2017/11/22

2017 日本山陰山陽自駕之旅 Day 3

Day 3 - 7/8/2017 星期一
天然温泉境港夕凪の湯御宿野乃 > 二十世紀梨記念館 > 道の駅神話の里 > 白兔神社 > 鳥取砂丘 > Lunch@鳥取港海鮮市場かろいち > 砂丘會館 > AEON MALL TOTTORIKITA イオンモール鳥取北 > スーパーホテル鳥取駅前 >鳥取グリーンホテルモーリス > 鳥取駅 > Dinner@炭火焼ジュジュアン
宿: 鳥取グリーンホテルモーリス(MC: 125 582 133*57)

今日我哋唔洗早出發,呢間天然温泉境港夕凪の湯御宿野乃嘅早餐都幾豐富,可以自製海鮮丼,好多嘢都好好食。今朝起身已經落緊雨,個颱風會係今日係鳥取下面打橫經過,所以D搞到落雨。
出發個時D雨重要落大咗添,我哋第一個景點就係呢個二十世紀梨記念館,去到個停車場都覺得有D古怪,點解棟嘢好似無開燈咁嘅,行到去睇原來今日係休館~~~
咁我哋就去第二個景點啦,就係去呢個道の駅神話の里,不過我哋最主要係去睇佢附近嘅白兔神社。到咗呢個白兔神社時無咩雨落,我哋就快快咁睇完就走。
見天氣唔係幾好,我哋就去食個Lunch先,我哋去咗呢個鳥取港海鮮市場かろいち到食。入面都有幾間食店嘅,我哋揀咗一間地道D嘅,叫咗炸蠔同埋海鮮丼。D炸蠔幾好食,海鮮丼都OK,我哋重叫咗一個生蠔食,味道都OK,不過D味就淡咗D
食完就去睇呢個鳥取砂丘,不過天氣無轉好,重落幾大雨下。我哋唯有去呢個砂丘會館到遠觀呢個砂丘喇,呢個係今次旅程嘅一個大景點,點知俾個颱風搞到睇唔到,可惜~~
天氣唔好,我哋就唯有行室內喇,咁我哋就去呢個AEON MALL TOTTORIKITA イオンモール鳥取北到行下,我哋都有D收穫。
行完就去酒店Checkin,呢間酒店無停車場,所以要泊係D契約停車場到。之後我哋就去行街,不過D雨又越落越大。咁我哋就去咗鳥取駅到行下,呢個鳥取駅都幾多嘢睇,不過我哋無買到嘢。
之後就去咗旅遊書介紹嘅食店到食Dinner,呢一間主要係食炭火燒嘅,我哋叫咗兩個和牛餐,一個普通一個攞獎。普通個個就無牛味,攞獎個個呢就一般。
聽日就會南下喇,去摘桃,個風應該已經遠離咗我哋個活動範圍,應該會好天。




二十世紀梨記念館 MC: 189 655 347*77  睇嘢
白兔神社 MC: 345 689 454*88車泊係道の駅神話の里行上去     
道の駅(神話の里白うさぎ) Tel: 085-759-6700 / MC: 345 689 601*02   睇嘢買嘢
Lunch@鳥取港海鮮市場かろいち MC: 125 696 746*41         食嘢
砂の美術館 MC: 125 733 356*41      睇嘢
Lunch@砂丘會館MC:125 733 773*78   海鮮丼超抵食! 一定要試呀!    食嘢
鳥取縣既萬葉牛都好好食! 用炭火燒 https://fuku29.jimdo.com/ 記得要book


鳥取砂丘 MC:125 733 355   睇風景
浦富海岸・島めぐり遊覧船 MC: 125 891 152 (125 891 120*81)         睇風景
浦富海岸西散策自然步道入口的空地處 (MC: 125 890 730)      睇風景
鴨ケ磯展望駐車場 (MC: 960 006 228)      睇風景
城原展望駐車場 (MC: 960 007 459)      睇風景
Dinner@鳥取駅前商店街

早餐都幾豐富
自製海鮮丼
中途休息站
閉館嘅二十世紀梨記念館
白兔神社

海鮮丼
炸蠔定食
海鮮丼
生蠔
鳥取砂丘 @ 砂丘會館
AEON MALL TOTTORIKITA イオンモール鳥取北
鳥取グリーンホテルモーリス
鳥取駅

沒有留言:

發佈留言

來到留返句說話先走啦...