2009 澳門之旅 - 澳門旅遊塔、漁人碼頭 & 新益美食 Dinner

食完個好貴嘅Lunch之後，我哋就去澳門旅遊塔喇。呢個旅遊塔開咗咁耐我都未去過，不過係買Package嘅地方到買有特價，所以就買咗啦...呢個旅遊塔有得食同埋有得玩，其實都唔錯，如果香港整返個都幾好 !! 係上面睇人玩笨豬跳都幾過癮，好似自己跳一樣，好鬼緊張~~有Ｄ人係臨跳個一刻縮沙~~~過唔到自己嘅心理關口 !! 好啦，睇完呢個就去漁人碼頭都睇下啦，呢個漁人碼頭我又係去過一次，上次都未整好Ｄ嘢，今次就話已經整好~~~~但係我覺得同上次一樣，無嘢睇嘅~~~~

睇完又到食Dinner嘅時間啦，今晚要去新益美食。呢一間都幾多人去食過，我都去過一次，上次去食完覺得幾好味，所以今次又再試多一次。今次多人可以試多Ｄ嘢，不過Ｄ質量同質素都有下降~~~~無上次咁好食 !! 食完就去碼頭搭船返香港啦......

澳門旅遊塔

倒吊係到都幾辛苦喎...

澳門同香港嘅空氣污染都幾嚴重

我可唔可以去晒呢Ｄ塔呢 ??

睇住人跳落去都幾緊張

李小龍都係到

呢個漁人碼頭真係無咩好睇

有個唐樓...但係無開個喎...

布達拉宮

新益美食

呢個牛柳粒幾好食

咖哩雞包 - 味道一般，唔係咁好食

冰震芥蘭- 可以保持水準

啫啫通菜煲 - 簡單嘅菜式，但係又幾好食喎...

一鱸兩味 - 之前來嘅一次想叫來食，但係因為少人無叫，今次可以試下，味道一般，無咩特別，重要幾油下，可以整完出來即刻食會好Ｄ...

呢個唔記得係咩啦....有豆腐架~~~

荵油雞 - 呢個諗頭幾好，用個兜隔咗Ｄ油，Ｄ雞比較瘦

焗蝦 - 份量少咗，味道無咁好食...差....

燒鱔 - 呢個燒鱔又係差咗好多，味道唔好食，份量少咗好多