ｄ都用晒...全部碌咭...咦~~~樂天Duty Free做緊Promotion喎...用Platium Visa咭有15% off...機場呢有Ｄ就係Visa 10% off...Master 呢...都係5-10% off..如果買雪花秀呢....樂天就抵Ｄ...
要行4粒鐘
回覆刪除[版主回覆04/14/2009 22:10:00]係呀~~~簡直就係做晒成個月嘅運動咁呀
超好天喎!
回覆刪除[版主回覆04/14/2009 22:11:00]係呀~~~今日走嘅時候先開始陰天...真係正
睇櫻花, 咪唔一定要去日本逼囉!!
回覆刪除[版主回覆04/14/2009 22:10:00]都唔係呀~~~唔知係唔係韓圜平咗，係首爾同埋其他睇櫻花嘅地方都有唔少人呀 !!
今次又自駕遊?
回覆刪除[版主回覆04/15/2009 15:02:00]係呀~~~遲下講下係韓國揸車Ｄ嘢同大家分享下...都幾特別，因為第一次揸右軚車
濟州is the pop place for Korean honeymoon!
回覆刪除[版主回覆04/15/2009 19:03:00]yes...真係好多韓國人啱啱結咗婚就會去濟州渡蜜月
我就係做咗功課，叫佢幫我喺樂天duty free掃貨囉，哈哈，佢已經任務完成喇 !
回覆刪除哈哈~~~唔記得有樣嘢話妳知就係要用韓圜結帳就更加底喇
回覆刪除漢拏山我哋都有行 (靈室那段, 應該是最 easy 那段)..不過因為太凍, 同埋條路太斜.. 所以中途我哋已經番轉頭...
回覆刪除萬丈窟我哋都有去... 裡面 "黑嗎嗎".. 真係唔多睇到嘢~
[版主回覆04/16/2009 23:49:00]本來我都想行靈室個一段，不過睇資料話雖然係最短一段但係就山勢險峻~~~同埋話通常係選擇落山行，所以最後我都係揀行御木里呢一段囉，其實我都重可以上架，不過團友已經頂唔緊~~~所以就折返囉 ! 同埋又真係接近頂就越來越凍~~~又大風~~~但係Ｄ亞豬媽對腳重好似裝咗嘢，係咁上...佢哋真係好勁
係囉~~~個萬丈洞黑嗎嗎真係無嘢睇，要知道佢點來就會好Ｄ...