4/4/2009 00:20 係香港出發去韓國仁川機場(通常都搭呢一班，因為可以直接玩落去呢)，去到仁川機場比實際時間早咗成半個鐘有多，先前重擔心緊唔夠時間去轉機去金浦機場搭飛機去濟州添~~好在有咁多時間，係網上面都搵咗唔少資料係點由仁川機場去金浦機場，有搭巴士同埋 Arex ，咁我哋就選擇咗搭 Arex ，基本個程序係咁
搭 Arex 機場鐵路
海關入境 --> 去行李帶攞行李 (係攞行李附近有得唱錢) --> 攞埋行李過關 --> 通常會係 E 出口出關 --> E 出口轉左 (基本上跟住個指示行就得，一出來又有得唱錢) --> 行大約5~10分鐘到就到咗 Arex 站
之後我哋去就搭第一班車去金浦機場喇，全程需時28分鐘，因為我哋搭 Express ，價錢都係每人3200won(原價要成7900won，唔知係唔係無人搭，所以特價呢?!)，其實重有另外一班 Commuter ，去金浦機場都係33分鐘，票價都係3200won，但係就要停幾個站先到金浦機場。
呵呵~~~出發喇
去到韓國要搭無人駕駛列車去主樓.....
睇下塊顯示板係邊到攞行李先
攞行李都幾快，等咗一陣就有行李攞喇
資料:
仁川機場
http://www.airport.kr/eng/
金浦機場
http://gimpo.airport.co.kr/doc/www_eng/index.jsp
濟州機場
http://jeju.airport.co.kr/doc/jeju_eng/index.jsp
Arex (Airport Railway)
http://www.arex.or.kr/jsp/eng/main.jsp
Welcome Back! 嘩 .... 玩11日咁多, 等住睇你 d 靚相
回覆刪除[版主回覆04/15/2009 21:57:00]嘻嘻~~~其實如果可以玩耐Ｄ重正呀~~~~今次Ｄ相唔係太靚，唔知點解喎...好多都係鬆、郁、冒呀~~~
原來去咗韓國玩,正嘛???
回覆刪除[版主回覆04/16/2009 15:02:00]哈哈~~~正呀~~~如果可以玩耐Ｄ就好喇...
你都幾多假期和錢......喺咪中咗六合彩?
回覆刪除[版主回覆04/16/2009 15:03:00]嘻嘻~~玩咗11日全部洗費都係八千蚊咋~~~我諗我今晚會中頭獎啦 ....
... 點解你去11日都剩係可以洗八千咁少.. ?? 教下我丫.. 個行程應該點安排呀.. 我都係想去濟州+首爾.. 係9月尾去~~我對韓國d景點一無所知 .. 現在惡補緊d資料.. 住邊玩邊食邊..有無提示呀 ?本來我都想係濟州自駕遊.. 不過到見你個blog.. 我都好驚自己慣左右軑.. 去到變左左軑會die hard
回覆刪除[版主回覆07/20/2010 21:13:00]其實我個旅程已經洗多咗架啦 !! 不過家下Ｄ韓幣升咗唔少應該無咁嘅價錢...去韓國嘅洗費基本上唔會好大，因為住宿方面都幾平，重有就係食都唔會好貴....
你有無去外地自駕遊嘅經驗呢 ? 如果有就問題不大，不過你可以試下係濟州到自駕遊先，因為濟州都幾適合自駕遊....
如果係首爾就唔好揸車啦，因為市區揸車真係唔係好方便
至於點編個行程，首先你要定咗個目的地、人數同埋住宿，去幾日..想睇Ｄ咩..交通方面去濟州就揸車會方便Ｄ，去完濟州就要睇下你重有幾多日啦...日數唔多嘅可以考慮直接去首爾可以經一經釜山...
去到金浦機場先買飛去濟洲既機票？大約幾錢張？
回覆刪除[版主回覆09/29/2010 05:01:00]我上次就之前買定嘅就大約90,000.00won到
我有個朋友佢都係去到先買，但係你要睇下你去嘅時候係咪旺季，如果唔係就無所謂，但係旺季都係要等下啫，因為班次都幾密下
我都係book 左 7:00am 由金浦去濟州機場。 但其實我都驚趕吾切 5:15 到仁川，仲要攞行理，有Ｄ擔心，吾知改吾改遲一班機，但一改就要改到11:00 機，又吾想咁晏，點好呢？
回覆刪除[版主回覆03/21/2011 21:29:00]嘻嘻..應該無問題嘅，跟住Ｄ指示做應該可以去到，重會有早添~~~記得要唱定Ｄ錢，因為妳要去買搭 AREX 嘅車票 !!
有個指示，我之前去搵到睇都幾有用架...
Incheon AREX Guide
HELLO~我想請教下你係係邊到BOOK機票GA??你去11日先洗8000蚊係咪因為係淡季??我打算今個聖誕節去,,但無奈D機票太貴LA,,來回未計稅都已經成5000蚊....
回覆刪除[版主回覆04/06/2012 12:07:33]我個次係復活節去架，都應該係旺季嘅，但係個時未係咁多人去韓國.....$8000係包埋機票同全部開支來架...不過我個次去個邊Ｄ住宿洗費唔係咁貴，`重有就係食又唔係好貴，所以埋單就係呢個數啦...Book機票妳可以不停留意各大航空公司...應該可能有機會有平ＤＤ機票嘅...