呢個丫嗚唔經唔覺用咗好耐，由最初嘅 User Friendly，去到家下嘅越來越多限制
上一Round嘅改版整咗一個逃亡潮出來，重有好多 Blogger 轉咗會。最近，又話要限制每一篇Blog只可以有 16,000個字連埋相~~多咗嘅就會Cut咗佢，有好多人瀨咗嘢，家下重試緊有無其他嘅Blog可以取代丫嗚~~
又以前有一個Function，就係自己Follow咗嘅Blogger一有Update就會通知你，
但係家下無咗呢個Function，要自己去睇下人哋有無Update，你話邊有人會一個一個Blog咁去Check喎，結果最後就係越來越多人開始唔寫Blog~~
最近發現咗一個幾好嘅網叫 Bloglovin，呢個網站幾好，就係可以自己加D你平時睇開嘅網，一有Update就會通知你。通知嘅頻密程度就你自己Set返，可以一Update就通知，又或者一日一個通知~~用咗一排發覺幾好，介紹俾大家用…
講下呢間民宿先，其實我已經住過一次，本來上次就諗住Book旋木家嘅，因為有D雜誌報導過，睇落又幾特別，不過呢一間旋木家成日都爆滿架，因為本身佢哋內地好多公司包晒成間做公司D Training。間旋木家有三間館，但係都可以Full Book架，真係勁 ! 不過可能又同佢個個位置有關，因為佢個幾間都係係海邊。其實，係海邊都重有好多間可以選擇，但係靚D嘅價錢又好貴，平嘅又真係好民宿下。又可能因為呢到有深圳墾丁之稱，所以每逢週末就會有好多深圳住嘅人過來呢一邊玩架啦～～
上一次搵咗一排，其實都係係網上面搵嘅，有個網專門係Book D 住宿嘅，叫檸檬網Lemonsay。我哋就係呢到搵到呢一間 MoMoHouse，呢一間個Café個樣都幾吸引，老闆又幾Nice。經呢個檸檬網Book住宿係要落訂，俾錢嘅方法就係用支持寶，係年幾兩年前我都有淘寶，不過自從佢無得用香港信用卡之後我都無用。俾錢呢到又發生咗一個小插曲，因為我個個淘寶Account好耐無用，所以就費事用啦，就叫其中一位親友幫手俾訂先啦，諗住係好似淘寶咁，去OK買張增值咭入落去個Account到就得，點知原來香港買嘅充值只可以用返係淘寶或者天Mall入面，其他一概係用唔到D錢架。入咗成千幾蚊入去，原來係用唔到，瀨咗嘢 !! 親友都有時會買下淘寶嘢嘅～～
之後我就不斷咁係網上面搵下有咩方法可以入錢入去淘寶個 Account 到，原來家下香港有好多公司係可以幫有淘寶嘅人入錢，佢哋係直接由銀行入錢去個淘寶個 Account 到，所以係可以買其他嘢 !! 最後搵到一間叫WePAY 中國支付平台，只要過錢入去佢哋指定嘅戶口到，好快就會過錢入去你個淘寶戶口到，入完重要有Email提示，都幾方便。
住宿 : MoMoHouse 地址：深圳市大鵬新區大鵬街道鵬城社區較場尾路51號（金水灣度假村旁）。 電話：13510977900 QQ：55512337
