好，食完餐美味嘅晚餐之後就要去今晚住嘅酒店~~~就係五邑鳳凰酒店~~~我哋去到嘅時候都成八點幾喇...基本上我哋都係到瞓覺啫 ! 去到間房~~嘩~~大到呀~~~可以放三張乒乓球枱都係呀 !! 之後我哋就四圍行下，重係入面唯一一間超級市場買咗雪條食，之後就打返幾圈 ! 開頭試自動麻雀嘅...但係成日都少一隻，最後就變返手動喇 ! 打完就返房沖涼瞓覺~~~
第二朝早十點先集合，所以我哋成九點半先去食早餐，唔知係唔係遲來食呢....無咩嘢食嘅 !! 之後就去今日嘅第一個景點喇~~~就係呢次旅行團嘅主題"花中精靈"紫白雙色禾雀花"~~~因為呢種禾雀花嘅開花期係二月尾至三月中，所以我哋去到基本上好多都凋謝晒 ! 有Ｄ都可以睇到個樣，都幾似 ! 之後就係個溫室入面睇下嘢，重即場買咗Ｄ有機蕃茄食添 ! 都幾鮮甜 ! 睇完就出發去食午餐，呢一餐又係佢哋係Ｄ單張同埋導遊係車到推介嘅，就係叫做<<原味民間20道菜>>~~~聽個名都幾勁 !! 因為去呢間酒家嘅路突然封咗，所以攪都成兩點先到酒家~~~好啦~~~原來真係有成20道菜食架~~成枱人都食唔晒，席間有一對團友講佢成日參加呢個美食之旅，因為佢覺得好抵~~~話時話~~~Overall 其實都幾好~~~食完就去最後一個景點，就係霍英東出錢建造嘅景點，南沙濱海旅遊區~~~入面有一間觀音廟同埋一個塔，我只係去到間廟到，但係就無上塔喇~~~因為唔夠時間呀嗎 ! 睇完間廟重去食撞奶添呀~~~之後就回程去皇崗，返到去深圳都成六點喇，完成咗呢個美食之旅喇....
評語 : 基本上都幾好，兩日一夜去食下睇下嘢，同班朋友一齊去真係幾好像!但係呢間旅行社成日都好多人係門市到架，要報名都唔係容易。重有就係佢哋得三間門市，比較無咁好，不過可能就係因為咁所以先咁平 ! 重有如果佢哋有網站提供有關資料就好啦~~~
沒有留言:
發佈留言
來到留返句說話先走啦...