CoCo Garden Resort Okinawa à BIOS 之丘 à 海中道路 (其他網 (1))à 平安座島 à 宮城島 à 伊計島 à 勝連城跡 (其他網 (1) (2) (3) )à Lunch @ Mosburger à 中城城跡 (其他網 (1) )à Jusco @ 具志川店 à Shopping @ ファッションセンターしまむら具志川店 à 民宿喫茶南の楽園 à Dinner @ HottoMotto
住宿 : 民宿喫茶南の楽園
今日係咁多日最遲起身嘅一日，因為想係間酒店都喔嘆下….起身刷完牙洗完面就係酒店四圍行下，尋日已經知道有間洗衣房係酒店入面，一路都以為同其他酒店一樣要付款洗衫，咁我行過就入去八下要幾洗衫同乾衣要幾多錢喇…一睇原來係免費嘅…呵呵….精明嘅香港人梗係唔好執輸啦…即刻返房攞返尋日Ｄ臭汗衫褲出來洗咗佢 ! 好在今日預咗最後Check-out 時間先走人，所以都重有幾個鐘時間洗衫乾衣 ! 之後就去食個早餐先，同佢地係網上 Show 咗差不多，都唔錯…食完之後等Ｄ衫乾完就準備Check-out ! 不過都重有Ｄ時間，走去Check下Email同埋行下酒店入面間Shopping Centre，入面有我哋想買嘅香薰燈，呢燦燈成個都係用陶瓷料製造，用燈泡嘅熱力令到放係上面嘅水同埋香薰自然揮發出來，非常之安全。不過返到香港要換個個燈泡先得，因為日本同香港電壓唔一樣…整好晒Ｄ嘢就Check-out，哈哈…都係收返Booking個價錢，真係正 ! 我哋係 Book 28m2個一款，而佢哋就Upgarde我哋去33m2 個一款，返到香港睇原來重有一款係41m2，我諗成六、七個人都夠住呢…不過今朝行睇到佢哋重有Ｄ復式嘅屋仔架 ! 好啦~~~~今日第一個要去嘅地方就係 BIOS 之丘，其實就咁睇個名都唔知佢係咩來，我開頭以為係一個山丘添，原來係一個公園來架，入面有得划船，坐水牛拉車，餵下山羊，睇下Ｄ植物…..不過我哋唔係咁啱，呢Ｄ啱一家大小去睇下~~~於是我哋就去睇下有咩再決定入唔入去參觀下喇，不過最後都係無入到去。跟住就去海中道路，海中道路是連接與勝半島和平安座島的專用道路，也是全長4.7公里的亞洲第一長海中道路（縣內）。道路路況極好，在淺海域修築了防波堤，道路兩側是寬闊的淺灘。驅車行使在海中道路上使人十分愜意。在海中道路的中段有海濱美景，由此眺望大海和與陸地毗連的島嶼（平安座島、宮城島、伊計島）等風景優美。呢個海中道路係一條好長嘅橋，而係橋上面又有一個休息站 ! 沿住條橋一路入去就會經過平安座島、宮城島，最後就會去到伊計島啦 ! 去到個海中道路個休息站睇下Ｄ嘢，入面有個資料館講返一Ｄ關於沖繩捕魚嘅歷史。睇完繼續前進去平安座島，點知一上車手撻著就閃油燈~~~有無攪錯 ! 頭先都重有兩格，點解會突然無晒架 !? 由於唔知到前行嘅地方有無油站，所以就唯有返出去入油喇~~~係無得選擇之下，唯有求其去一間就入啦 ! 呢一間嘅油都幾貴，要成差不多¥168/L ，普通嘅都係 ¥157/L ，不過無計 ! 後來入去平安座島見到原來都有油站可以入油。好啦 ! 入完油繼續我哋嘅行程，呢幾個島其實都無咩特別，不過你如果係釣魚愛好者的話，就啱晒喇，因為我睇呢幾個島都幾識合釣魚。嘩~~如果無咩做係呢到釣魚都可以Hae 到成日呀 ! 睇完呢幾個島就去睇一個叫做勝連城跡嘅地方，呢一個城跡又一個統治者嘅標記，睇返Ｄ資料，呢個城最興盛嘅時期係14世紀未15世紀前半，最後統治者叫阿麻和利。我哋去到嘅時候個天都已經陰晒，行到去一半嘅時候重要落埋雨添呀，當時上面重有一對日本情侶係到，不過佢哋連傘都無，就係咁係大樹下面避雨，不過我哋都唔係好得佢哋好多，只係多咗一把傘咁大把 ! 本來想睇埋成個城跡，不過睇Ｄ雨勢都無咩可能啦~~~所以一等佢細雨Ｄ我哋就走人啦 ! 真係有一點兒可惜啦~~~最想睇就係呢一個城跡，就係睇唔到啦，有Ｄ網重稱呼呢一個城跡為天空城跡添呀 ! 落到山腳，入去呢個城跡嘅資料館避一避雨先 ! 係入面都係唔少嘅資料可以睇到關於呢一個城跡。雨勢好似無咩減弱到咁，但係我哋嘅行程重要繼續嘅呢 ! 因為都成三點鐘，於是我哋就係去下一個景點嘅途中去食返個 Late Lunch 先，見到有一間Mosburger，就入去試下日本嘅Mosburger同香港嘅有咩分別喇 ! 分別就係日本重有其他唔同嘅飲料配搭….不過係沖繩呢一到好多間Mosburger都有一個專門俾Ｄ駕駛人士叫外賣嘅服務，好似外國咁樣架，駛架車入去然後對住部機講你要咩飽同其他嘢，然後駛前就可以去攞嘢同俾錢~~~不過我哋用唔到…因為唔識講日文 ! 食完嘢，就去下一個景點中城城跡，中城城蹟是14至15世紀由當時琉球著名武將護佐丸修建的城郭，鎮守琉球與中國海上貿易的重要通道。中城的城池實用而美觀，尤其是城門和六座相連的小城郭的造型極為特殊。如今沿寂靜的城池信步而行，登城而上，眺望眼下浩瀚的太平洋和東中國海，似乎可感受往昔的歷史遺韻。2000年12月，中城城蹟正式登記為世界遺產。我哋去到門口嘅時候都重落雨，所以我哋無入去睇呢個景點 ! 之後就係驅車去今日嘅住宿民宿喫茶南の楽園，呢一間民宿係網上面睇到幾靚仔，不過如果係無揸車的話，應該就唔係咁方便去到 ! 係去民宿嘅途中我哋又去咗行 Jusco ，Jusco 真係周圍都有一間係附近呀 ! 跟住行完Jusco 重無神神入咗間買衫褲鞋襪嘅商店買咗Ｄ嘢添呀 ! 因為真係幾平下 ! 去呢個沖繩嘅南部其實路程就唔係好遠，但係實在係幾塞車下，再加上個偉大嘅 GPS 行埋Ｄ路，去到民宿都成七點鐘 ! 呢間民宿係由一對日本夫婦負責，佢哋Ｄ英文又係唔係好得，我諗佢哋都係招呼日本人多，我哋去到嘅時候，啱啱有一對日本人係到，館主重為佢哋準備緊晚餐，睇落去個樣都幾好味咁喎 ! 不過我哋聽朝就可以試下館主嘅手勢得唔得啦 ! 安頓好所有嘢之後，我哋又要去搵晚餐食喇，沿途入去都唔多覺有Ｄ咩食，見都 一兩 間食店，最後去到都係發覺係Ｄ放題食店多 ! 於是乎，我哋又再次幫襯 HottoMotto 啦 ! 我哋買完外賣就攞返去民宿到開餐，因為唔知人哋俾唔俾帶嘢返去食，所以我哋都係鬼鬼鼠鼠咁放入背包攞返去食咋 ! 食完晚餐，就發覺有好多大水蟻係Ｄ罅到爬入間房，嘩~~~整極都有，重要係床都有添 ! 點攪呀 ! 於是就問館住攞支殺蟲劑來噴，因為驚佢哋唔識聽殺蟲劑英文，於是我就攞一隻大水蟻嘅同埋寫咗”剎蟲劑”呢幾隻字去問館住喇 ! 呀 ! 佢又知道我想做咩喎，跟住就俾咗支殺蟲劑我….攪掂之後就去沖涼啦 ! 沖完涼就準備休息，突然諗起未講幾點食早餐個喎 ! 於是就又用頭先個招寫字，又攪掂 ! 終於可以訓覺啦 !
F
回覆刪除