2009 韓國自駕之旅 - Day 3 不知名彿塔 & 萬丈窟

好啦~~~終於都講到萬丈窟喇.....但係其實...No...No.....

係去萬丈窟嘅旅程都去咗兩個另外嘅景點 ! 呢個景點係揸揸下車就老遠嘅地方就見到一座塔，非常之金碧輝煌。於是乎係路過嘅時候就順道入去參觀下喇，其實呢一座係彿塔來嘅，但係就唔知做咩個喎....睇睇下又有Ｄ似擺骨灰嘅地方，所以行咗一個圈我哋就走喇....

依住個攪鬼GPS到達咗萬丈窟就停架車係停車場喇喎...去到嘅時候有好多旅遊巴泊晒係到，應該係旅遊景點，所以先咁多人.....Ｄ團友因為坐咗車一段時間，要去釋放Ｄ嘢出來。於是我就係呢段時間去睇下點樣買入場卷先，點知行埋去見到好似有Ｄ唔對路喎 ! 好似係一個似係迷宮多Ｄ喎...因為我搵資料時睇過下有個叫"金寧迷路公園"係附近個喎 ! 行埋去售票處睇真Ｄ....咦~~~~真係喎....但係呢...我哋無興趣玩喎 ! 於是各團友釋放完嘢之後就繼續前往萬丈窟，呢次要人肉GPS出動先得，我睇路牌係一路直行就會到架喇....行多大約幾分鐘路程就真係到咗萬丈窟....

呢個萬丈窟資料話係由地下嘅火山熔岩溜過而形成嘅一條地下通道...通道嘅沒段就有一個由熔岩形成嘅嘢係到~~~其實呢個景點都無咩睇，一條黑漆漆嘅地下通道，同埋不時都有Ｄ水滴落來，Ｄ路都要做好行，但係都要好小心咁行先得。重有你要對Ｄ地理呀~~熔岩呀~~~好有興趣可能會睇得有興趣Ｄ。係我哋睇呢條地下通道嘅時候，都有好多日本遊客來睇，有Ｄ重著埋高跟鞋入去添呀~~~

走嘅時候我哋重係入面間超市到買咗Ｄ甜筒食添呀~~~好好味嘅呢...

嗱~~~呢個就係個不知名嘅彿塔，外邊睇落去都幾靚仔架.... (呀~~一講個塔就諗起一個叫阿塔嘅人添~~~)

呵呵~~~近睇~~~咦~~~有Ｄ似放一Ｄ嘢嘅地方喎....

幾經艱苦先到咗呢個萬丈窟呀，係個窟嘅盡頭就係會有呢一舊嘢係到架喇...

窟嘅入口.....

入面黑麻麻架...

成段路來回到有成2,000m架...

佢哋每一個位置都會解釋呢一件岩石係點形成架....

入面有一舊岩石佢哋話係一隻龜...睇落都有Ｄ似嘅，有語音解釋架...

行上呢條木梯就到盡頭架喇...

呢到就係岩石溜出來嘅開始喇...

睇完~~~~





景點資料 : (資料轉自韓國觀光社)

萬丈窟
* 地址
濟州道濟州市舊左邑東金寧里山 7-1
* 簡介
萬丈窟是世界上最長的熔岩洞，被指定爲自然保護區。所謂熔岩洞是指火山噴發時深藏在地底下的熔岩從火山口噴涌而出，流向地表後形成的洞。萬丈窟有長達70公分的熔岩石笋、熔岩管狀隧道等典型熔岩洞所具有的各種形態。 萬丈窟長13422米，其中向遊客開放是的約1公里長的洞區，裡面有石柱。洞內一年四季保持11－21℃的溫度，令人感到十分舒適、爽快。這裏還栖息著蝙蝠等珍貴生物，具有很高的學術價值。萬丈窟內的石柱和鐘乳石蔚爲壯觀，並向同一方向雙重、三重發展，呈現出熔岩洞的地形特點。其中石龜的形狀頗似濟州島，經常引得遊客們仔細端詳。
* 當地交通訊息
*從首爾到濟州道的方法 1.金浦機場(地鐵5號線金浦機場站)，搭乘國內班機前往濟州國際機場。 2.仁川國際機場搭乘機場巴士，前往金浦機場 → 搭乘國內班機前往濟州國際機場。 機場巴士資訊：http://www.airport.or.kr / +82-1577-2600(韓英日中) *從濟州道出發 1. 在濟州郊區汽車總站乘坐至東環線郊區公車至萬丈窟入口處下車，需40分鐘。 2. 在濟州島西歸浦長途公車站乘坐東回線至萬丈窟入口下車.(約需 1個半小時) 3. 從萬丈窟入口到停車場有往返公車運行(間隔有1小時發車), 從萬丈窟入口至萬丈窟步行約需30分鐘,乘坐計程車約需3分鐘。
* 詳細資訊
1.旅遊諮詢熱線 :+82-64-1330(韓英日中) 2.開放時間： * 夏季：9:00~18:00 * 冬季：9:00~17:30 3.公休日：無 4.網站:http://cyber.jeju.go.kr/(韓英日中) 5.門票： 成人:2000韓元/ 青少年、軍警、兒童:1000韓元 * 30人以上團體一律600韓元 * 敬老、國家有功者、殘障人士免費