Day 2 18/5/2013
今日嘅行程就係去東部華僑城嘅，我哋就0830係民宿出發。今朝得14個人出發，因為有一個親友頭暈同埋嘔，另一個腳痛嘅就話陪唔舒服個個。今朝又係要座一架無冷氣嘅車，不過個個司機話我哋食完早餐之後會換一架有冷氣嘅來。
第一站就係去呢個民宿老闆介紹嘅二十年食雲吞老店，間食店係王母墟附近。我哋就叫咗D蒸雲吞、雲吞豬肉丸同埋炒米粉，份量都幾十足下，味道都唔錯，埋單盛惠RMB$164。食完我哋就驅車去呢個東部華僑城，其實呢個東部華僑城有三個谷，有大俠谷、茶溪谷同埋雲海谷。呢個雲海谷其實我哋就應該唔會去，因為呢個谷係打 Golf 嘅。而呢個大俠谷就係住力去玩呢個機動遊戲嘅，而呢個茶溪谷就主要睇景嘅～～係網上面睇咗其他人寫嘅資料，話基本上一日係行唔晒一個谷嘅，話一日只係玩得一個谷。我哋成班人有老有嫩，經考慮過都係去呢個茶溪谷，因為我哋都係信唔過內地嘅保養。不過其實我就去邊一個都無所謂嘅，因為我兩個谷都未去過～～
沒有留言:
發佈留言
來到留返句說話先走啦...