我哋好興奮咁周圍影呀~~~~影呀~~~~影呀~~~~影完之後就行去一Ｄ攤檔到睇下，原來係Ｄ食嘢嘅攤檔來架，有Ｄ似嘉年華會或者花祭，因為佢哋Ｄ攤檔隔離就有好多油菜花係到架喇。我哋一路行一路睇到Ｄ嘢食好似好好味咁，頭先又只係食咗Ｄ麵包，於是就入去其中一檔到叫咗Ｄ嘢來食喇，我哋叫咗壽司卷，煎餅同埋燒豬肉食。我哋同個韓國大叔指下隔離Ｄ人食嘅嘢，點知佢呢就整咗兩條壽司卷，煎餅又整咗兩件來喎....我哋諗住過口癮試食下一條之嗎! 重有就係個碟燒豬肉，唔知點解會變咗做豬腳嘅呢~~~由於真係溝通唔到，我哋就唯有食啦~~~不過碟煎餅真係幾好味，其餘兩樣就Okay啦，但係我真係好想試下燒豬....不過食飽咗食唔落 ! 之後，我哋就係呢Ｄ攤檔到行下，行行下見都有一個攤檔買Ｄ好似"屎蟲"嘅嘢喎..."屎蟲"你哋知唔知係點架，白色一條好似鼻涕蟲嘅呢....我哋諗住影下相啫，個亞豬媽就無神神篤咗幾條俾我哋試，得我同另外一個團友試.....食呢個"屎蟲"真係好有好大勇氣，既然亞豬媽咁慷慨，我就試下喇.....唔~~~食落有Ｄ試食緊粟米咁嘅味道，有Ｄ咬口咁喇~~~不過我可以話，我自己唔會買來食囉 ! 其實除咗呢種"屎蟲"，重有一樣唔記得係咩嘅蟲~~~~點解韓國人會食Ｄ咁嘅嘢嘅呢 ? 唔通佢哋覺得好好味嘅 ?
之後行行又見到有Ｄ雞串個樣好似好好味咁喎，我哋就買咗一串來食喇，好有雞味，同埋都幾淋~~~跟住無神神有個韓國人送咗Ｄ氣球俾我哋Ｄ團友喎....奇怪 ! 然後我哋就周圍睇下喇，呢個嘉年華會或者花祭入面有好多日常用品買，重有唔少嘅食品買添~~~係出口附近重放咗Ｄ用廢鐵整成嘅物件放咗係到 !! 其實究竟呢Ｄ攤位係咩原因係到嘅呢 ? 有無知呀~~~~
都幾得意~~~~睇完晒Ｄ嘢之後我哋又再次向萬丈窟出發喇 !!
你哋睇下，呢幅油菜花田真係好大架......
睇下我幾細粒~~~幅花田幾大幅~~~
Ｄ白色頂縫就係個Ｄ攤位喇...
一入去就見到嘢食....
燒豬肉，我自細鍾意食.......
一個個攤位，好多檔
我想叫嘅係燒豬肉呀~~~點解會變咗豬腳肉架......
韓式飯團~~~~我要一條咋~~~大叔可唔可以唔要咁多呀 !!
呢Ｄ就係我叫佢做"屎蟲"嘅食品喇.....隔離重有一兜好似螺嘅物體 !
近睇似Ｄ咩呢 ? 睇睇下，又有Ｄ似蜜蜂嘅幼蟲喎...
係Ｄ攤位附近都有一大篇花田架...
呢種食物，係韓國成日都會見到，好似香港嘅雞蛋仔咁
燒雞~~如果唔係食飽咗，我實整返隻試下 !
雞串~~~好好味嘅呢~~~
嗱嗱嗱~~~就係呢幾舊又廢鐵整成嘅嘢放咗係門口喇...
d 蟲真係幾核突喎
回覆刪除[版主回覆04/25/2009 22:20:00]係呀~~~真係幾架....不過人哋好熱情咁俾我哋試，我哋唔可以唔試下架嗎 !!
真係好大幅油菜花田呀!!! 好靚呀! (我哋冇經過呢度... ) Thanks for sharing!!
回覆刪除[版主回覆04/27/2009 05:02:00]哈哈~~~呢個都係經過先睇到 ! 其實我到家下都唔知個到係咩地方~~~~
哇，個油菜花田好大好靚呀！好想去......
回覆刪除我想問吓，D「蟲」係咪真係蟲嚟ga？質感似粟米，味道呢？你食嗰陣有冇「妹」到佢d手手腳腳？佢有冇翼ga？等我問吓我個識韓國文化的朋友，係乜嚟ga 先。
[版主回覆04/27/2009 19:48:00]我睇個樣係真係蟲來嘅~~~~質感似粟米，味道其實都似粟米，食落去~~~~唔~~~~無咩特別感覺 ! 手腳同翼到感覺唔到呀 ! 快Ｄ問下妳個朋友係咩來喇...通常有呢種衝，隔離就有一種好似螺嘅嘢一齊，問埋妳個朋友係咩來嘅....
嗰 啲系 蠶繭。我都覺得冇乜味，不過 啲氣味就好遠都聞到。我覺得都幾難聞。
回覆刪除[版主回覆04/28/2009 10:52:00]哦~~~原來真係蟲來嘅....不過食就唔會覺得點，係感覺上難頂Ｄ啫 !
吓~~~~蟲!!!!!仲要係[屎]個隻... 真係唔敢食呀!!!
回覆刪除[版主回覆06/06/2009 09:32:00]其實我真係唔知呢Ｄ係唔係屎蟲，不過應該唔會....可能係一Ｄ蜜蜂嘅幼蟲，但係食嘅時間點都覺得有Ｄ嘢 !! 味道好似食緊粟米咁!!