~~~活在當夏~~~: 2014 冰島自駕之旅 Day 1 & 2 26 & 27/10/2014 (星期日、星期一) (2)

2014/11/23

2014 冰島自駕之旅 Day 1 & 2 26 & 27/10/2014 (星期日、星期一) (2)

2014 冰島自駕之旅 Day 1 & 2 26 & 27/10/2014 (星期日、星期一)

Hong Kong > Helsinki, Finland > Iceland

搭去冰島個一程有 Blog 友話要坐係右手邊，因為可以影到冰島。就到冰島嘅時候天氣幾好，所以我哋都影咗唔少相~~班機比原定時間遲咗成20分鐘到~~

之後就出境，係就咁就可以出境，咩關都唔洗過，真係方便。等攞行李，之後就要去攞車~~嘩，行去攞車個一段路真係瀨嘢，又大風，重要有雨，好似有落冰雹添呀~~~行個一段仔路到幾辛苦 !! 今次係係一間叫 Blue Car Rental 嘅租車公司到租車，呢一間租車公司都叫做平，重要有好多台灣人都係同佢哋租，香港人都有唔少。先前因為某D原因，俾台灣人瘋狂退車，之後嘅服務就非常之好啦~~~我係租個是寫明要佢哋要 Check 清楚D 同埋間車嘅 Conditions 先交車~~~今次租咗一架KIA，韓國車，其實韓國車都幾好揸， Check 好晒D嘢，然後就要出發去今晚住宿，途經一間係冰島好出名嘅超市 Bonus ，簡稱粉紅豬，買咗今晚嘅晚餐同埋聽朝嘅早餐，重有D煮食用品就驅車去住宿。呢一間住宿叫 Downtown Reykjavik Apartment，先前其實唔係租佢，不過佢有得提供私家泊位，所以就租佢，其餘個D有D要俾錢，又有D要泊街~~~呢間 Apartment好多嘢都係自助嘅，入到去有去個 Key Box到攞鎖匙，佢哋之前就會 Send Email 話你知個 Password。

房就唔係好大，放兩個喼真係唔係好得，不過入面有晒要用嘅嘢….放好晒D嘢就煮嘢食，然後就休息，因為都幾勃，因為由出發到達冰島住宿要成二十幾個鐘~~~

冰島的上空