2017 四國自駕之旅 (20) 30/4/2017 Day 14 (Sun)

2017 四國自駕之旅 (20) 30/4/2017 Day 14 (Sun)

スーパーホテル高松・田町店 > 日本ドルフィンセンター(Dolphin Centre) > 栗林公園 > 倉庫街 北浜alley > 高松城跡 > 高松酒店 > 丸亀町商店街 > Dinner@寄鳥未鳥

住 : スーパーホテル高松・田町店 (MC: 60 606 215*10)

日本ドルフィンセンター (MC: 364 137 133*31) (Dolphin Centre) (免費泊車)

栗林公園 (MC: 60 575 052*02)(收費泊車)

倉庫街 北浜alley (MC: 60 637 663*70) (免費泊車)

高松城跡 (MC: 60 636 408*02) (免費泊車)

四國村 (MC: 60 613 790*10)(無去)

今日嘅行程主要都係係高松到，呢間SuperHotel嘅早餐都幾多嘢揀，味道都幾OK個喎…不過若果遲落來食的話，有D嘢食係食唔到，因為佢哋唔係無限 Refill ，到差不多時間就唔會 refill 嘢，所以想食多款就要早落來~~重有呢到嘅麵包都幾好食!!

我哋食完嘢就上房到Hea下，差不多10點我哋先出發!第一個景點就係呢個日本ドルフィンセンター (Dolphin Centre)喇，唔知係唔係星期日嘅關係，好多家庭組合去玩，所以特別多人!!呢到可以落水去餵同埋係海面海豚，重可以摸下D海豚。本來我哋都想試下海面餵嘅，但係要等成幾個鐘先有得餵，所以我哋就睇人餵算啦~~~除咗餵，都有少少海豚嘅表演睇。

睇完我哋就出返去，見差不多食Lunch時間，咁啱經過一間Shopping Centre就入去睇下有無嘢食啦，點知係無嘢食。咁我哋就沿路搵啦，又見都有一間迴転寿司店喎，咁我哋就入去食啦。入到去，要等位，重要幾多人等添~~~不過我哋都係等咗一陣啫，呢間寿司店D寿司都幾多款個喎，同埋好多都係¥100碟，真係好抵食!!唔怪得之咁多人等啦，味道重要幾好添喎!!

食完我哋就去呢個栗林公園喇，呢個公園如果要慢慢行應該可以行到2~3個鐘，我哋呢段時間去，其實係無咩嘢睇，呢到有得睇櫻花。不過呢到嘅園藝都幾靚，我哋其實睇咗一個鐘都無，諗住快快行去埋單泊車，點知原來最少係泊2個鐘，早知就唔洗咁趕啦~~~

之後我哋就去咗呢個倉庫街 北浜alley啦，呢到係由D倉庫改建而成嘅，入面有食店同埋買D由D Designer 自己設計出來嘅衫或者係擺設，都幾特別，但係我哋就無收穫。

然後我哋去埋呢個高松城跡玉藻公園行下，呢到好細，一陣就行完。

之後我哋就返咗酒店到Hea下先，然後又去行下呢個高松丸亀町商店街 、 高松兵庫町商店街，同埋三越!!

晚餐我哋就去咗食呢個炸雞髀寄鳥味鳥，都幾好食個喎，不過就幾咸下，所以我哋就叫咗啤酒來飲。係呢到我哋又聽到有廣東話，佢哋好似來呢到踩單車添個喎~~

聽日就要返香港喇，咁快就玩完15日~~~

SuperHotel嘅早餐

麵包好食

日本ドルフィンセンター (Dolphin Centre)

Lunch

栗林公園

倉庫街 北浜alley

高松城跡玉藻公園

呢間麵包舖次次行過都有好多人排隊，諗住今日買來試下，點知已經買晒。

寄鳥味鳥