2013 大鵬所城東部華僑城三日兩夜之旅 Day 3 (9)

19/5/2013 Day 3

 

MoMo House > 東山古寺 > Lunch@南澳建華海鮮酒家 > 南澳咸魚街 > 觀音山 > 龍巖古寺 > Dinner＠深圳香格里拉酒店香樂園

 

今日其實行程都幾 Hea 下，不過就要自己去食早餐，今次我哋去返我上次去過食早餐嘅地方到食，都幾近民宿個到～～不過呢一間食店，改咗名叫做海邊餐廳，又裝修個咁 ! 入面淨係得牛腩湯米、炒米同埋粥食～～食完我哋就出發去呢個東山寺，呢個東山寺其實係大鵬古城附近，一出東門直行就可以去到。我哋又係踩單車去，不過段斜路之後我哋都係躁到一半就要推車喇～～

呢間東山寺，我上次來嘅時候就重係到裝修緊，今次去到都重係裝修緊，不過都完成咗七七八八。係個大雄寶殿入面有三座彿，而另外嘅三面牆上面就有好多個羅漢係到，都幾靚～～

睇完呢個我哋就去咗行古城，因為有一個門口我哋就未行嘅～～今日古城入面真係可以講係人山人海～～今日天氣好再加上又係星期日～～我哋睇完呢個古城就返去呢個民宿個到，順便帶遲來嘅親友們去睇下呢個沙灘。今日個沙灘都好多人係到玩，重有人玩水上單車添呀～～

之後就返去民宿 Check Out，不過我哋都攪到成1300先出發，因為大家都要搽身同沖涼，因為頭先出咗好多汗～～

2013 大鵬所城東部華僑城三日兩夜之旅 Day 2 (8)

Day 2 18/5/2013

MoMo House > 早餐@東安飯店 > 東部華僑城茶溪谷 > MoMo House >  Dinner@大鵬古城盛和農家菜 (原先係想係鹽田到食海鮮嘅 > MoMo House

我哋返到去民宿都差不多成七點鐘，係入去呢個小區個時居然係封咗，話因為入面太多車係到，所以就唔比入，好在佢哋都係入去放低我哋之後就會走先有得入去咋～～

之後放好晒D嘢就出發去呢個大鵬所城入面個間食店到食晚餐。見無落雨，於是我哋就踩單車去啦，首先載咗D有腳痛嘅，然後又走咗幾轉兜埋其他人來，中途有親友們去錯咗地方，條路有勁多車同埋塞車，原來一到週末，呢個小區就會係咁架啦，所以就攪咗好耐都無食得～～最後開餐時間到要差不多八點，呢一間嘅鴨真係幾好食，另外好食嘅重有蓮藕餅同埋蛋王南瓜，重有個腸粉都幾好食～～呢一餐埋單 RMB$910，都幾合理～～之後就兜返D人返去呢個民宿，然後大家就去休息啦～～

2013 大鵬所城東部華僑城三日兩夜之旅 Day 2 (7)

Day 2 18/5/2013

MoMo House > 早餐@東安飯店 > 東部華僑城茶溪谷 > MoMo House >
 Dinner@大鵬古城盛和農家菜 (原先係想係鹽田到食海鮮嘅 > MoMo House

呢個茵特拉根應該係最多嘢睇嘅地方，重有幾間食點，早知我哋就落來呢到食啦。不過落咗來，就會睇唔到個個精彩嘅舞獅表演啦～～

我哋一落到來，首先俾呢個係茵特拉根小鎮入口嘅銅人吸引咗好多人係到影相，原來呢D銅人全部都係由真人扮嘅～～大家都係到影相，係個個茵特拉根酒店對出有一個湖，入面有一對鴨，好鍾意係到咬人哋D鞋。之後，我哋就去咗座呢個森林小火車，呢一程車足足座咗成50分鐘，雖然沿途係無咩睇，但係座下又幾舒服喎。
落咗車，我哋就睇下呢個茵特拉根市場。睇完大概1630到，因為有之前唔舒服無一齊上來嘅另外兩個親友由香港去緊大鵬，所以本來我哋諗住去呢個鹽田食海鮮嘅行程改變咗，改返去大鵬古城入面嘅一間叫盛和農家菜到食。原先我哋就約司機1800係呢個大俠谷到等，不過原來搭個架公車909到要成RMB$10一個人，我哋當然係叫佢哋上埋來車我哋啦～～點知等到差不多成六點鐘先來到～～同原先嘅時間差不多～～返到去，就同司機講要加多兩程，由民宿去南澳同埋又南澳去呢個觀音山。開頭佢哋又係要加RMB$400，不過最後講價講到RMB$300，加埋返去深圳個一程就總數RMB$800喇，呢個價錢係我心目中嘅價錢，所以就成交咗，不過唔知係唔係民宿老闆嘅影響力，開頭佢哋都唔肯嘅，後來民宿老闆出咗來之後就好順攤咁話得 !!