2009 韓國自駕之旅 - Day 1 神秘道路

睇完個耽木羅石苑之後，就繼續我哋尋找神秘道路~~呢個神秘道路都真係幾神秘，開頭我哋唔係想去嘅時候又成日都見到Ｄ路牌寫住去神秘道路喎，但係我哋想去嘅時候呢~~~就一個牌都見唔到寫話去喎...真係好神秘呀~~~都唔知揸咗幾耐，終於都到咗喇 ! 先前係網上面搵呢個神秘道路嘅時候，有個人寫呢個神秘道路真係好神秘，神秘在係你見到佢向前斜Ｄ物件真係會向前行，向另外一邊斜就係向個邊行 !! 跟住佢就嘖嘖稱奇，真係好神秘~~~

哦~~~以我所知唔係個喎...但係我哋又係咁喎....試到同樣嘅反應喎 ! 當我哋係到疑惑緊嘅時間，有個的士司機即刻試俾我哋睇啦....當然唔關我哋事啦，係有人包車去睇景點，個司機試俾個乘客睇啫 ! 原來我哋係調轉方向，唔怪之得啦~~~終於都試到喇 ! 之後就係附近嘅一檔嘢到買咗條魚旦食，Ｄ魚旦其實係無咩味，個亞豬媽就不停咁係到講電話，好似韓劇入面個Ｄ咁一樣，大大聲咁係到唔知講咩喎 !!

個亞豬媽不停咁講電話架

呢個牌兩邊都係 Start 個喎....但係得一邊可以得

神秘道路~~~

景點資料 : (資料轉自濟州特別自治道網頁 http://china2.tour2jeju.net/main/)

基本信息

• 


• 神秘道路(怪坡)


• 濟州道 濟州市 老衡洞


• 電話: 064-710-3312


• 滿意度:
  
  
  
  

• 

介紹

被稱爲“神秘道路”或“鬼怪之道”的這段路，如果把車停在下坡，您會看到明明應該滑下來的車反而倒爬上坡去的現象。其實，這只是一種視覺引起的誤差現象，受到周圍環境的影響，往下傾斜的地方看起來卻像上坡。

---

來訪路線



在新濟州老衡圓環沿著11號公路上去5分鐘，就可看到世界級的觀光名勝地-神秘道路。