係札嘎其到食飽睇飽之後就驅車去睇另外一個景點，就係東萊露天浸腳溫泉喇 ! 實際嘅地標~~~哦~~Sorry....無喎 ! 有嘅資料就係係倫明洞站地鐵同埋釜山樂天百貨附近....我哋係樂天百貨附近兜來兜去到搵唔到，我諗都差不多搵咗成個鐘到有喇~~~同埋附近又無咩泊車嘅地方喎(我指嘅係免費嘅...)，所以最後都係放棄，返去酒店到Check-in先 ! 其實家下諗返有Ｄ蠢咗添，我哋應該泊架車係樂天百貨到，然後步行去搵呢個景點先啱，因為通常Ｄ百貨公司都係有免費泊車架嗎 !!
其實呢個景點離我哋住個到個GPS顯示呢，只係二十幾分鐘車程，但係原來釜山都幾塞車個喎。所以要成差不多三十幾分鐘先到酒店呀，去到酒店當然係泊低架車先啦~~~呢間ToyokoInn中央洞泊車係唔洗俾錢架 ! 但係網頁到呢就寫咗要架，不過泊車個到就無人看守同埋又唔洗噤掣就入得，所以應該係唔洗俾錢，到我走個日都無人要向我收錢呢~~~~
講返呢間東橫Inn中央洞先，我哋住呢間係韓國第一間嘅東橫Inn，如果你係Member的話，可以提早Book房之餘兼可以有Discount(網上訂房有30%Discount)俾住宿嘅人。我哋Discount咗之後就係40,000won一晚喇，真係好抵 ! 不過可能有Ｄ民宿重平Ｄ都唔出奇 ! 點解Book呢一間呢，其實我係想Book另外一間東橫Inn架，個間就係釜山車站隔離架咋，不過因為個間個網頁寫泊車係每10分鐘計500won，而我哋住呢一間就係每晚計 5000won，考慮到呢一點當然係要book呢一間喇。不過唔知係釜山站個間係唔係都係泊車唔洗俾錢嘅呢 ? 係就正喇 ! 同埋佢哋有得免費提供早餐，需要唔係咩早餐但係唔洗周圍搵都幾好架嗎 ! 重有重有就係諗住係呢到洗衫，因為佢哋有乾衣機。
係車到落晒Ｄ行李就去Check-in喇，如果係Member，記得攞張Member Card出來一齊做Check-in啦，因為有Discount同埋會儲分架 ! 我張Member Card係係我去北海道嘅時候申請架(都好多年喇)，家下佢哋有張新咭，舊嘅Member Card可以以優惠價換新咭(日本要500日元，韓國就係5,000won，計錢韓國換抵Ｄ)。先前佢哋個Deadline好似係31/3/2009，可能無咩人換，所以延期到31/3/2010。原來可以唔換都得架，因為我問個職員嘅時間有無呢樣嘢，之後佢同我講可以繼續用舊咭都得唔需要一定要換 ! 新咭同舊咭嘅分別就係新咭有張好似sim咭嘅嘢係到~~~當然我呢Ｄ新屎坑就會去換啦....呢次出咭好方便喎，係即場會整張咭俾你，唔係好似舊時咁寄俾你架 ! 不過張相到影得唔靚仔嘅 ! 攪好晒Ｄ嘢就上執埋Ｄ嘢上房，係我攪Check-in嘅時候，我Ｄ團友就好忙咁係到Check Email喇。Ｄ房嘅佈局都同係日本嘅一樣，唯一唔同嘅就係佢哋無提供牙刷、牙膏呢一類嘅嘢，因為韓國有條唔知咩"根據【有關資源的節約和促進循環再利用的法律實施令】，一次性商品的提供被法律所禁止。1樓櫃台銷售牙具，剃鬚刀。"，所以唔會提供呢Ｄ嘢，要嘅就係買俾你，大家要注意下，都好嘅，為地球出返一分力呀嗎。
東橫Inn中央洞
http://www.toyoko-inn.com/c_hotel/00178/index.html
住東橫Inn都唔錯吖，日本的東橫Inn好乾淨，釜山的係咪都有番咁上吓？
回覆刪除[版主回覆04/30/2009 23:15:00]可以講係一模一樣~~~韓國呢一間洗衫唔洗俾錢添呀 !!
請問東橫不是假日和周日先有七折嗎？網上預訂平日也是七折嗎？
回覆刪除[版主回覆08/29/2010 18:52:00]係呀...同日本個Ｄ一樣，網上面訂先至有呢個Discount...
平日要睇返佢網上面有無啦，通常都係得九折多
thx!
回覆刪除另外, 想問下在釜山泊車搵位容易嗎? 多唔多街邊位或免費停車場? 因為我地都打算租車玩, 在釜山大概都係去下魚市場食海鮮咁。
[版主回覆09/02/2010 19:37:00]我個次有好多都係泊係街邊，但係係海雲台個邊就有好多收費停車場啦，都有Ｄ免費位嘅，但係妳要搵可能會晒Ｄ時間 !! 魚市場個邊我都係求其泊係街邊，但係我見到有Ｄ人係到唔知道抄車牌喎
小小貼士，如果妳哋泊係街到，泊完車等一陣先走人，觀察下有無Ｄ人走埋妳哋架車到
你好~想請問呢間東橫inn中央洞 房入面有無電腦？
回覆刪除[版主回覆03/13/2011 07:55:00]房入面無電腦，淨係得 Lan 線接口，要自己帶 Netbook 或 Notebook 去