2017/07/30

2017 四國自駕之旅 (15) 25/4/2017 Day 9 (Tue)

2017 四國自駕之旅 (15) 25/4/2017 Day 9 (Tue)

中芳我邸ゲストハウス > 上芳我邸(木蝋資料館) > 松山城 > 松山商店街 > 道後溫泉 > 道後溫泉酒店茶玻瑠 > 道後溫泉本館 > 道後溫泉商店街及車站 > 放生園免費足浴(有音樂表演嘅鐘) > 茶玻瑠
: 道後温泉 茶玻瑠 (MC: 53 349 773*65)

上芳我邸(木蝋資料館)(附近無位泊車)
道後溫泉本館 (MC:53349770)(附近有收費停車場)
道後商店街(附近有收費停車場)

松山城 (MC:53347064) Car Park(MC: 53 316 657*31) (纜車站附近有收費停車場)


今日我哋要9點先至可以Checkout,咁所以今日就可以唔洗咁早起身,今朝我哋就食麵包做早餐重加埋士多啤梨,D麵包好好味,D士多啤梨好紅好香,但就唔係好甜~~

Checkout 完我哋就去參觀呢個上芳我邸(木蝋資料館),原來入面都幾多嘢睇個喎..住要係講呢個蠟係點發現同埋點做出來,重有蠟會做咗D咩製成品出來,原來身邊好多嘢都係有蠟嘅成份個喎~~~呢到睇咗我哋成個鐘!!
睇完我哋就去呢個松山城到參觀,架車就泊咗係松山城個駐車場到,呢到2個鐘要 ¥410。不過個員工就好無禮貌,好少見日本人係會咁,重有泊車D車頭又要向晒一個方向喎,其實附近好多停車場都係 ¥100/30min 架,我重以為去松山城泊呢個場會有優惠添,原來係無嘅~~~
之後我哋就搭吊車上去松山城,但係我哋就無入到去松山城入面睇,因為我哋覺得睇外表就已經夠,入面嘅嘢我哋無咩興趣~~重有呢到都幾多櫻花樹係到,如果開個時來睇應該會幾靚~~
睇完我哋就去松山城大街都行街,行行下見到有一間出名食抹茶大福嘅舖頭,我哋就入去買返個來食啦。呢到食大福係會送茶俾你飲個喎,個大福到幾好味。我哋重係到買咗抹茶雪糕食添呀,又係好好食架! 之後就去到大街到,行行下見到間拉麵舖,我哋就係到食咗個拉麵做Lunch,味道都唔錯~~重係到買咗D嘢添呀
之後就去咗今晚住宿嘅道後溫泉到Checkin,不過就未夠3點,所以無得Checkin,架車就泊係酒店到。然後,我哋就行去道後商店街到睇嘢,又睇放生溫泉個報時鐘,都幾過癮。之後就返酒店Checkin同去浸下溫泉。呢到個溫泉係係天台露天嘅,不過今日就陰天同埋好大風,我哋都係浸咗一陣就走人~~~之後就返房到休息等食Dinner!
呢間酒店嘅晚會係Set Dinner,都幾Fusion下喎,味道都OK!!食完嘢我哋就出去行下,睇下呢個夜景,夜晚道後溫泉都幾多人去浸,不過我哋就無去浸~~~
聽日係長程車,所以要早出發~~



早餐
抹茶大福
抹茶雪糕
松山商店大街
呢個係試食來架咋
Lunch
道後溫泉
道後温泉 茶玻瑠
道後温泉 茶玻瑠Dinner
夜晚道後溫泉

沒有留言:

發佈留言

來到留返句說話先走啦...