~~~活在當夏~~~: 2017 四國自駕之旅 (11) 21/4/2017 Day 5 (Fri)

2017/07/09

2017 四國自駕之旅 (11) 21/4/2017 Day 5 (Fri)

2017 四國自駕之旅 (11) 21/4/2017 Day 5 (Fri)

東祖谷Monorail (奥祖谷観光周遊モノレール) > 大步危駅 > 大歩危峡観光遊覧船) > 道の駅大歩危 > 妖怪之里 >大步危駅 > 祖谷酒店

住 : 渓谷の隠れ宿　祖谷美人 (MC: 357 158 536*82)

今日都係係祖谷呢到遊覽，呢一間酒店嘅早餐都係一般啦，無咩特別。食完早餐，我哋就返房到執好行李先，因為一陣要去玩呢個 Monorail，問過酒店話可以玩完返來先Checkout。

今朝天氣唔係幾好，陰天，我哋第一批人去玩呢個Monorail，去到佢哋都未準備好。要等一陣間先可以玩得，佢哋無神神同我哋講話如果停咗係邊到就要話佢哋知條路軌上面個編號，同埋有機會要返落來，聽到好似有D驚驚哋。好啦，遲咗成15分鐘先開始，都係得我哋玩。山上面都係好大霧，重幾凍下添喎，好在我哋著好咗D衫出發啫~~~

其實呢一個Monorail唔知有咩睇，可能早同埋大霧關係，無嘢睇到~~~如果速度快D就過癮喇~~~都我哋回程個時就見到兩個日本男仔坐緊車上去~~

玩完返酒店攞行李走人，下一個景點就係呢個道の駅大歩危，不過無位停，我哋兜咗一個圈就走人。去咗呢個大歩危峡観光遊覧船，呢個景點應該有好多香港人來，因為有個小冊子係專俾香港人嘅~~

買完飛就行落去坐船啦，見到有一艘船準備開，我哋行慢少少，自己坐一艘，點知佢係到等埋我哋~~

係船上面會有導遊用日文講解下呢條河嘅嘢，之後就會播國語版本~~~

睇完條河，我哋就去食Lunch先，係呢個大歩危峡観光遊覧船個到有得食嘢。原來真係有好多香港人會來呢個景點架，因為我哋就咁聽，都聽到有成兩三枱人講廣東話~~~

之後就去呢個道の駅大歩危，入面有妖怪屋敷と石の博物館，不過之前睇過網友講過其實入面只係放咗一D妖怪公仔係到，無咩特別，所以我哋就無入去，係佢哋個買物館到食下嘢，混咗一陣吉就走人~~~

之後就去咗妖怪之里，條路一路都有D妖怪放係路邊，去到最後就係児啼爺像。然後想去搵呢個小步危，因為成日都係聽到人講大步危，一路向上行，但係搵唔到位停車，所以最後都係搵唔到。之後我哋就兜返去道の駅大歩危到影相。

之後就去酒店，我哋大概三點就去到酒店，呢一間酒店，係成個Trip第二貴個一間酒店，有私人風呂，重要望住條大峽谷，都幾正，所以我哋就早D去酒店到享受下先。

呢間酒店唔係有好多間房，所以旺季應該好容易爆。間房都幾大，個服務員每一樣嘢都解釋一下。原來房入面重有張按摩椅係到個喎….團友即刻就按下，嘩~~佢話好舒服，呢一張椅係 Inada稻田嘅按摩椅，唔怪得之啦~~~因為香港買都幾貴下架

我哋未食晚餐前又浸下溫泉又玩按摩椅，一陣間就到咗他晚餐時間啦~~~呢間酒店嘅晚餐都幾出色，有爐火燒魚，重要幾豐富下添喎~~

返去休息下有去浸多一次溫泉先，然後有玩下按摩椅~~~

奥祖谷観光周遊モノレール奥祖谷観光 Monorail (MC:357117684)(免費泊車)